San Juan 7:24 - Kaqchiquel Bible

²⁴ Man k'a tibij chi man utz ta ri nubanobal, xaxe roma keri' niq'alajin chiwech rix. Jak'a tiq'ata-tzij pa nuwi' rik'in jun qitzij ruchojmilal, xcha'.

Tuilleadh tionndaidhean

Kaqchikel Santo Domingo (Xenacoj)

²⁴ Ma xetal kixwalal chubꞌixik chi ma utz ta ndajin rikꞌin jun wineq xe roma ndinojij chi ma utz ta ri ndubꞌen. Pa rukꞌexel riꞌ, titzꞌetaꞌ utz-utz si qetzij ri achel ndinojij o ma ke ta riꞌ.

Kaqchikel Santa Maria de Jesus

²⁴ Man tiꞌej chi man otz ta ri xinꞌan, joꞌc ruma quireꞌ ntitzꞌat ixreꞌ. Ixreꞌ titzꞌataꞌ otz ri xinꞌan, cꞌajareꞌ tiꞌej xa otz o man otz ta, xchaꞌ ri Jesús.

Kaqchikel Central Guatemala

²⁴ Man c'a tibij chi man utz ta ri nubanobal, xaxe roma queri' nik'alajin chivech rix. Xa can tivetamaj na c'a jebel, vi queri' o man que ta ri'; richin queri' man quixsach, xcha' ri Jesús.

Re C'ac'a Testamento pa Kach'abal

²⁴ Man tibij che man otz-ta re nubanabal, roma quire' nik'alajin chivach yex. Xa can titamaj jabal vo xa quire' o man quire-ta, chin quire' man quixsatz, xcha' re Jesús chique.

Kaqchikel Western Solola

²⁴ Man c'a tibij ta chi riyin ma utz ta ri xinben, ruma queri' nitz'et riyix. Xa can tiwetamaj na c'a jabel, la kas queri' o ma que ta ri'; riche (rixin) chi queri' ma yixsach ta riq'ui ri nibij, xcha' ri Jesús.

San Juan 7:24 Iomraidhean Croise

Wuj Richin Bix Chire ri Dios 82:2

Y nubij k'a: ¿K'a janipe' k'a yixtane' richin man pa ruchojmilal ta niq'et-tzij, y kan chaq ye'ito' ri e banoy taq etzelal?

Wuj Richin Etamabel-Tzij 17:15

Ek'o yebanon chi ri aj-mak choj rubanobal nikiben chire y ri maneq rumak nikiben aj-mak chire; chi ka'i' banobel re' kan itzel k'a nitz'et roma ri Jehová.

Wuj Richin Etamabel-Tzij 24:23

Re etamabel-tzij re', kan kichin chuqa' ri winaqi' e aj-na'oj: Man utz ta chi toq niban jun q'atoj-tzij, xaxe jun ri utz niban rik'in.

Wuj Richin ri Isaías 5:23

Rix chuqa' yixpuaqix xaxe richin chi nibij chi ri wineq man jun rumak. Jak'a rik'in ri wineq ri choj ruk'aslen, kan man niben ta ri k'atzinel.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Wuj Richin ri Zacarías 7:9

Yin Jehová k'iytisanel richin ronojel ri yibin. Toq xtiq'et-tzij, kan tibana' k'a pa ruchojmilal. Kan xkixajowan k'a y tik'oje' k'a joyowanik chi'ikojol.

San Juan 7:25

Ek'o k'a chike ri winaqi' aj-Jerusalem ri nikibila': ¿Man ja ta k'a ri Jesús ri nikanox richin nikamisex?

San Juan 8:15

Rix kan iyon k'a nibanala-qa iq'atbel-tzij achi'el ri nikiben ri ch'aqa' chik. Jak'a yin man nuyon ta ninq'et-tzij.

2 Corintios 10:7

Rix yixch'on chiqij xaxe rik'in ri yojitz'et. Nich'ob chi xaxe rix ri ix richin ri Cristo. Jak'a kan tich'obo' jebel, roma roj chuqa' kan oj richin wi ri Cristo.

Santiago 2:1

Wach'alal ri iniman chik ri qajaw Jesucristo ri janila ruq'ij-ruk'ojlen, man tiben rukojolil kik'in ri winaqi'.

Santiago 2:4

Wi keri' xtiben, kan xtiq'alajin-wi chi rix xa kan niben ri rukojolil kik'in ri winaqi', chi jun wineq más rejqalen chuwech jun chik, y ri' xa jun itzel ch'obonik.

Santiago 2:9

Jak'a wi xa niben rukojolil kik'in ri winaqi', yixmakun, roma keri' rix xa kan niq'ej ruwi' ri pixa'.