San Juan 2:15 - Kaqchiquel Bible

¹⁵ Roma ri' ri Jesús xuben k'a jun ruch'ayibal rik'in kolo' y xeroqotaj-pe konojel. Xeroqotaj k'a pe kachibilan ri kikarne'l y ri kiwákix ri chiri' chuwa-rachoch ri Dios. Chike ri jaloy-ruwech méro, xuk'aqala' k'a kan ri kiméro chikiwech y xerutek'mayila' kan ri ki-mesa.

Tuilleadh tionndaidhean

Kaqchikel Santo Domingo (Xenacoj)

¹⁵ Y ri Jesús xubꞌen jun chꞌaybꞌel rikꞌin chawen rupan kꞌan y xeroqotaj pe konojel. Xeroqotaj pe chuqaꞌ ri karneꞌl y ri wakx, y xukiraj pa ulew kiméra ri ejaloy ruwech méra y xerutikmayilaꞌ ri ki-mesas.

Kaqchikel Santa Maria de Jesus

¹⁵ Y ri Jesús xuchojmij jun caloꞌ chi ncaꞌruchꞌey y xaꞌrutarariej-el quinojiel ri ncaꞌcꞌayin ovejas y váquix chireꞌ pa templo. Y chica ri niquicꞌax miera, xuqꞌuiak can ri qui-miera chiquivach y xupajqꞌuij can ri qui-mesas.

Kaqchikel Central Guatemala

¹⁵ Ri Jesús, can xe c'a xerutz'et, xuben c'a jun ruch'aybal riq'uin colo' y xerokotaj-pe conojel. Xerokotaj c'a pe cachibilan ri quicarne'l y ri quiváquix ri chiri' chuva-rachoch ri Dios. Y chique ri jaloy-ruvech mero, xuc'akala' c'a can ri qui-mero chiquivech y xerutec'mayila' can ri qui-mesas.

Re C'ac'a Testamento pa Kach'abal

¹⁵ Re Jesús, can xe xe'rutz'at, xuban jun ruch'ayibal cha colo' y xe'rukotaj-pa conojel, chibil re qui-ovejas y re quivacx chire' pa rachoch re Dios. Y chique re ye'jalo rach mero, xuch'akela' can re qui-mero chiquivach y xe'rutiquimila' can re qui-mesas.

Kaqchikel Western Solola

¹⁵ Ri Jesús, xu (xe wi) tek xerutz'et, xberuc'ama' pe ca'i' oxi' tak colo' y xuben c'a jun ruch'aybal y xerokotaj pe quinojel. Xerokotaj c'a pe cachibilan ri quicarne'l y ri quiwáquix ri chiri' chupan ri lugar riche (rixin) ri rachoch ri Dios. Y chique ri aj q'uexoy tak puek, xuc'akala' c'a ca ri quirajil chiquiwech y xerutecmayila' ca ri quimesas.

San Juan 2:15 Iomraidhean Croise

Wuj Richin ri Zacarías 4:6

Y ri ángel xubij: re wuqu' candil re', nuk'exewachuj ri runaq' taq ruwech ri Jehová, ri yetzu'un chuwech chijun re ruwach'ulew, xcha' ri ángel. K'ari' yin xink'utuj chik chire ri achike nuk'exewachuj ri ka'i' ruche'el olivo ri ek'o pa rijkiq'a' y pa rajxokon ri candelabro. Chuqa' xink'utuj chik k'a ri nuk'exewachuj ri ka'i' ruq'a' olivo ri ek'o chunaqaj ri ka'i' achi'el tubo banon rik'in q'anapueq ri akuchi niq'ax-wi ri aceite richin napon chupan ri taq candil. Y ri ángel xubij chuwe ¿Man awetaman ta ri nuk'exewachuj? Y yin xinbij chire chi ni. K'ari' xubij chik chuwe: Jare' ri e ka'i' ri e ch'aron richin nikisamajij ri rajaw chijun ri ruwach'ulew, xcha'. Ri ángel kan k'a xch'on na k'a wik'in y xubij: Ri Jehová xuteq-pe re jun rutzijol re' chire ri Zorobabel y nubij: Man takuquba' ak'u'x kik'in ri aj-labal, ni rik'in ri uchuq'a', xa kan takuquba' ak'u'x rik'in ri nu-espíritu nicha' ri Jehová k'iytisanel richin ronojel. ¿Y rat juyu' achike ta k'a aq'ij? ¡Rat xa kan xkatok k'a qa taq'aj chuwech ri Zorobabel! Ja rija' k'a ri xtik'amo-pe ri abej ri más k'atzinel y ri winaqi' xkesik'in rik'in kikoten y xtikibij chi janila jebel ok. Chirij ri', ri Jehová xuya' chik jun rutzijol chuwe richin ninbij chire ri Zorobabel y xubij: Ja ri Zorobabel ri xya'on-qa ri ruxe' ri wachoch, y ja rija' ri xtik'ison pa ruwi'. Rik'in ri' xtiwetamaj chi ja ri Jehová ri xitaqon-pe. Y ri jujun ri man xkinimaj ta toq xchapatej-qa ri samaj, y man jun rejqalen xkiben chire xa kan xkekikot k'a toq xtikitz'et chi ri Zorobabel xtik'achoj-q'anej chire ri samaj.

San Mateo 21:12

K'ari' ri Jesús xapon k'a pa rachoch ri Dios; y ri chiri' chuwa-jay xeberelesaj-pe ri k'ayinela' y ri loq'onela', xeroqotaj k'a pe konojel ri jaloy-ruwech méro, xerutek'mayila' k'a ri ki-mesa. Y keri' chuqa' xuben kan chike ri kich'akat ri k'ayil taq paloma.

San Juan 2:14

Ri chiri' chuwa-rachoch ri Dios, ri Jesús xeberila' k'a k'ayil taq wákix, k'ayil taq karne'l, y k'ayil taq paloma. Y xeberila' chuqa' jaloy-ruwech méro.

San Juan 2:16

Chike ri k'ayil taq paloma xubij: Ke'iwelesaj-el ronojel re' wawe'. Y man tiben chire ri rachoch ri nata' Dios, jun k'ayibel, xcha'.

Hechos 27:32

Roma ri' ri aj-labal xekiqupila' kan ri kolo' ri achoq ik'in kiyuquban-wi ri lancha chuwech ri nima-barco, richin chi ri lancha tibe na kan.

2 Corintios 10:4

Ri niqakusaj roj richin niqaben oyowal rik'in ri itzel ja ri ruchuq'a' ri Dios, y man ja ta ri quchuq'a' roj. Rik'in ri uchuq'a' ri' kan yojtikir yojch'akon chirij ri itzel, stape' kan jebel ri rutobal rubanon.