San Juan 4:22 - Kaqchiquel Bible

²² Rix aj-Samaria xa ja ri man iwetaman ta ruwech ri niya' ruq'ij. Jak'a roj judío kan qetaman-wi ri achike ri niqaya' ruq'ij, roma kan ja ri qik'in roj peteneq-wi ri kolotajik kichin ri winaqi' chupan ri kimak.

Tuilleadh tionndaidhean

Kaqchikel Santo Domingo (Xenacoj)

²² Rix aj rochꞌulew Samaria nixta iwetaman ri achike ndiyaꞌ ruqꞌij. Jakꞌa roj israelitas kin qetaman ri achike ndiqayaꞌ ruqꞌij, porque ri Jun ri ndikꞌamo pe kolotajik, chiqakajal roj ndel wi pe.

Kaqchikel Santa Maria de Jesus

²² Ixreꞌ aj-Samaria man ivataꞌn ta roch ri ntiyaꞌ rukꞌij. Pero ojreꞌ ri israelitas kataꞌn ri chica ri nakayaꞌ rukꞌij; ruma kiqꞌuin ojreꞌ ntiel-pa ri nicalo quichin ri vinak.

Kaqchikel Central Guatemala

²² Rix aj-Samaria q'uiy c'a ri man ivetaman ta chirij ri niya' ruk'ij. Jac'a roj israelitas can ketaman-vi ri achique ri nikaya' ruk'ij; roma can jac'a ri kiq'uin roj petenek-vi ri colotajic quichin ri vinek chupan ri quimac.

Re C'ac'a Testamento pa Kach'abal

²² Yex aj-Samaria man can-ta itaman chij re anchique niya' ruk'ij. Jac'a yoj re yoj israelitas can kataman-va re anchique nakaya' ruk'ij, roma can kaq'uin yoj pitinak-va re utzulaj ch'abal re nubij che nipa Jun chin ye'rucol re vinak chach re quimac.

Kaqchikel Western Solola

²² Riyix aj Samaria niya' c'a ruk'ij ri Dios pero ma k'axnek ta jabel chiwech achique ri'. Yac'a riyoj israelitas can ketaman wi ri achique ri nikaya' ruk'ij; ruma can ya c'a ri kiq'ui riyoj xtel wi pe ri nicolo quiche (quixin) ri winek chupan ri quimac.

San Juan 4:22 Iomraidhean Croise

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin ri Esdras 4:2

jari' toq xebe rik'in ri Zorobabel y kik'in ri e aj-raqen kichin ri winaqi' y xkibij chike: Tiya' q'ij chiqe richin yixqato', roma roj chuqa' niqakanoj ri i-Dios rix. Y chuqa' kan jantape' qasujun-pe kamelabel chire ri Dios, chupan-pe ri q'ij toq xojoqaqa wawe', toq xojruteq-pe ri Esarhadón rey richin Asiria, xecha'.

Wuj Richin Bix Chire ri Dios 147:19

Ri ruch'abel kan xuk'ut k'a chikiwech ri e rijatzul kan ri Jacob. Ri jalajoj ruwech rupixa' xuk'ut chuwech ri tinamit Israel.

Wuj Richin Bix Chire ri Dios 68:20

Ri Dios, ri kan qa-Dios roj, jari' ri xtikolon qichin. Ri Jehová ri qajaw, xqojrujech'ej chuwech ri kamik.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Isaías 46:13

Kan xtinben chi ninaqajub yan pe ri nuq'atbel-tzij. Kan xkixinto' yan k'a. Xtinkol yan ri nutinamit Sión, y ri nuruwaq'ijaj xtik'oje' pan Israel.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Hechos 17:23

Roma toq yin xiq'ax ri akuchi niya-wi kiq'ij konojel i-dios, xintz'et k'a jun porobel ri akuchi nubij-wi: Richin ri Dios ri man qetaman ta ruwech, nicha'. Ja Dios k'a ri man iwetaman ta ruwech, y kan niya' ruq'ij rix, jari' ri ninq'alajirisaj yin chiwech re wakami.

Hechos 17:30

Ri ojer kan ri winaqi' man ketaman ta achike rubanik nikiya' ruq'ij ri Dios. Jak'a rija' man xuya' ta rutojbalil pa kiwi'. Jak'a re q'ij re' rija' nubij chi konojel winaqi' titzolin-pe kik'u'x rik'in.

Hechos 3:26

Roma ri' ri Dios xuteq-pe ri Jesús ri ruk'ajol richin yojrurtisaj. Xuben ronojel re' richin keri' chiqajujunal niqaya' ta kan rubanik ri mak, xcha' ri Pedro.

Romanos 11:18

Jak'a man ruk'amon ta chi ninimirisaj-iwi' rix y niqasaj kiq'ij ri nuwinaq ri xe'elesex-el, roma rix iwetaman chi man ja ta ri ruq'a' ri che' ri e chapayon richin ri ruxe', xa ja ri ruxe' ri chapayon kichin ri ruq'a' ri che'.

Hebreos 7:14

Kan qetaman chi rija' riy-rumam kan ri Judá. Y ri pixa' man nubij ta chi ri e riy-rumam kan ri Judá ye'ok ta sacerdote.