San Juan 16:25 - Kaqchiquel Bible

²⁵ Kan ronojel k'a ri nubin chik qa chiwe, kan rik'in k'ambel taq tzij y k'ayew wi richin yeq'ax chiwech. Jak'a xtoqaqa ri q'ij toq man keri' ta chik rubanik xkich'on iwik'in. Xa kan q'alaj-q'alaj chik k'a ri rubixik xtinben chiwe chirij ri nata' Dios.

Tuilleadh tionndaidhean

Kaqchikel Santo Domingo (Xenacoj)

²⁵ Ri tzij nubꞌiꞌin pe chiwa, rewan jubꞌaꞌ riꞌ ri ndirajoꞌ ndubꞌij. Pero nduqaqa jun qꞌij atoq riyin ma niwewaj chi ta rubꞌeyal ri niwojoꞌ nibꞌij chiwa, xa kin qꞌalej yan chik ri nibꞌij chin niqꞌalajrisaj runoꞌoj ri Tataꞌaj Dios chiwech.

Kaqchikel Santa Maria de Jesus

²⁵ Nojiel ri nuꞌeꞌn chic chiva, riqꞌuin parábolas (cꞌambꞌal-tzij), pero xtalka ri kꞌij antok man quireꞌ ta chic xquichꞌoꞌ chivach. Xa kꞌalaj ri rubꞌixic xtinꞌan chivach chirij ri Nataꞌ Dios.

Kaqchikel Central Guatemala

²⁵ Can ronojel c'a ri nubin chic ka chive, can c'ayef vi richin yek'ax chivech, pero xtoka' c'a ri k'ij tok man chic que ta ri' rubanic xquich'on iviq'uin. Xa can k'alaj-k'alaj chic c'a ri rubixic xtinben chive chirij ri Nata' Dios.

Re C'ac'a Testamento pa Kach'abal

²⁵ Can ronojel re nbin chic-ka chiva, can c'ayef-va chin che ye'k'ax pan ive', pero xte'ka re k'ij tak man chic quire-ta rubanic xquinch'o iviq'uin. Xa can k'alaj rubixic xtimban chiva chij re Nata' Dios.

Kaqchikel Western Solola

²⁵ Ronojel c'a ri nbin chic ka chiwe, can riq'ui c'ambel tak tzij nbin wi, pero xtoka c'a ri k'ij tek ma riq'ui ta chic c'ambel tak tzij xquich'o wi iwuq'ui. Xa can k'alaj k'alaj chic c'a ri rubixic xtinben chiwe chrij ri Tata'ixel.

San Juan 16:25 Iomraidhean Croise

Wuj Richin Bix Chire ri Dios 49:4

Kan xtintej nuq'ij ninkusaj ch'abel ri niq'ax chikiwech konojel. Xtinbixaj k'a re etamabel tzij re', rokik ninq'ojomaj ri arpa.

Wuj Richin Bix Chire ri Dios 78:2

Kan xkich'on k'a rik'in etamabel-tzij, xtinq'alajirisaj ri kan e ewatel-pe ojer.

Wuj Richin Etamabel-Tzij 1:6

Richin chi ri wineq ri' niq'ax chuwech ri etamabel-tzij y ri ye'el chi tzij, richin chuqa' chi xtiq'ax chuwech ri kitzij ri aj-na'oj y nitikir nusol-rij ri etamabel ri e tz'apel chupan ri tzij ri'.

Ez 20:49

Y yin xinbij k'a chire: ¡Ajaw!, ri winaqi' nikibij chi yin xaxe yenbila' ch'abel ri man jun achoq chuwech niq'ax-wi, xicha'.

Marcos 4:13

Ri Jesús xubij chik: ¿Kan man xq'ax ta chiwech ri k'ambel-tzij ri k'a juba' tinbij-qa chiwe? ¿Achi'el k'a toq xtiq'ax chik chiwech ri ch'aqa' chik k'ambel taq tzij?

Marcos 4:34

Rija' xaxe rik'in k'ambel taq tzij xch'on-wi kik'in. Jak'a toq nikiyonij kan, rija' kan nubij chike ri rutijoxela' achike yek'ulun-wi chi tzij.

Marcos 8:32

Toq xubij re ch'abel re' chike ri rutijoxela', kan jebel wi q'alaj rubixik xuben chire. Jak'a ri Pedro xuch'er-el juba' ri Jesús, y xbech'olin-pe chirij roma keri' xubij.

San Juan 10:24

Ri ruwinaq xe'apon rik'in y xkisutij-rij, k'ari' xkibij chire: ¿Achike k'a roma toq man jun bey nawajo' naq'alajirisaj-awi' chiqawech? Wi kan ja rat ri Cristo, tabij chiqe, xecha'.

San Juan 10:6

Ri Jesús xubij re jun k'ambel-tzij re' chike ri fariseo, jak'a rije' man xq'ax ta chikiwech achike ri xubij chike.

San Juan 16:12

Kan k'a k'iy k'a ri man ninbij ta chik kan chiwe, roma kan k'ayew richin yeq'ax yan ta chiwech y kan k'ayew chuqa' ri kik'uaxik.

San Juan 16:2

Xkixoqotex k'a pe ri chiri' pa taq jay akuchi nimol-wi-iwi' richin niwak'axaj ri ruch'abel ri Dios. Y kan xtapon-wi k'a chuqa' ri q'ij toq ri winaqi' xtikich'ob chi rusamaj ri Dios nikiben rije' toq yixkikamisaj.

San Juan 16:32

Roma kan qitzij ninbij chiwe chi ri jun q'ij ri' kan napon yan k'a, chi rix xa xtitaluj-el-iwi' y xa xkiniya' kan nuyon. Jak'a man kan ta nuyon chuqa' yik'oje' kan, roma ri nata' kan k'o-wi wik'in.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.