San Juan 19:11 - Kaqchiquel Bible

¹¹ Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Tuilleadh tionndaidhean

Kaqchikel Santo Domingo (Xenacoj)

¹¹ Ri Jesús xubꞌij chare: Ma jun ta uchuqꞌaꞌ kꞌo pa aqꞌaꞌ pa nuwiꞌ, si man ta ri Dios yoyon pe chawa. Y romariꞌ, ri jun ri xijacho pa aqꞌaꞌ, más nim rumak ke chuwech ri amak rat.

Kaqchikel Santa Maria de Jesus

¹¹ Y ri Jesús xuꞌej: Man jun ta av-autoridad panoꞌ, xa man ta ri Dios ri cꞌo chila chicaj ri yaꞌyuon-pa chava. Ruma cꞌa reꞌ, más nem ru-pecado ri xjacho vichin pan akꞌaꞌ, xchaꞌ ri Jesús.

Kaqchikel Central Guatemala

¹¹ Y ri Jesús xubij: Man jun ta ak'atbel-tzij pa nuvi', vi ta man roma ri Dios ri c'o chila' chicaj. Roma c'a can ja rija' yoyon-pe k'atbel-tzij pan ak'a', romari' c'o ak'a' chuve. Y vi xquinatek pa camic, can c'o c'a amac, pero ri más nim rumac ja ri xijachon pan ak'a', xcha' ri Jesús.

Re C'ac'a Testamento pa Kach'abal

¹¹ Y re Jesús xubij: Rat man jun a-autoridad c'o pa nue' yen, xe-ta man-ta ja re Dios re c'o chila' chicaj re ya'yon chava. Roma can ja reja' ya'yom-pa autoridad pan ak'a'. Y vo xa xtatak nuquimisasic, can c'o amac, pero re más c'o rumac ja re xinjacho pan ak'a', xcha' re Jesús.

Kaqchikel Western Solola

¹¹ Y ri Jesús xubij: Man ta jun ak'atbel tzij pa nuwi', wi man ta ruma ri Dios ri c'o chila' chicaj. Ruma can ya Riya' ri yayon pe k'atbel tzij pan ak'a', y rumari' tek c'o ak'atbel tzij pa nuwi'. Y wi xquinatek pa camic, can c'o c'a amac, pero ri más c'o rumac ya ri xijacho pan ak'a', xcha' ri Jesús.

San Juan 19:11 Iomraidhean Croise

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Wuj Richin Bix Chire ri Dios 62:11

Ri Dios xuq'alajirisaj chi rija' janila ruchuq'a'. Y yin kan wak'axan k'a, chi rik'in ri Dios nipe-wi ronojel uchuq'a'.

Wuj Richin ri K'uxla'anik 3:37

Man jun yojtikir niqaben wi ri Jehová man nuya' ta q'ij chiqe.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Dn 5:21

Xelesex k'a el chikikojol ri ruwinaq, y ri ruch'obonik xa kan xok k'a el achi'el ri kich'obonik ri chikopi'. Y chikikojol k'a ri taq bur aj pa q'ayis xbek'oje-wi. Xutej k'a q'os achi'el kiwaybal ri wákix, y ri ruch'akul kan xmu'e' k'a rik'in ri raxq'ab. Keri' xk'oje', k'a toq xretamaj na chi kan xaxe pa ruq'a' ri nimalej Dios k'o ronojel ajawaren, chi kan xaxe rija' ri ye'ukusan kan ri q'atbel taq tzij chupan ri ajawaren.

San Mateo 26:65

Kan jari' ri Caifás xuretz-qa ri rutziaq chirij roma itzel xrak'axaj, y xubij: Man nik'atzin ta chi noqaqa chik jun richin norubij chiqe chi re Jesús kan aj-mak-wi. Rix, k'ari' niwak'axaj-qa chi'iwonojel chi xuyoq' rubi' ri Dios.

San Mateo 27:2

Ri Jesús kan ximon-wi-el toq xkik'uaj, y xbekijacha' pa ruq'a' ri Poncio Pilato, ri q'atoy-tzij aj-Roma.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

Marcos 14:44

Ri Judas ri nijacho-el richin ri Jesús kan rubin k'a pe chike ri e peteneq rik'in, ri rubanik richin nuk'ut ri Jesús chikiwech. Rubin k'a pe chike: Ja ri xkijel-apo rik'in richin xtintz'ubaj, jari' ri Jesús. Tichapa', y man tanimej kan chiwech, keri' rubin-pe chike.

San Lucas 22:53

Kan q'ij-q'ij k'a xik'oje' iwik'in ri pa rachoch ri Dios, y man jun achike ta xiben chuwe. K'a ja ramaj re' ri ya'on chiwe rix, ramaj richin xtich'akon ri q'equ'm, xcha' ri Jesús.

San Juan 18:13

Nabey k'a xkik'uaj-el ri Jesús chuwech ri jun achin rubini'an Anás, ri rujinan ri Caifás. Y ri juna' ri' chuqa' ja ri Caifás ri nimalej sacerdote.

San Juan 18:3

Roma ri' ri aj-raqen kichin ri e sacerdote y ri fariseo xekiteq-el jujun chajinela' richin ri rachoch ri Dios richin nikachibilaj-el ri Judas e rachibilan-el ri jun tzobaj aj-labal aj-Roma. Rije' kan kik'ualon k'a candil y q'aq' richin saqil, y chuqa' kik'ualon jalajoj ruwech kamisabel. K'ari' ri Judas xeruk'uaj-el ri chiri'.

San Juan 19:10

Jari' toq ri Pilato xubij chire ri Jesús: ¿Achike k'a roma toq man jun tzij nabij-pe chuwe? ¿Man awetaman ta k'a chi yin k'o q'atbel-tzij pa nuq'a' richin yakamisex chuwech cruz ó richin yatinkol chuwech chuqa'?, xcha'.

San Juan 3:27

Ri Juan xubij k'a chike: Man nibanatej ta k'a rik'in ri wineq achi'el re xbanatej wakami wi ri Dios man ta nuya' q'ij.

San Juan 7:30

Kan ek'o k'a ri xe'ajowan chi xkichop ta, jak'a man xetikir ta roma man jani napon ri hora.

San Juan 9:41

Roma ri' ri Jesús xubij chike: Wi ta ix moyi', jebel ta, roma man jun ta mak niwejqalej. Xa roma k'a rix nibij chi man ix moyi' ta, xa roma ri' toq ri imak kan k'o-wi, xcha'.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

Hechos 3:13

Ri qatata' Dios kan xuben k'a chire ri Jesús, ri ruk'ajol, chi k'o ruq'ij-ruk'ojlen. Y re Dios re' chuqa' ki-Dios ri qati't-qamama' Abraham, ri Isaac, y ri Jacob. Jak'a rix man xiwajo' ta xinimaj chi ri Jesús ja ri ruk'ajol ri Dios. Xa xiya' pa ruq'a' ri q'atoy-tzij Pilato. Toq rija' kan rubin chik chi nukol-el, rix man xiwajo' ta.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

Romanos 13:1

Kan nik'atzin k'a chi qonojel yeqanimaj ri q'atoy taq tzij, roma konojel q'atoy taq tzij, roma ri Dios ek'o y ja rija' ri yoyon ri q'atbel-tzij pa kiq'a'.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.