San Juan 21:16 - Kaqchiquel Bible

¹⁶ K'ari' ri Jesús xuk'utuj chik chire jun bey: Rat Simón ri ruk'ajol ri Juan, ¿kan yinawajo' k'a?, xcha' chire. Y ri Pedro xubij chik: Wajaw, kan keri' wi. Rat awetaman chi yatinwajo', xcha'. Ri Jesús xubij: Ke'ayuq'uj y ke'ak'uaj k'a ri nukarne'l.

Tuilleadh tionndaidhean

Kaqchikel Santo Domingo (Xenacoj)

¹⁶ Y ri Jesús xubꞌij chik chare ri Pedro: Rat Simón ri rukꞌajol ri Juan, ¿nganawojoꞌ? Y ri Pedro xubꞌij: Jaꞌn, Ajaw, rat awetaman chi ngatinwojoꞌ. Y ri Jesús xubꞌij: Kaꞌayuqꞌuj ri nukarneꞌl.

Kaqchikel Santa Maria de Jesus

¹⁶ Y ri Jesús xucꞌutuj chic cha jun bꞌay: Atreꞌ Simón ri at rucꞌajuol ri Jonás, ¿can nquinavajoꞌ cꞌa? Y ri Pedro xuꞌej: Ajaf, quireꞌ. Atreꞌ avataꞌn chi ncanvajoꞌ. Y ri Jesús xuꞌej: Xa nquinavajoꞌ, caꞌbꞌanaꞌ cꞌa cuenta ri nu-ovejas.

Kaqchikel Central Guatemala

¹⁶ C'ari' ri Jesús xuc'utuj chic chire jun bey: Rat Simón ri ruc'ajol ri Jonás, ¿can yinavajo' c'a? xcha' chire. Y ri Pedro xubij c'a: Ajaf, can queri' vi. Rat avetaman chi yatinvajo', xcha'. Y ri Jesús xubij: Vi can yinavajo' c'a, que'ayuk'uj y que'ac'uaj c'a ri nucarne'l.

Re C'ac'a Testamento pa Kach'abal

¹⁶ C'are' re Jesús xuc'utuj chic jun bey cha: Rat Simón ruc'ajol re Jonás, ¿can yinajo'? xcha' cha. Y re Pedro xubij: Ajaf, can quire-va. Rat ataman che yatinjo', xcha'. Y re Jesús xubij: Vo xa can yinajo', ca'chajij c'a re nu-ovejas.

Kaqchikel Western Solola

¹⁶ C'ac'ari' ri Jesús xuc'utuj chic c'a jun bey chare: Riyit Simón ri yit ruc'ajol ri Jonás, ¿la can yinawajo' c'a? xcha' chare. Y ri Pedro xubij c'a: Ajaf, can queri' wi. Riyit awetaman chi yatinwajo', xcha'. Y ri Jesús xubij: Wi can yinawajo' c'a, que'ayuk'uj c'a ri nucarne'l.

San Juan 21:16 Iomraidhean Croise

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin Bix Chire ri Dios 95:7

Roma kan ja rija' ri qa-Dios, y roj kan oj rutinamit k'a rija'. Kan oj achi'el rukarne'l richin ri ruqejoj y yojruchajij. Kan tiwak'axaj k'a wakami ri nuch'abel yin Jehová.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

San Mateo 2:6

Kan xtipe k'a jun q'atoy-tzij pa Belén richin ri Judá. Stape' ri tinamit ri' maneq ok rejqalen chikiwech konojel ri tinamit richin Judá, jak'a kan kik'in rije' xtel-wi-pe re q'atoy-tzij re'. Y ja rija' k'a xtiyuqen kichin ri nuwinaq judío, nicha'.

San Mateo 25:32

Kan xkemol-wi k'a apo chinuwech ri winaqi' richin konojel ri ruwach'ulew. Kan xkench'er-wi-el konojel, achi'el nuben jun yuq'unel kik'in ri taq rawej toq yeruch'er ri taq karne'l y ri taq tzuntzun.

San Mateo 26:72

Jak'a ri Pedro xa xrewaj chik k'a jun bey. Rija' xubij: Kan ninya' nutzij chuwech ri Dios; ninbij chi yin man wetaman ta ruwech la jun achin la', xcha'.

San Lucas 19:10

Roma yin, ri xiqaqa-pe achi'el wineq chi'ikojol, kan in peteneq-wi chikikolik y chikikanoxik ri e sachinaqi', xcha' ri Jesús.

San Juan 18:17

Kan jari' k'a toq ri ixoq ri' xubij chire ri Pedro: ¿Man kami at tijoxel ta chuqa' rat richin re achin chapon-pe?, xcha'. Jak'a rija' xubij chi ni.

San Juan 18:25

Rokik ri' ri Pedro pa'el-apo chuchi' ri q'aq' rumeq'on-ri'. Y ek'o k'a ri xek'utun chire: ¿Man at rutijoxel ta k'a re jun achin re chapon?, xecha' chire. Jak'a ri Pedro xrewaj, y xubij chi ni.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.