San Juan 7:7 - Kaqchiquel Bible

⁷ Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Tuilleadh tionndaidhean

Kaqchikel Santo Domingo (Xenacoj)

⁷ Rix maneq roma itzel ngixtzꞌat koma ri wineq. Pero riyin itzel ngitzꞌat koma rejeꞌ, porque kin nibꞌij chake chi ma utz ta ri itzel teq achike ri ngekibꞌanalaꞌ.

Kaqchikel Santa Maria de Jesus

⁷ Ixreꞌ man itziel ta nquixtzꞌiet cuma ri vinak ri man quiniman ta ri Dios. Pero inreꞌ itziel nquitzꞌiet, ruma inreꞌ niꞌej ri itziel tak kax ri ncaꞌquiꞌan.

Kaqchikel Central Guatemala

⁷ Rix xa can man c'a yixetzelex ta coma ri vinek ri c'a quicukuban na quic'u'x riq'uin re ruvach'ulef. Jac'a yin can yinquetzelaj-vi. Yinquetzelaj roma yin can nink'alajirisaj ri itzel tak quibanobal ri yequibanala'.

Re C'ac'a Testamento pa Kach'abal

⁷ Yex xa man itzel-ta yixtz'et coma re vinak re man quiniman-ta re Dios. Jac'a yen can yinquitzelaj-va. Yinquitzelaj roma yen can ninlisaj pa sakil re itzel tak quibanabal re ye'quibanala'.

Kaqchikel Western Solola

⁷ Riyix majun modo chi xquixetzelex ta cuma ri winek ri xa riq'ui ri ruwach'ulef quicukuban wi quic'u'x. Yac'a riyin can yinquetzelaj wi, ruma riyin can nk'alajsaj ri itzel ri yequibanala'.

San Juan 7:7 Iomraidhean Croise

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

Wuj Richin Bix Chire ri Dios 109:5

Ja ri itzel nikiben chuwe, pa ruk'exel ri utzil ri ninben chike. Nich'upun k'a kik'u'x chuwij pa ruk'exel ri ajowabel ri ninya' chike.

Wuj Richin Etamabel-Tzij 15:12

Ri wineq ri kan man nuch'ob ta ri yerubij, man nrajo' ta ri nipixaban richin; y kan man napon ta rik'in jun aj-na'oj, richin chi nuk'utuj ta runa'oj chire.

Wuj Richin Etamabel-Tzij 8:36

Jak'a ri wineq ri xa man yirukanoj ta y xa yirujech'ej kan, nroyoj k'a ruk'ayewal pa ruwi', roma ri wineq ri man najowan ta wichin, xa kan nrajo' wi ri kamik, keri' k'a ri ch'abel ri nubij ri na'oj.

Wuj Richin ri Isaías 29:21

Xkek'is chuqa' ri winaqi' e tz'ukuy taq tzij richin nikiq'abaj chikij ch'aqa' chik winaqi'. Xkeken ri winaqi' ri nikiya' pikbel pa rubey ri nichojmirisan richin ri yebanatej. Xkek'is chuqa' ri winaqi' ri nikiq'ol ri to'onel ri niq'aton-tzij, richin man yeban ta pa ruchojmilal chike ri maneq kimak.

Wuj Richin ri Isaías 49:7

Yin Jehová ja yin ri in ikolonel, y xaxe yin ri in i-Dios. Ri ch'aqa' chik tinamit kan janila ix ketzelan, y kan man yixqa' ta chikiwech. Y rix kan xixime' pa samaj kik'in ri ch'aqa' chik q'atoy taq tzij. Jak'a xtapon jun q'ij toq xkixkitz'et ri rey, y xkepa'e' chiwech richin nikiya' iq'ij, y ri e tata'al xtikilukuba-ki' chiwech, roma ja yin Jehová ri Loq'olej ri in k'o pan iwi' y ri xicha'on iwichin. Y kan xtinben ri ninbij.

Wuj Richin ri Jeremías 20:8

roma ronojel mul yin yich'on xaxe richin ninq'alajirisaj kamik o wululen. Roma ri' toq ninq'alajirisaj ri ach'abel, xa yinkiyoq' y yinkitze'ej.

Wuj Richin ri Chojmirisabelri'il 13:10

richin chi nutz'et achike rubanon ri yabil ri'. Y wi ri sipojik seq rubanon y chuqa' xusaqirisaj yan ri rusumal y kan ch'a'k chik rubanon;

Wuj Richin ri Zacarías 11:8

Pa jun ik' xenwelesaj k'a el oxi' chike ri yuq'unela', roma xkiben chuwe richin xik'o yan nuk'u'x kik'in. Chuqa' ri winaqi' xa kan xinketzelaj.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

San Lucas 6:26

Toq'ex iwech rix, toq ninimirisex iq'ij koma ri winaqi'. Roma ri iwati't-imama' xa keri' xkiben ri ojer kan kik'in ri xebananen chi e q'alajirisey ruch'abel ri Dios.

San Juan 17:14

Rije' kan nuya'on-wi k'a ri ach'abel chike. Jak'a ri winaqi' ri k'a kikuquban na kik'u'x rik'in re ruwach'ulew xeketzelaj, roma rije' man e richin ta chik re ruwach'ulew, achi'el yin man in richin ta re ruwach'ulew.

San Juan 3:19

Kan konojel wi k'a ri man nikikuquba' ta kik'u'x rik'in, k'o chik ri ruk'ayewal pa kiwi', roma ri saqil kan xoqaqa-wi chuwech re ruwach'ulew, jak'a rije' xa más xkajo' ri q'equ'm chuwech ri saqil, y re' roma rije' kan xaxe-wi k'a ri itzel taq banobel ri yekibanala'.

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

Gálatas 4:16

¿Nich'ob rix chi yin xinok etzelanel iwichin roma toq xinbij ri qitzij chiwe?

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

1 Juan 4:5

Rije' kan e richin-wi re ruwach'ulew. Y roma ri' ri tzij ri nikibij, xa tzij richin re ruwach'ulew. Y konojel ri winaqi' ri k'a kikuquban na kik'u'x rik'in re', nikak'axaj ri nikibij.