San Juan 2:13 - Kaqchiquel Bible

¹³ Kan naqaj chik k'a ri q'ij richin ri kinimaq'ij ri judío, ri nikinataj toq ri Dios xuya' ri Solbelri'il chike. Roma ri' ri Jesús kan xbe k'a pa Jerusalem, richin ri nimaq'ij ri'.

Tuilleadh tionndaidhean

Kaqchikel Santo Domingo (Xenacoj)

¹³ Roma naqaj chik kꞌo ri qꞌij atoq nditzꞌukutej e ri kinimaqꞌij ri israelitas rubꞌiniꞌan Pascua, ri Jesús xbꞌa e pa tinamit Jerusalén.

Kaqchikel Santa Maria de Jesus

¹³ Y xa cierca chic ri Pascua, ri jun quinamakꞌej ri israelitas y ri Jesús xꞌa cꞌa pa tanamet Jerusalén richin ri namakꞌej reꞌ.

Kaqchikel Central Guatemala

¹³ Y can nakaj chic c'a ri k'ij richin ri quinimak'ij ri israelitas, ri rubini'an pascua, k'ij tok yecamisex ri tak carne'l. Romari' ri Jesús can xbe c'a pa tinamit Jerusalem, richin ri nimak'ij ri'.

Re C'ac'a Testamento pa Kach'abal

¹³ Y nakaj chic c'o-va re pascua re kanamak'ij yoj re yoj israelitas. Mare' re Jesús xba-a pa tenemit Jerusalén, chin re namak'ij re'.

Kaqchikel Western Solola

¹³ Y xa nakaj chic c'a ri k'ij riche (rixin) ri quinimak'ij ri israelitas, ri pascua rubi'. Rumari' ri Jesús xbe c'a pa tinamit Jerusalem, riche (rixin) ri nimak'ij ri'.

San Juan 2:13 Iomraidhean Croise

Wuj Richin ri Nehemías 13:8

Roma ri' kan janila k'a xyakatej woyowal y xink'aqala-el ronojel ri k'o chupan ri jay ri'.

San Mateo 21:12

K'ari' ri Jesús xapon k'a pa rachoch ri Dios; y ri chiri' chuwa-jay xeberelesaj-pe ri k'ayinela' y ri loq'onela', xeroqotaj k'a pe konojel ri jaloy-ruwech méro, xerutek'mayila' k'a ri ki-mesa. Y keri' chuqa' xuben kan chike ri kich'akat ri k'ayil taq paloma.

Marcos 11:15

Xe'apon chik k'a pa Jerusalem. Y ri Jesús xbe pa rachoch ri Dios, y chiri' chuwa-jay xeberelesaj-pe ri k'ayinela' y ri loq'onela' ri ek'o chiri'. Xerutek'mayila-pe ri ki-mesa ri e jaloy-ruwech méro. Keri' chuqa' xuben chike ri kich'akat ri e k'ayil taq paloma.

San Lucas 19:45

Chirij ri', ri Jesús xok-apo pa rachoch ri Dios. Jari' toq xeroqotala-pe ri k'ayinela' y ri loq'onela' ri ek'o chiri'.

San Lucas 2:41

Ri María y ri José kan ronojel k'a juna' yebe pa tinamit Jerusalem richin nikinataj toq ri Dios xuya' ri Solbelri'il chike ri kati't-kimama'.

San Juan 11:55

Jari' k'a toq napon yan ri q'ij richin nikinataj toq ri Dios xuya' ri Solbelri'il. Roma ri' kan janila yan k'a e k'iy winaqi' ri xe'el-pe pa taq kitinamit, richin xebe pa Jerusalem. Kan xebe yan k'a roma k'o chi nibekich'ajch'ojirisaj-ki' chuwech ri Dios.

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 2:23

Chupan k'a ri q'ij toq k'o ri Jesús pa Jerusalem roma ri nimaq'ij, kan e k'iy wi k'a winaqi' ri xkikuquba' kik'u'x rik'in xaxe roma xekitz'et ri meyel taq banobel ri xeruben chikiwech.

San Juan 5:1

Toq banatajineq chik k'a ronojel ri', jari' noqaqa yan k'a jun kinimaq'ij ri judío, y roma ri' toq ri Jesús k'o chi xbe-el ri pa Jerusalem.

San Juan 6:4

Ri q'ij ri', xa naqaj chik k'a k'o-wi ri kinimaq'ij ri judío toq nikinataj toq ri Dios xuya' ri Solbelri'il chike ri kati't-kimama'.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.