San Juan 17:3 - Kaqchiquel Bible

³ Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Tuilleadh tionndaidhean

Kaqchikel Santo Domingo (Xenacoj)

³ Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

Kaqchikel Santa Maria de Jesus

³ Y jareꞌ ri cꞌaslien ri man niqꞌuis ta: Chi niquitamaj avach atreꞌ Nataꞌ Dios y niquitamaj jeꞌ noch inreꞌ. Ruma atreꞌ ri ketzij Dios y man jun chic Dios cꞌo, y inreꞌ ri Jesucristo ri xinatak-pa choch-ulief.

Kaqchikel Central Guatemala

³ Y ri c'aslen ri man q'uisel ta, ja ri niquetamaj avech rat Nata' Dios y chuka' niquetamaj nuvech yin. Roma ja rat ri kitzij Dios y man jun chic Dios c'o, y yin ri Jesucristo ri xinatek-pe chuvech re ruvach'ulef.

Re C'ac'a Testamento pa Kach'abal

³ Y re c'aslen re man niq'uis-ta, ja re niquitamaj avach rat Nata' Dios y niquitamaj chuka' noch yen. Roma ja rat re katzij Dios y man jun chic Dios c'o, y yen re Jesucristo re xinatak-pa chach re ruch'ulef.

Kaqchikel Western Solola

³ Yac'are' ri kitzij c'aslen riche (rixin) xtibe k'ij xtibe sek: Chi tiquetamaj awech riyit kitzij Dios y chuka' tiquetamaj nuwech riyin. Ruma yit c'a riyit ri kitzij Dios y majun chic jun Dios c'o, y riyin ri Jesucristo ri xinatek pe chuwech re ruwach'ulef.

San Juan 17:3 Iomraidhean Croise

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

2 Crón 15:3

Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

Wuj Richin Etamabel-Tzij 8:35

Ri wineq ri kan yiril yin ri na'oj, kan nril-wi k'aslen, roma kan nril-wi ri utzil ri nuya' ri Dios.

Wuj Richin ri Isaías 48:16

Kixjel-pe wik'in rix israelita, y tiwak'axaj ronojel re'. Kan pa rutikeribel man wewan ta ri nuch'abel richin nak'axatej. Y toq nibanatej ri xinbij, yin kan chiri' ink'o-apo, ncha' ri Dios. Y ri Isaías xubij: Y wakami xiruteq-pe ri Jehová k'iytisanel richin ronojel, y xiruteq-pe rik'in ri ru-Espíritu.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Isaías 61:1

Ri uchuq'a' richin ri Jehová ri wajaw kan k'o pa nuwi' yin; ri Jehová k'iytisanel richin ronojel kan xirucha' k'a yin. Kan xiruteq k'a pe richin ninya' utzilej rutzijol chike ri e k'ayewatajineq, richin ninya' ch'uch'ujil pa taq kánima ri niq'axon kánima, achi'el naq'omex jun sokotajik, richin yetotej ri e ximil, y ri ek'o pa cárcel kan xketotej k'a el.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Marcos 9:37

Ri xtik'ulu jun ak'ual pa nubi', kan achi'el ja yin ri xkiruk'ul, y ri xtik'ulu wichin yin, man xaxe ta yin ri xkiruk'ul, chuqa' kan xtuk'ul ri in taqayon-pe, xcha'.

San Lucas 9:48

Xubij k'a chike: Ri xtik'ulu jun ak'ual pa nubi', kan achi'el ja k'a yin ri xkiruk'ul, y ri xtik'ulun wichin yin, chuqa' kan xtuk'ul ri in taqayon-pe. Kan ja ri iwachibil ri más man jun ruq'ij, xa jari' ri más nim ruq'ij, xcha' ri Jesús.

San Juan 10:36

Wi keri' xubij ri Dios, ¿achike k'a roma rix nibij chi yin xinyoq' rubi' ri Dios, roma xinbij chi ja yin ri in ruk'ajol? Roma yin kan xirucha' k'a ri Dios richin xiruteq-pe chuwech re ruwach'ulew.

San Juan 11:42

Yin wetaman chi kan jantape' wi yinawak'axaj. Ronojel k'a re', kan ninbij koma re winaqi' re kimolon-pe-ki' wik'in wakami, richin chi tikinimaj chi kan ja rat ri xataqo-pe wichin chuwech re ruwach'ulew, xcha'.

San Juan 14:26

Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

San Juan 17:18

Y kan achi'el rubanik ri xaben-pe chuwe yin richin xinateq-pe chubanik ri asamaj, kan keri' chuqa' xinben yin chike.

San Juan 17:21

Ninwajo' chi konojel rije' kan junan ta kiwech, achi'el ri qabanon roj, chi xa jun qabanon. Roma rat nata' Dios kan atk'o wik'in yin, y yin, kan ink'o chuqa' awik'in rat. Chuqa' ninwajo' chi rije' junan ta kiwech qik'in roj. Keri' niq'alajin ta chikiwech ri winaqi' ri xa k'a kikuquban na kik'u'x rik'in re ruwach'ulew, chi yin, kan ja rat ri xataqo-pe wichin.

San Juan 17:23

Yin kan xintun-wi' kik'in rije', y rat kan atunun-awi' wik'in yin, richin keri' rije' kan jun ta k'a xtikiben. Y koma rije' xtetamex ta k'a koma ri winaqi' ri k'a kikuquban na kik'u'x rik'in re ruwach'ulew, chi yin ja rat, nata' Dios, ri xataqo-pe wichin.

San Juan 17:25

Nata' Dios, rat ri at choj rik'in ronojel, man k'a etaman ta awech koma ri winaqi' ri xa k'a kikuquban na kik'u'x rik'in re ruwach'ulew. Jak'a yin, kan wetaman awech, y re e tzeqelibey wichin re xe'aya' chuwe kan xketamaj k'a chuqa' chi ja rat ri xataqo-pe wichin.

San Juan 17:8

Roma kan ja ri ch'abel ri aya'on-pe chuwe yin richin ninq'alajirisaj, kan jari' k'a ri xinq'alajirisaj chikiwech re winaqi' re'. Y rije' kan xkik'ul na wi ri ach'abel pa taq kánima, y kan xketamaj-wi k'a chi qitzij chi awik'in rat nata' Dios in peteneq-wi. Kan xkinimaj k'a chi ja rat ri at taqayon-pe wichin.

San Juan 3:17

Roma ri Dios man xuteq ta pe ri ruk'ajol richin chi noruq'ata-tzij pa kiwi' ri winaqi' y noruya' ta ruk'ayewal ri richin jantape' pa kiwi'. Man keri' ta. Ri Dios xuteq-pe ri ruk'ajol, richin chi yojorukolo-qa chupan ri qamak.

San Juan 3:34

Roma ri jun ri xuteq-pe ri Dios chuwech re ruwach'ulew, kan ja wi ri ruch'abel ri Dios ri nutzijoj, roma ya'on-pe ri Loq'olej Espíritu chire.

San Juan 5:44

Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

San Juan 6:57

Roma kan ja ri nata' ri taqayon-pe wichin ri nuya' nuk'aslen. Yin chuqa' k'o ri k'aslen ri' wik'in. Y kan keri' k'a chuqa' ri xkinkik'ul yin, kan xkek'ase-wi woma yin.

San Juan 7:29

Yin kan wetaman k'a ruwech, roma kan rik'in rija' in peteneq-wi y kan ja chuqa' rija' ri taqayon-pe wichin, xcha'.

San Juan 8:19

Ri fariseo xkibij chire: ¿Akuchi k'a k'o-wi ri atata'?, xecha' chire. Y ri Jesús xubij: Rix man iwetaman ta ruwech ri nata', roma man iwetaman ta nuwech yin. Wi ta iwetaman nuwech yin, kan iwetaman ta chuqa' ruwech ri nata', xcha'.

1 Corintios 15:34

Titzolin-pe ik'u'x, y man chik kixmakun. Rix kan ruk'amon k'a chi yixk'ix-qa, roma chi'ikojol k'a ek'o ri man ketaman ta ruwech ri Dios.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Filipenses 3:10

Kan ninwajo-wi k'a ninwetamaj jebel ruwech ri Cristo y ri uchuq'a' ri xk'ason richin chikikojol ri kaminaqi'. Ninwajo' nintej poqon junan rik'in rija', y ri nukamik kan achi'el ta ri rukamik rija',

Filipenses 3:8

Ronojel ri xinkuquba' nuk'u'x rik'in, xinya' kan roma man jun chik kejqalen chinuwech yin. Xinya' kan richin xinwetamaj ruwech ri wajaw Jesucristo. Xentorij kan, achi'el niban chire ri q'ayis roma xinwajo' chi ri Cristo xok wajaw,

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Hebreos 3:1

Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

2 Pedro 1:2

Kan k'iy ta k'a utzil y k'iy ta chuqa' uxlanen xtik'ul, roma jebel iwetaman ruwech ri Dios y ri qajaw Jesús.

2 Pedro 1:3

Y ronojel ri nik'atzin richin niqak'uaj jun utzilej k'aslen, ja ri ruchuq'a' ri Dios ri yoyon-pe chiqe. Y ri uchuq'a' ri' kan qichin roj roma qetaman chik ruwech ri Jesucristo, ri xojroyoj richin qik'in roj niq'alajin ri ruq'ij-ruk'ojlen y ri ruchojmilal.

2 Pedro 1:8

Wi ronojel re' k'o iwik'in, rix niwetamaj más ruwech ri qajaw Jesucristo y ri ik'aslen xtiwachin y k'o rejqalen.

1 Juan 1:2

Re k'aslen re' xok'ulun-qa chiqakojol y xqatz'et. Roma ri' niqatzijoj chiwe chi kan k'o-wi-pe rik'in ri Qatata' Dios, y k'ari' xok'ulun qik'in.

1 Juan 1:3

Roj kan qatzijon k'a chiwe ri xqatz'et y ri xqak'axaj, richin chi rix junan ta iwech qik'in roj y keri' rix chuqa' junan iwech rik'in ri Tata'ixel y rik'in ri Jesucristo ri Ruk'ajol, achi'el ri qabanon roj.

1 Juan 2:23

Xabachike wineq ri nibin chi ri K'ajolaxel man qitzij ta, ri Tata'ixel man k'o ta rik'in ri wineq ri'. Jak'a ri wineq ri nibin chi ri K'ajolaxel kan qitzij wi, y kan k'o pa ránima, rik'in ri wineq ri' kan k'o chuqa' ri Tata'ixel.

1 Juan 4:6

Jak'a roj oj richin chik ri Dios, y ri kan retaman chik ruwech ri Dios kan yojrak'axaj-wi. Jak'a ri man retaman ta ruwech ri Dios man yojrak'axaj ta y rik'in ri' niq'alajin ri k'o ri qitzij rik'in y ri maneq ri qitzij rik'in.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.