San Juan 2:24 - Kaqchiquel Bible

²⁴ Jak'a ri Jesús man k'a xukuquba' ta ruk'u'x kik'in rije', roma rija' kan retaman-wi ri k'o pa taq kánima konojel.

Tuilleadh tionndaidhean

Kaqchikel Santo Domingo (Xenacoj)

²⁴ Pero ri Jesús ma kuqul ta rukꞌuꞌx kikꞌin, porque retaman ri kꞌo pa kánima konojel wineq.

Kaqchikel Santa Maria de Jesus

²⁴ Pero ri Jesús man xuꞌon ta confiar-riꞌ quiqꞌuin, ruma jajaꞌ rataꞌn ri cꞌo riqꞌuin cánima quinojiel.

Kaqchikel Central Guatemala

²⁴ Pero ri Jesús man c'a xucukuba' ta ruc'u'x quiq'uin ri vinek ri', roma rija' can retaman-vi ri c'o pa tak cánima conojel vinek.

Re C'ac'a Testamento pa Kach'abal

²⁴ Pero re Jesús man xuban-ta confiar-ri' quiq'uin re vinak re', roma reja' can rutaman-va re niquinojij pa tak cánma conojel.

Kaqchikel Western Solola

²⁴ Pero ri Jesús man c'a xucukuba' ta ruc'u'x quiq'ui ri winek ri', ruma Riya' can retaman wi ri c'o pa tak cánima quinojel ri winek.

San Juan 2:24 Iomraidhean Croise

1 Rey 8:39

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

San Mateo 9:4

Jak'a ri Jesús kan xunabej k'a ri kich'obonik ri tz'ibanela' ri', y xubij k'a chike: ¿Achike k'a roma xpe itzel taq ch'obonik pa taq iwánima?

Marcos 2:8

Jak'a ri Jesús kan xretamaj k'a ri nikich'ob ri etamanela' ri'. Y roma ri' xubij: ¿Achike roma kere' nich'ob pa taq iwánima?

San Juan 1:42

K'ari' ri Andrés xuk'uaj ri Simón, k'a rik'in ri Jesús. Y toq ri Jesús xutz'et, xubij k'a chire: Ja rat ri Simón ri ruk'ajol ri Juan. Wakami xtabini'aj k'a chuqa' Cefas, xcha'. Pa ch'abel hebreo ri Cefas nel chi tzij Pedro.

San Juan 16:30

Wakami niq'ax chiqawech chi rat kan ronojel wi natz'et y ronojel chuqa' awetaman. Kan man nik'atzin ta chi k'a niqak'utuj na chawe richin nawetamaj ri niqach'ob. Y roma ri' roj kan niqanimaj-wi chi rik'in ri Dios at peteneq-wi, xecha'.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

San Juan 4:16

Jak'a ri Jesús xubij chire ri ixoq: Kabiyin y tabewoyoj ri awachijil, k'ari' yape chik wawe', xcha'.

San Juan 5:42

Yin xa kan wetaman k'a iwech jebel, roma ri' wetaman chi xa man jun retal ri ajowabel richin ri Dios ri pa taq iwánima.

San Juan 6:15

Ri winaqi' xkich'ob chi nikiben ki-rey chire, stape' rija' man nrajo' ta. Roma ri' ri Jesús xjote-q'anej pa ruwi' ri juyu', roma kan nrajo' chi nik'oje' ruyon.

San Juan 6:64

Jak'a kan k'a e k'iy na k'a chiwe rix ri man nikikuquba' ta kik'u'x wik'in, xcha'. Ri Jesús keri' xubij roma kan pa nabey retaman chik pe achike winaqi' ri man xtikikuquba' ta kik'u'x rik'in, y ri achike xtik'ayin-el richin.

Hechos 1:24

Xech'on k'a rik'in ri Dios y xkibij: Ajaw, rat ri natz'et ri qánima qonojel, tak'utu' k'a chiqawech achike k'a chike re ka'i' achi'a' re' ri acha'on,

Hechos 15:8

Ri Dios nutzu' ri k'o pa qánima qonojel roj winaqi', judío y man judío ta. Y richin xuq'alajirisaj chi yeruk'ul ri winaqi' man e judío ta, xuya-pe ri Loq'olej Espíritu pa kiwi', junan k'a ri xuben ri Dios chiqe roj judío.

Deut 31:21

Y toq xtipe k'a k'iy ruk'ayewal y tijoj-poqonal pa kiwi', jari' toq re jun bixanik re' xtuq'alajirisaj chikipalej ri winaqi' ri nubin chik kan yin. Y re bix re' kan man xtimestex ta koma ri kijatzul roma kan wetaman chik achike chi ch'obonik ri k'o kik'in rije', y xa k'a man jani kenkusaj-apo chupan ri ruwach'ulew, ri kan nuya'on chik nutzij chi kan ninya' chike, xcha' ri Jehová.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.