San Juan 3:10 - Kaqchiquel Bible

¹⁰ Ri Jesús xubij k'a chire: ¿Man awetaman ta achike rubanik re', y kan at jun tijonel chikikojol ri qawinaq judío?, xcha'.

Tuilleadh tionndaidhean

Kaqchikel Santo Domingo (Xenacoj)

¹⁰ Ri Jesús xubꞌij chare: Rat, rat jun nimalej kitijonel ri israelitas, y ¿ma awetaman ta rubꞌeyal re nibꞌij chawa?

Kaqchikel Santa Maria de Jesus

¹⁰ Ri Jesús xuꞌej cha: ¿At jun maestro chiquicajol ri israelitas, y man avataꞌn ta?

Kaqchikel Central Guatemala

¹⁰ Ri Jesús xubij c'a chire: ¿Man avetaman ta c'a achique rubanic re', y can at jun tijonel chiquicojol ri kavinak israelitas?

Re C'ac'a Testamento pa Kach'abal

¹⁰ Re Jesús xubij cha: ¿Man ataman-ta andex rubanic re' y can yat jun maestro chiquicojol re kavinak israelitas?

Kaqchikel Western Solola

¹⁰ Ri Jesús xubij c'a chare: ¿La ma awetaman ta c'a achique rubanic re', y can yit jun tijonel chiquicojol ri kech aj Israel?

San Juan 3:10 Iomraidhean Croise

1 Crón 29:19

Y keri' chuqa' tabana' chire ri nuk'ajol Salomón chi rik'in ta ronojel ránima xtutaqej ronojel ri pixa', richin xtupaba-q'anej ri awachoch, ri xinben yan kan ruchojmil, xcha'

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin Bix Chire ri Dios 51:6

Rat kan niqa' k'a chawech ri wineq ri kan ch'ajch'oj ri ránima. Roma ri' kinatijoj achike rubanik yibiyin rik'in na'oj.

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

Wuj Richin ri Isaías 9:16

Chuqa' ri q'atoy taq tzij xa kan yekiq'ol ri winaqi', richin rije' yesach-el.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Ez 11:19

Y chupan ri q'ij ri', xtinjel k'a ri ibanik y kan xtinya' k'a jun k'ak'a' iwánima. Ri iwánima ri kan achi'el abej rubanon-pe, xtinwelesaj k'a el y xtinya' chik jun chiwe ri kan jebel ch'uch'uj.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

San Mateo 22:29

Kan jari' toq ri Jesús xubij chike: Rix xa ix sachineq rik'in ri xibij. Roma man iwetaman ta achike nubij ri ruch'abel ri Dios. Y kan man iwetaman ta k'a chuqa' chi ri ruchuq'a' ri Dios janila nim.

San Lucas 2:46

Xbanatej k'a, chi k'a pa rox q'ij xkil ri ak'ual ri chiri' pa rachoch ri Dios. Rija' tz'uyul-apo kik'in ri achi'a' e etamanela' chirij ri pixa', nrak'axaj ri nikibij y k'o chuqa' ri yeruk'utula-apo chike.

San Lucas 5:17

K'o k'a jun q'ij, ri Jesús kan nutzijoj k'a ri ruch'abel ri Dios chike konojel ri ek'o-apo chiri'. Ek'o chuqa' fariseo y etamanela' chirij ri pixa' ri e tz'uyul chiri'. Rije' e peteneq k'a kela' pa taq kokoj tinamit richin ri Galilea, ri Judea y ri Jerusalem. Y ri Jesús kan k'o ruchuq'a' ri Dios rik'in, richin yeruk'achojirisaj ri yawa'i'.

San Juan 3:9

Y ri Nicodemo xuk'utuj k'a chire ri Jesús chi achike rubanik.

Hechos 5:34

Jak'a chikikojol rije', k'o k'a jun achin ri kachibil ri fariseo, rubini'an Gamaliel. Rija' jun tijonel richin ri pixa' richin ri Moisés, y janila k'a chuqa' ruq'ij chikiwech ri winaqi'. Rija' xpa'e' k'a, y xubij chi ke'elesex-el juba' ri e taqon roma ri Cristo ri chiri'.

Romanos 2:28

Jun judío man xaxe ta roma nutaqej ri pixa', y chuqa' man roma ta ruk'uan ri etal richin ri ruch'akul.

Deut 10:16

Kan tiyaka' k'a ronojel ri rujikibel-tzij ri Dios pa taq iwánima y man chaq tikowirisaj-iwi'.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Colosenses 2:11

Rix ri k'o ri Cristo pa taq iwánima, ri ix qupin richin jun retal, ri etal ri' man junan ta rik'in ri nikiben-qa ri winaqi' rik'in ri kiq'a'. Ri xuben ri Cristo chiwe ja ri xrelesaj ri itzel taq rayibel ri ek'o pa taq iwánima ri nibanon chiwe chi yixmakun.