San Juan 5:39 - Kaqchiquel Bible

³⁹ Rix kan nisik'ij k'a jebel rupan ri ruch'abel ri Dios ri tz'ibatel kan, roma kan nich'ob chi chupan ri' niwil-wi k'aslen ri man k'isel ta. Y chupan ri ruch'abel ri Dios kan ja yin ri yiruq'alajirisaj.

Tuilleadh tionndaidhean

Kaqchikel Santo Domingo (Xenacoj)

³⁹ Rix kin ndinikꞌoj wi ri ndubꞌij ri rutzij ri Dios tzꞌibꞌan kan, porque ndinojij chi keriꞌ ndiwil ri kꞌaslen ma ndikꞌis ta, y xu ja tzij riꞌ, ri ndiqꞌalajrisan achike riyin.

Kaqchikel Santa Maria de Jesus

³⁹ Ixreꞌ titzꞌataꞌ otz ri ruchꞌabꞌal ri Dios ri tzꞌibꞌan can, ruma ivataꞌn chi chupan reꞌ ntivil ri cꞌaslien ri man niqꞌuis ta. Y ri ruchꞌabꞌal ri Dios xa chuvij inreꞌ nichꞌo-ve.

Kaqchikel Central Guatemala

³⁹ Can tinic'oj c'a jebel rupan ri ruch'abel ri Dios ri tz'ibatel can, roma can ivetaman chi chupan ri' nivil-vi c'aslen ri man q'uisel ta. Y chupan ri ruch'abel ri Dios can jac'a yin ri yiruk'alajirisaj.

Re C'ac'a Testamento pa Kach'abal

³⁹ Can tinic'oj jabal re ruch'abal re Dios re tz'iban can, roma can itaman che chupan re' nivel-va re c'aslen re man niq'uis-ta. Y re ruch'abal re Dios jac'a chuij yen nich'o-va.

Kaqchikel Western Solola

³⁹ Can tinic'oj c'a jabel rupan ri ruch'abel ri Dios ri tz'ibatal ca, ruma iwetaman chi chupan ri' niwil wi ri c'aslen riche (rixin) xtibe k'ij xtibe sek. Y ri ruch'abel ri Dios can ya c'a ri' ri nik'alajsan wuche (wixin) riyin.

San Juan 5:39 Iomraidhean Croise

Wuj Richin Bix Chire ri Dios 1:2

Pa ruk'exel ri' xa kan rik'in ri rupixa' ri Jehová nikikot-wi. Ri rupixa' ri Jehová jari' ri nuquqa-rij chi paq'ij chi chaq'a'.

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Wuj Richin Bix Chire ri Dios 133:3

Chuqa' kan achi'el ri raxq'ab ri niqaqa pa ruwi' ri juyu' Hermón, y pa ruwi' ri juyu' Sión, roma chiri' ri Jehová kan nuteq k'a pe urtisanik y k'aslen richin q'asen.

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin Bix Chire ri Dios 21:4

Xuk'utuj ruk'aslen chawe y kan xaya' chire; xaya' k'a k'iy q'ij ruk'aslen chuwech re ruwach'ulew.

Wuj Richin Bix Chire ri Dios 36:9

Roma kan awik'in rat k'o-wi ri tz'ukubel-ya' richin k'aslen; ri asaqil rat nusaqirisaj ri qak'aslen roj.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Wuj Richin ri Isaías 34:16

Kan titzu' chupan ri wuj richin ri Jehová y tisik'ij. Kan man jun k'a chike re chikopi' re' ri man ta xtik'oje' chiri', y man jun chike rije' ri ruyon ta xtik'oje' chiri'. Xa kan chikijujunal k'o k'a kachibil, roma kan keri' xubij ri Jehová y rik'in k'a ri ru-Espíritu xkerumol-wi.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Wuj Richin ri Jeremías 8:9

Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

San Mateo 22:29

Kan jari' toq ri Jesús xubij chike: Rix xa ix sachineq rik'in ri xibij. Roma man iwetaman ta achike nubij ri ruch'abel ri Dios. Y kan man iwetaman ta k'a chuqa' chi ri ruchuq'a' ri Dios janila nim.

Marcos 10:3

Ri Jesús xubij: ¿Achike k'a ri rubin kan ri Moisés chupan ri pixa'?, xcha'.

Marcos 12:10

¿Kan man jun bey k'a itz'eton ri jun tzij tz'ibatel kan chupan ri ruch'abel ri Dios? Toq nubij:*f15* K'o k'a jun abej ri man xqa' ta chikiwech ri banoy taq jay. Jak'a re wakami kan jari' ri más k'atzinel chire ri jay richin chi kow xpa'e' kan.

San Lucas 16:29

Jak'a ri Abraham xubij chire: Rije' k'o kik'in ri ruch'abel ri Dios ri rutz'iban kan ri Moisés. Y k'o chuqa' ri kitz'iban kan ri e q'alajirisey ruch'abel ri Dios ojer kan. Jari' k'a ri tikak'axaj, y tikinimaj, xcha' ri Abraham.

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Lucas 24:25

Jari' toq ri Jesús xubij k'a chike: Rix ri maneq ina'oj, xa man okineq ta k'a pan iwánima ri kibin kan ri xeq'alajirisan ri ruch'abel ri Dios ojer kan.

San Lucas 24:27

K'ari' ri Jesús xuchop k'a rusolik-rij chikiwech ri e ka'i' achi'a' ri', ronojel ri e tz'ibatel kan chirij rija', chupan ri ruch'abel ri Dios. Xuchop k'a el rik'in ri e rutz'iban kan ri Moisés, k'a rik'in ri kitz'iban kan ri ch'aqa' chik achi'a' ri xeq'alajirisan ri ruch'abel ri Dios ojer kan.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

San Juan 1:45

Y ri Felipe, xberuk'ulu-pe ri jun achin rubini'an Natanael, y xubij k'a chire: Xqil yan k'a ri runatan kan ri Moisés chupan ri pixa' y ri kinatan chuqa' kan ri xeq'alajirisan ruch'abel ri Dios ojer, ri chupan ri kiwuj e kitz'ibalon kan. Rija', ja ri Jesús ri ruk'ajol ri José aj-Nazaret, xcha'.

San Juan 5:32

Jak'a kan k'o chik k'a jun ri niq'alajirisan chi kan e utz. Y ri nubij rija' chuwij yin, kan qitzij wi.

San Juan 5:36

Jak'a kan k'o jun ri nich'on pa nuwi' ri más rejqalen chuwech ri Juan. Y re' ja ri nubanobal. Y kan ja ri Dios ri chilabeyon-pe chuwe richin ninben. Y re' nuq'alajirisaj chi ja ri nata' Dios ri taqayon-pe wichin.

San Juan 5:40

Jak'a rix man niwajo' ta nikuquba' ik'u'x wik'in, richin niwil k'aslen richin q'asen.

San Juan 5:46

Roma wi ta kan qitzij chi rix ninimaj ri e rutz'iban kan ri Moisés, kan yininimaj ta chuqa' yin, roma ri e rutz'iban kan rija', kan chuwij yin yech'on-wi.

San Juan 7:52

Rije' xkibij k'a chire ri Nicodemo: ¿Rat chuqa' xa at aj-Galilea? Tanik'oj na pe jebel ri ruch'abel ri Dios ri tz'ibatel kan. Chiri' man jun bey nunataj chi ri pa Galilea nik'ulun ta pe jun q'alajirisey ruch'abel ri Dios, xecha'.

Hechos 13:27

Xa ja ri qawinaq ri ek'o pa Jerusalem y ri aj-raqen chuqa' ri ek'o chikikojol, xa jari' ri man xenaben ta achike ri' ri achoq chirij ch'owineq-wi ri Juan. Ri rubi' rija' ja ri Jesús. Chuqa' man q'axineq ta chikiwech ri ruch'abel ri Dios tz'ibatel kan koma ri achi'a' ri xeq'alajirisan ri ruch'abel ojer kan pa rubi' ri Jesús, stape' pa ronojel q'ij richin uxlanen nisik'ix ruch'abel ri Dios. Roma ri', toq rije' xkibij chi tiqaqa ri kamik pa ruwi' ri Jesús, kan ja rije' ri xebanon chi qitzij xbe'el-wi ri nubij ri ruch'abel ri Dios.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Hechos 26:27

Y rat Agripa, ¿nanimaj rat ri kibin kan ri q'alajirisey ruch'abel ri Dios? Yin wetaman chi kan nanimaj, xcha'.

Romanos 1:2

ri xuq'alajirisaj chike ri e q'alajirisanela' ri xek'oje' ojer kan, y rije' xkitz'ibaj kan chupan ri loq'olej wuj ri nich'on chirij ri qajaw Jesucristo, ri ruk'ajol. Kan qitzij wi chi rija' wineq, ri xalex rik'in ri rijatzul kan ri rey David. Y roma ri ruk'astajibal, ri Loq'olej Espíritu xuk'ut rik'in nimalej uchuq'a' chi rija' chuqa' kan ruk'ajol wi ri Dios.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.

Deut 18:15

Ri Jehová ri qa-Dios xtuyek-pe chi'ikojol jun q'alajirisey ruch'abel rija', achi'el yin; y kan k'o chi xtinimex rutzij.

Deut 18:18

Yin xkibanon richin chikikojol rije' xtel-wi-pe jun q'alajirisey ri nuch'abel achi'el rat, jun ri kan iwinaq rix, y kan xtubij chike ri winaqi' achike ri xtinbij chire.

Deut 29:29

Ronojel ri man tz'etel ta pa ruq'a' ri Dios ek'o-wi, jak'a ronojel ri e q'alajirisan kan, qichin k'a roj y kichin ri qalk'ual, richin jantape' niqataqej ronojel ri ruchojmilal richin re pixa' re'.

Deut 32:47

Roma re ch'abel re' man xabachike ta ri man ta k'o rejqalen. Re' xa kan jare' ri ik'aslen, y roma re pixa' re' kan xkixk'ase' k'iy juna' chuwech ri ruwach'ulew ri xtiya'ox chiwe richin niwichinaj kan ri k'o juk'an chik chire ri raqen-ya' Jordán, xcha'.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Hebreos 11:35

Ek'o chuqa' ixoqi' ri xekik'ul chik ri aj pa kachoch rik'in kik'aslen stape' e kamineq chik el. Jak'a ek'o ch'aqa' chik winaqi', ri man xkipoqonaj ta xe'apon chuwech ri kamik y man xkajo' ta richin xekol; roma kan ketaman chi chirij ri kamik xtibekila' jun k'aslen más utz.

Wuj Richin ri Josúe 1:8

Man jun bey k'a katane' chubixik ri pixa' kichin konojel winaqi' ri tz'ibatel kan chupan re wuj re', xa kan chi paq'ij, chi chi'aq'a' taquqa-rij richin nayek pan awánima ri tz'ibatel kan chupan ri wuj, y keri' kan utz k'a xkabe chupan ri abey y ronojel k'a ri xtaben kan utz k'a xtel chawech.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.