San Juan 5:29 - Kaqchiquel Bible

²⁹ Jak'a ri xe'uk'uan jun k'aslen utz chuwech ri Dios, xkebeyakatej k'a pe richin xtikil kik'aslen ri man k'isel ta. Y ri man utzilej k'aslen ta xkik'uaj chuwech ri Dios, xkebeyakatej k'a pe richin xkebeqaqa k'a chupan ri ruk'ayewal.

Tuilleadh tionndaidhean

Kaqchikel Santo Domingo (Xenacoj)

²⁹ Ri animaꞌiꞌ ri xkibꞌanalaꞌ ri utz chuwech ri Dios atoq xekꞌaseꞌ, ngebꞌeꞌel pe apeꞌ emuqun chin ndiyoꞌox ri kꞌaslen ma ndikꞌis ta chake. Pero ri animaꞌiꞌ ri xkibꞌanalaꞌ itzel teq achike chuwech ri Dios atoq xekꞌaseꞌ, ngebꞌeꞌel pe chin ndiyoꞌox castigo chake, xchajeꞌ.

Kaqchikel Santa Maria de Jesus

²⁹ Y ri otz quicꞌaslien xquicꞌuaj choch ri Dios, xcaꞌbꞌacꞌastaj-pa chi xticꞌujieꞌ quiqꞌuin ri cꞌaslien ri man niqꞌuis ta. Pero ri man otz ta quicꞌaslien xquicꞌuaj choch ri Dios, xcaꞌbꞌacꞌastaj-pa chi ncaꞌa chupan ri sufrimiento.

Kaqchikel Central Guatemala

²⁹ Y jac'a ri xe'uc'uan jun c'aslen utz chuvech ri Dios, xquebeyacatej c'a pe richin xtiquil quic'aslen ri man q'uisel ta. Y ri man utzilej c'aslen ta xquic'uaj chuvech ri Dios, xquebeyacatej c'a pe richin xquebeka' c'a pa ruc'ayeval.

Re C'ac'a Testamento pa Kach'abal

²⁹ Y jac'a re xe'c'uan jun c'aslen otz chach re Dios, xque'beyacataj-pa chin xtiquivel quic'aslen re man niq'uis-ta. Y re xquic'uaj jun itzel c'aslen chach re Dios, xque'beyacataj-pa chin xque'beka pa tijoj-pokonal.

Kaqchikel Western Solola

²⁹ Y yec'a ri xe'uc'uan jun c'aslen utz chuwech ri Dios, xquebec'astej c'a pe riche (rixin) chi xtiquil jun quic'aslen riche (rixin) xtibe k'ij xtibe sek. Y ri xa itzel c'aslen xquic'uaj chuwech ri Dios, xquebec'astej c'a pe riche (rixin) chi xquebe pa ruc'ayewal.

San Juan 5:29 Iomraidhean Croise

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

San Lucas 14:14

Kan jebel k'a ruwa-aq'ij, roma re winaqi' re xe'awoyoj, man yetikir ta nikiya' rajel-ruk'exel chawe. Jak'a rat xtak'ul ri rajel-ruk'exel, toq junan xkak'astej-el kik'in ri chojmilej taq winaqi', xcha' ri Jesús.

Hechos 24:15

Yin kan kuqul k'a nuk'u'x rik'in ri Dios chi ri kaminaqi' k'o na jun q'ij toq xkek'astej. Kan xkek'astej k'a pe ri e choj y ri man e choj ta. Y ri nuwinaq kan keri' chuqa' ri koyoben chi nibanatej.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Hebreos 10:27

Y xaxe chik k'a koyoben-apo ri nimalej q'atoj-tzij ri peteneq y chuqa' kan koyoben chik apo toq xke'apon chupan ri nimalej q'aq' ri akuchi xkebeqaqa-wi ri ye'etzelan richin ri Dios.

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

1 Pedro 3:11

Tijech'ej-el-iwi' rik'in ri etzelal, y tibana' ri utz. Tikanoj ri uxlanibel-k'u'x y jari' ri titzeqelibej.