San Juan 3:20 - Kaqchiquel Bible

²⁰ Konojel k'a ri yebanon ri itzel taq banobel, man k'a niqa' ta chikiwech ri saqil, ni man chuqa' yejel ta apo rik'in, roma re saqil re' nuben k'a chi yebeq'alajin-pe ronojel ri itzel taq kibanobal ri ye'ajin chubanik.

Tuilleadh tionndaidhean

Kaqchikel Santo Domingo (Xenacoj)

²⁰ Porque konojel ri ngekibꞌanalaꞌ itzel teq achike, ma ndikajoꞌ ta ndiyikꞌex kikꞌaslen y ma ngejel ta apu rikꞌin ri Jun ri ndiyikꞌan kikꞌaslen, chin ma tiqꞌalajin pe ri itzel teq achike ngekibꞌanalaꞌ.

Kaqchikel Santa Maria de Jesus

²⁰ Y quinojiel ri ncaꞌbꞌano ri itziel tak kax, man nika ta chiquivach ri Sakil, ni man ncaꞌpa ta chupan, ruma ri Sakil nuꞌon chi ncaꞌbꞌakꞌalajin-pa nojiel ri itziel tak kax ri ncaꞌquiꞌan.

Kaqchikel Central Guatemala

²⁰ Y conojel c'a ri yebanon ri itzel tak banobel, man c'a nika' ta ri Sakil chiquivech, ni man chuka' yejel ta apo riq'uin; roma re Sakil re' nuben c'a chi yebek'alajin-pe ronojel ri itzel tak quibanobal ri ye'ajin chubanic.

Re C'ac'a Testamento pa Kach'abal

²⁰ Y conojel re ye'bano re itzel tak banabal, man nika-ta re sakil chiquivach, ni xe-ta chuka' ye'jelon-apo riq'uin, roma re sakil re' nuban che ye'bek'alajim-pa ronojel re itzel tak quibanabal re ye'tajin chubanic.

Kaqchikel Western Solola

²⁰ Y quinojel c'a ri yebano ri etzelal, man c'a nika ta chiquiwech ri Sakil, ni ma ye'apon ta chuka' riq'ui ri Sakil; ruma re Sakil re' nuben c'a chi yebek'alajin pe ronojel ri etzelal ri yetajin chubanic.

San Juan 3:20 Iomraidhean Croise

2 Sam 13:9

Toq xchaq'aj, xroyoj ri Amnón richin niwa'. Jak'a rija' man xrajo' ta. Y xa xubij chi ke'el-el konojel ri winaqi' ri ek'o-apo rik'in. Y xe'el k'a el konojel.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

1 Rey 3:20

Y pa nik'aj-aq'a' xyakatej-q'anej rija', y xberuk'ama-pe ri ti wal yin, rokik yin yiwer, y ri ral rija' ri kamineq chik xberuya' kan wik'in yin.

Wuj Richin Bix Chire ri Dios 50:17

Rat xa nawetzelaj ri ruchojmilal ri ninya' yin. Xa naben chire ri nuch'abel chi kan man jun rejqalen.

Wuj Richin Etamabel-Tzij 1:29

Y kere' xtik'uluwachij roma xa xiwetzelaj ri tijonik, y roma chuqa' kan maneq chik rukiy ri Dios chiwech.

Wuj Richin Etamabel-Tzij 15:12

Ri wineq ri kan man nuch'ob ta ri yerubij, man nrajo' ta ri nipixaban richin; y kan man napon ta rik'in jun aj-na'oj, richin chi nuk'utuj ta runa'oj chire.

Wuj Richin Etamabel-Tzij 16:30

Ri wineq ri nuben retal rik'in ri runaq'-ruwech chire ri rachibil, xa achike na chi etzelal ri nrajo' nuben, y keri' chuqa' ri yerubanala' retal rik'in ri ruchi'.

Wuj Richin Etamabel-Tzij 2:13

Kan xkixrukol chikiwech ri winaqi' ri kiya'on kan ri choj bey, y xa kik'uan ri bey ri richin ri q'equ'm,

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin Etamabel-Tzij 5:12

Richin man xkepe ta ri ch'obonik iwik'in y xtibij ta: ¿Achike roma toq xa xqetzelaj ri ch'olinik ri xban chiqe? ¿Achike roma toq xqach'ob pa taq qánima chi xqixowaj ri tijonik ri xya'ox chiqe?

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

San Lucas 11:45

Jak'a jun chike ri etamanela' chirij ri pixa' xubij chire ri Jesús: Tijonel, toq rat nabij keri', man xaxe ta ri fariseo yesokotej, xa kan jajun chuqa' roj, xcha'.

San Juan 3:21

Jak'a ri winaqi' ri kan yekibanala' banobel richin ri qitzij, kan yebe-wi-apo chupan ri saqil, richin yeq'alajin jebel chi yetikir nikiben keri' roma ja ri Dios nibanon chike.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.