San Juan 2:10 - Kaqchiquel Bible

¹⁰ Toq ri achijlonel xapon, ri pa'el chuwech ri nimaq'ij richin ri k'ulubik ri' xubij k'a chire: Toq k'o jun nimaq'ij kere', konojel k'a winaqi' ja ri vino ri utz nikiya' nabey, y toq ri winaqi' k'iy chik ri kiqumun, nikiya' k'a jun vino ri man kan ta utz. Jak'a rat xa man keri' ta xaben. Rat xa k'a ri' xabewelesaj-pe ri vino utz, xcha'.

Tuilleadh tionndaidhean

Kaqchikel Santo Domingo (Xenacoj)

¹⁰ Y xubꞌij chare: Atoq ndibꞌan jun nimaqꞌij, konojel wineq ja ri utzulej vino ndikipej nabꞌey, y atoq esikirneq chik ri wineq, kꞌateriꞌ ndikipej ri vino ma más ta utz, pero rat ma ke ta riꞌ xabꞌen, rat ayakon kan ri utzulej vino y kꞌaja xbꞌaꞌawelesaj pe.

Kaqchikel Santa Maria de Jesus

¹⁰ y xuꞌej cha: Antok cꞌo jun namakꞌej quireꞌ, quinojiel vinak ja ri vino ri más otz niquiyaꞌ naꞌay, y antok ri icꞌo pa namakꞌej quikumun qꞌuiy chic vino, jareꞌ antok niquiyaꞌ ri vino ri man can ta otz. Pero atreꞌ xa man quireꞌ ta xaꞌan. Atreꞌ xa cꞌajaꞌ xavalasaj-pa ri vino ri más otz, xchaꞌ ri encargado.

Kaqchikel Central Guatemala

¹⁰ Y tok ri achijlonel xapon c'a, ri pa'el chuvech ri nimak'ij richin ri c'ulubic ri' xubij c'a chire: Tok c'o jun nimak'ij quere', conojel c'a vinek ja ri ruya'al-uva ri utz niquiya' nabey, y tok xa yojtajinek chic ri pa quichi' ri ec'o pa nimak'ij, roma q'uiy chic ri quikumun, niquiya' c'a jun ruya'al-uva ri man can ta utz. Pero rat xa man que ta ri' xaben. Rat xa c'a ri' xabevelesaj-pe ri ruya'al-uva ri utz, xcha'.

Re C'ac'a Testamento pa Kach'abal

¹⁰ Y tak xapon re ala' re xc'ule', re ache pa'al chij re namak'ij chin re c'ulubic xubij cha: Tak c'o jun namak'ij quire', conojel vinak ja re ruyi'al-uva re otz jare' re niquiya' nabey, y tak re jec'o pa namak'ij q'uiy chic quikumun, c'are' niquiya' re jun ruyi'al-uva re man can-ta otz. Pero rat xa man quire-ta xaban. Rat xa c'aja xbalisaj-pa re utzulaj ruyi'al-uva, xcha'.

Kaqchikel Western Solola

¹⁰ Y tek ri c'ajol ri xc'ule' xapon c'a, ri achi ri nisamej chrij ri c'ulanen ri' xubij c'a chare: Tek c'o jun nimak'ij quere', quinojel c'a winek ya ri ruya'al uva ri utz niquiya' nabey mul, y tek q'uiy chic ri quikumun, niquiya' c'a jun ruya'al uva ri ma can ta utz. Pero riyit xa ma que ta ri' xaben. Riyit xa c'ac'ari' xbe'awelesaj pe ri ruya'al uva ri más utz, xcha'.

San Juan 2:10 Iomraidhean Croise

Wuj Richin ri Rutikeribel 43:34

Y ri José xujech k'a ri kiq'utun ri rach'alal y kan ja ri nutej rija' jari' ri xuya' chike; jak'a ri Benjamín xuya' wo'o' mul más k'iy ke chuwech ri xuya' chike ri ch'aqa' chik. Rija' y ri e rach'alal junan k'a xkiqum vino y janila xekikot chupan ri q'ij ri'.

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

San Mateo 24:49

Rija' nuchop ta k'a kich'ayik ri ch'aqa' chik samajela', y chuqa' kan xaxe ta wa'in y tijoj-ya' nuben kik'in ri q'abarela'.

San Lucas 12:45

Jak'a ek'o ch'aqa' chik samajela' nikich'ob-qa pa kánima chi ri kajaw xa k'a man jani noqaqa, y nikichop ta k'a kich'ayik ri ch'aqa' chik samajela' chi achi'a' chi ixoqi', y xaxe ta wa'in nikiben, y nikichop q'abarik.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

Hechos 2:15

chi chiqe qonojel re qamolon-qi' wawe' man jun ri q'abarel ta. Man achi'el ta k'a ri nich'ob rix. Roma xa k'ari' beleje' hora richin ri nimaq'a'.*f4*

1 Corintios 11:21

Roma toq nimol-iwi' richin ri', ek'o qach'alal ri xa nikitej yan qa ronojel ri q'utun. Y keri', ek'o ri xa man jun nikitej kan. Chuqa' ek'o ri man jun tz'uj vino nikiqum kan, jak'a ri ch'aqa' yeq'aber-el chire.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

1 Tesalonicenses 5:7

Ri yewer, kan yewer ri chi'aq'a'; y ri yeq'aber, kan jari chi'aq'a' yeq'aber.

Apocalipsis 17:2

Kan rik'in k'a re ixoq re' e makuwineq-wi ri nima'q q'atoy taq tzij richin ri ruwach'ulew. Y ri k'ixbel taq rubanobal kan achi'el ri vino ri niq'abarisan y konojel ri winaqi' richin ri ruwach'ulew eq'abarineq rik'in ri', xcha'.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.