San Juan 19:13 - Kaqchiquel Bible

¹³ Toq ri Pilato xrak'axaj k'a ri tzij ri xkibij ri winaqi' chire, xubij chi telesex-pe ri Jesús. Jak'a rija' xbetz'uye-pe ri akuchi kan tuq'et-wi tzij ri akuchi nibix Bey ri Banon Rik'in Abej chire, y ri pa kich'abel ri judío nibix Gabatá chire.

Tuilleadh tionndaidhean

Kaqchikel Santo Domingo (Xenacoj)

¹³ Romariꞌ, ri Pilato atoq xrakꞌaxaj ri tzij ri xkibꞌij ri wineq, xubꞌij chi telesex e ri Jesús, y ri Pilato xbꞌetzꞌuyeꞌ apeꞌ nduqꞌet tzij. Ri lugar riꞌ pa chꞌabꞌel hebreo ndibꞌix Gabatá chare, y riꞌ ndubꞌij tzij empedrado.

Kaqchikel Santa Maria de Jesus

¹³ Antok ri Pilato xraꞌxaj ri tzij ri xquiꞌej ri vinak cha, ja xuꞌej chi talasas-pa ri Jesús. Y ri Pilato xbꞌatzꞌuyeꞌ pa tribunal; ri lugar ri niꞌeꞌx Empedrado cha, y pa chꞌabꞌal hebreo niꞌeꞌx Gabata cha.

Kaqchikel Central Guatemala

¹³ Tok ri Pilato xrac'axaj c'a ri tzij ri xquibij ri vinek chire, xuxibij-ri'. Y c'ari' rija' xubij chi telesex-pe ri Jesús. Y ri Pilato xbetz'uye-pe ri acuchi can tuk'et-vi tzij; ri jay ri nibix Enlosado chire, y ri pa kach'abel roj israelitas nibix Gabata chire.

Re C'ac'a Testamento pa Kach'abal

¹³ Tak re Pilato xuc'axaj re tzij xquibij re vinak cha, xuxibij-ri'. Y c'are' reja' xubij che tilisas-pa re Jesús. Y re Pilato xbetz'uye-pa re anche' can tuban-va juzgar, re jay re nibex Enlosado cha y re pa kach'abal yoj re yoj israelitas nibex Gabata cha.

Kaqchikel Western Solola

¹³ Yac'a tek ri Pilato xrac'axaj c'a ri tzij ri xquibij ri winek chare, can yari' xberelesaj pe ri Jesús. Y xbetz'uye' ri acuchi (achique) can tuk'et wi tzij; lugar ri banon empedrar, y pa ch'abel hebreo nibix Gabata chare.

San Juan 19:13 Iomraidhean Croise

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin ri Isaías 57:11

¿Achike k'a dios ri' ri achoq chuwech más nixibij-iwi' richin niya' ruq'ij? Roma ri' kan xinimalij kan yin jumul. Xinimestaj kan yin, y man yinoqaqa ta chik chi'ik'u'x. Toq rix man niya' ta nuq'ij, yin kan man jun ninbij, y ninben chi man yixintz'et ta.

Wuj Richin ri Jeremías 38:19

K'ari' ri rey Sedequías xubij chuwe chi rija' nuxibij-ri' chikiwech ri aj-Judá, ri xeq'ax-apo kik'in ri aj-Babilonia y wi xtujech-ri' pa kiq'a', rije' kan xtikich'ey janila.

Am 4:7

Chuqa' ja yin xibanon chi man xuben ta chik job pan iwi'. Man xinya' ta pe job toq k'a oxi' na ik' nrajo' richin nik'ol ri itiko'n. Xinya' job chupan ch'aqa' tinamit, jak'a chupan chik ch'aqa' man xinya' ta. Chupan ch'aqa' ulew richin tiko'n xinya-pe job. Jak'a ch'aqa' ulew richin tiko'n xa xechaqi'j-qa. Man rik'in ri' man xtzolej ta pe ik'u'x wik'in. Yin Jehová ri yibin.

San Mateo 27:19

K'ari' ri Pilato xtz'uye' k'a ri akuchi nuq'et-wi tzij, y jari' toq xapon rutzijol rik'in ri rubin-el ri rixjayil. Y kere' ri rubin-el: Ri Jesús jun achin choj; roma ri' rat, man jun taben chire. Roma yin xinben jun itzel achik' roma ri Jesús. Keri' ri rubixikil ri rubin-el.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

San Juan 19:17

Y ri Jesús kan ruk'uan k'a el ri cruz ruchapon k'a el bey, roma kan jari' k'a uk'uan-el richin nibekamisex chuwech, pa ruwi' ri jun juyu' rubini'an Akuchi k'o-wi ri Baq Richin Jolomaj, ri pa ch'abel hebreo nel chi tzij Gólgota.

San Juan 19:20

Ri tzij ri', kan konojel k'a ri winaqi' yetz'eton kan, roma ri chiri' ri akuchi xbajix-wi ri Jesús, kan naqaj k'a k'o-wi chire ri Jerusalem. Ri tzij ri', kan pan oxi' k'a ch'abel ri tz'iban-wi-el. Kan tz'iban k'a ri pa kich'abel ri judío, pa kich'abel ri aj-Grecia y pa kich'abel chuqa' ri aj-Roma.

San Juan 19:8

Ri Pilato kan k'o-wi chik xibinri'il rik'in, y toq xrak'axaj ri xkibij ri winaqi', xpe k'a más xibinri'il chire.

San Juan 5:2

Ri chiri' chunaqaj-apo ri okibel rubini'an Kichin ri Karne'l, k'o k'a jun atinibel. Y chiri' chuchi' ri ya' ek'o k'a wo'o' ruwa-jay. Y ri winaqi' judío nikibij k'a Betzatá chire.

Hechos 4:19

Jak'a ri Pedro y ri Juan xech'on-apo, y xkibij chike: Tibij k'a chiqe: ¿Achike ta kami nubij ri Dios, xa ta ja ri nibij rix ri niqaben, y man niqaben ri nubij rija'?