San Juan 17:11 - Kaqchiquel Bible

¹¹ Loq'olej nata' Dios, yin yitzolin k'a el awik'in. Jak'a rije' kan k'a yek'oje' na kan chuwech re ruwach'ulew, roma ri' ke'achajij k'a re winaqi' re' rik'in ri uchuq'a' ri k'o pan abi', y xaya' chuwe yin. Keri' rije' kan junan ta k'a kiwech y jun ta k'a nikiben, achi'el qabanon roj.

Tuilleadh tionndaidhean

Kaqchikel Santo Domingo (Xenacoj)

¹¹ Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

Kaqchikel Santa Maria de Jesus

¹¹ Santo Nataꞌ, pan akꞌaꞌ ncaꞌnjach-ve can ri achiꞌaꞌ ri xaꞌyaꞌ chuva. Caꞌchajij, chi quireꞌ can junan ta cánima y joꞌc jun ta niquiꞌan. Can niquiꞌan ta incheꞌl kabꞌanun ojreꞌ, ruma ojreꞌ joꞌc jun kabꞌanun. Caꞌchajij cꞌa, ruma ijejeꞌ cꞌa ncaꞌcꞌujieꞌ can choch-ulief, y inreꞌ ya nquitzalaj-el aviqꞌuin.

Kaqchikel Central Guatemala

¹¹ Lok'olej Nata' Dios, can pan ak'a' c'a yenjech-vi can re achi'a' re xe'aya' chuve, richin que'achajij; richin queri', can junan ta c'a quivech y jun ta c'a niquiben. Can niquiben ta c'a achi'el kabanon roj. Roj, can jun kabanon. Can que'achajij c'a, roma rije' can c'a yec'oje' na can chuvech re ruvach'ulef, y yin man que ta ri'. Yin xa can yitzolin yan c'a el aviq'uin.

Re C'ac'a Testamento pa Kach'abal

¹¹ Lok'olaj Nata' Dios, pan ak'a' c'a ye'njach-va can re achi'a' re xa'ya' chua, can ca'chajij riq'uin re a-poder, chin quire' can junan-ta quivach y xa jun-ta c'a niquiban. Can niquiban-ta ancha'l kabanon yoj. Yoj can jun kabanon. Can ca'chajij, roma reje' can c'a ye'c'ue-na can chach re ruch'ulef, y yen man quire-ta. Yen xa yintzolaj-yan-a aviq'uin.

Kaqchikel Western Solola

¹¹ Lok'olaj Nata' Dios, can pan ak'a' c'a yenjech wi ca re achi'a' re xe'aya' chuwe. Que'achajij c'a riche (rixin) chi queri' junan ta c'a quiwech y xa jun ta c'a xtiquiben. Can xtiquiben ta c'a achi'el kabanon riyoj. Ruma riyit y riyin xa yoj jun. Can que'achajij c'a, ruma riye' can c'a yec'oje' na ca chuwech re ruwach'ulef, y riyin ma que ta ri'. Riyin xa yitzolin chic awuq'ui.

San Juan 17:11 Iomraidhean Croise

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin ri Isaías 27:3

Y yin Jehová ninchajij; Kan jantape' ninya'aj, y kan ninchajij k'a chi paq'ij chi chaq'a' richin chi man jun xtinaqo richin.

Wuj Richin ri Isaías 64:2

Kaqaqa-pe richin chi ri e etzelanel awichin niketamaj ri abi', y konojel ri tzobaj winaqi' richin ri ruwach'ulew xkebaybot ta chawech, achi'el nuben ri ya' niroqo, toq niya'ox más si' chuxe'.

Wuj Richin ri Jeremías 14:21

Man k'a tawetzelaj más ri qatinamit roma ruk'ojlen ri abi', ni man taqasaj ruq'ij ri tinamit akuchi naq'et-wi-tzij. Kan toqaqa k'a chi'ak'u'x ri jikibel-tzij ri xaben qik'in.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

Ez 20:22

Jak'a man xinben ta keri', roma man xinwajo' ta richin xyoq'otej ri nubi', richin chi man yik'ulun ta itzel chikiwech ri ch'aqa' chik tzobaj winaqi' richin ri ruwach'ulew ri kan xkitz'et achike rubanik toq xenwelesaj-pe pan Egipto.

Ez 20:44

Rix kan ruk'amon ta ninya' rutojbalil-mak pan iwi', jak'a richin chi nel utz nutzijol, kan xtinjoyowaj k'a iwech. Y jari' toq xtiwetamaj chi ja yin Jehová ri ink'o pa ruwi' ronojel, xcha'.

Ez 20:9

Xinwajo' ta xinben kere', jak'a xa man xinben ta, richin man niqasex ta nuq'ij chikikojol ri ch'aqa' chik tzobaj winaqi', roma xinya' nutzij richin xenwelesaj-pe pan Egipto.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 13:3

Ri Jesús kan retaman-wi chi ronojel jachon pa ruq'a' roma ri Dios ri rutata', y chiri' rik'in ri Dios peteneq-wi y chiri' chik nitzolej-wi-el.

San Juan 14:20

Y chupan k'a ri q'ij ri' xtiq'alajin jebel chiwech chi yin kan ink'o-wi rik'in ri nata', rix ixk'o wik'in y yin iwik'in rix.

San Juan 16:28

Kan rik'in-wi k'a ri nata' Dios in peteneq-wi, richin xinoqaqa chuwech re ruwach'ulew. Y re wakami, kan rik'in k'a chuqa' rija' yitzolin-wi, y ninya' kan re ruwach'ulew, xcha' ri Jesús.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

San Juan 17:23

Yin kan xintun-wi' kik'in rije', y rat kan atunun-awi' wik'in yin, richin keri' rije' kan jun ta k'a xtikiben. Y koma rije' xtetamex ta k'a koma ri winaqi' ri k'a kikuquban na kik'u'x rik'in re ruwach'ulew, chi yin ja rat, nata' Dios, ri xataqo-pe wichin.

San Juan 17:25

Nata' Dios, rat ri at choj rik'in ronojel, man k'a etaman ta awech koma ri winaqi' ri xa k'a kikuquban na kik'u'x rik'in re ruwach'ulew. Jak'a yin, kan wetaman awech, y re e tzeqelibey wichin re xe'aya' chuwe kan xketamaj k'a chuqa' chi ja rat ri xataqo-pe wichin.

San Juan 17:6

Rat kan xe'aya' tzeqelibey wichin, y yin kan xinben k'a chi xq'alajin-wi ri abi' chikiwech. Re winaqi' re', kan e awichin rat, jari' ri xe'aya' chuwe yin. Y rije' kan kibanon y kichajin k'a ri ach'abel.

San Juan 7:33

Jari' k'a toq ri Jesús xubij: K'a k'o na juba' q'ij ri yik'oje-el iwik'in. K'ari' xkitzolin rik'in ri achike taqayon-pe wichin.

Hechos 3:21

Jak'a re wakami, k'o chi nik'oje' na ri chila' chikaj, kan k'a toq xtapon na ri q'ij toq xtiban ruchojmil ronojel. Keri' nubij ri Dios chupan ri e kitz'iban kan ri e loq'olej q'alajirisey ruch'abel ri Dios ri ojer kan.

Romanos 12:5

Y keri' chuqa' roj ri oj richin chik ri Cristo. Stape' oj k'iy y man junan ta ri qasamaj, man rik'in ri' jun qabanon rik'in ri Cristo, achi'el jun ch'akulaj.

Romanos 9:17

Toqaqa chi'ik'u'x ri xubij ri Dios chirij ri rey richin Egipto:*f21* Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

1 Corintios 1:10

Wach'alal, pa rubi' k'a ri qajaw Jesucristo nink'utuj utzil chiwe, chi junan iwech tibana'. Man kepe itzel taq ch'obonik iwik'in richin nich'arala-iwi'. Pa ruk'exel chi keri', kan junan ta ch'obonik ri xtik'oje' iwik'in.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Efesios 4:4

Xa jun k'a ibanon chi'iwach'alal-iwi' y xa jun ri Loq'olej Espíritu ri k'o pa taq iwánima. Kan chi'iwonojel k'a junan ri utzil iwoyoben-apo, roma ja ri Dios ri xoyon iwichin.

Filipenses 2:9

Y roma ri' ri Dios xuben chire chi k'o ruq'ij-ruk'ojlen ri chila' chikaj, y xok nimalej ajaw pa ruwi' ronojel, Y chuqa' xuya' jun rubi' ri más nim ruq'ij chikiwech konojel bi'aj.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 19:12

Ri runaq'-ruwech kan e achi'el ruxaq q'aq'. K'o k'a k'iy corona rukusan, y tz'ibatel-el ri rubi' chiri'. Y re bi'aj re', kan man jun achoq chuwech niq'ax-wi, xa kan xaxe chuwech rija'.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.