San Juan 15:9 - Kaqchiquel Bible

⁹ Kan achi'el k'a wajowaxik nuben ri nata' chuwe yin, kan keri' chuqa' iwajowaxik ninben yin chiwe. Kan jantape' k'a kixk'ase' rik'in re ajowabel re'.

Tuilleadh tionndaidhean

Kaqchikel Santo Domingo (Xenacoj)

⁹ Achel ngirajoꞌ ri Nataꞌ, keriꞌ chuqaꞌ ngixinwojoꞌ riyin. Jumul kꞌa kixkꞌojeꞌ chupan ri ajowabꞌel riꞌ.

Kaqchikel Santa Maria de Jesus

⁹ Can incheꞌl nquirajoꞌ ri Nataꞌ Dios, can quireꞌ jeꞌ nquixvajoꞌ inreꞌ. Can siempre quixcꞌujieꞌ chupan ri nu-amor.

Kaqchikel Central Guatemala

⁹ Can achi'el c'a vajovaxic nuben ri Nata' chuve yin, can que c'a chuka' ri' ivajovaxic ninben yin chive. Can jantape' c'a quixc'oje' chupan re ajovabel re'.

Re C'ac'a Testamento pa Kach'abal

⁹ Can ancha'l como yen camas yinrajo' re Nata', can quire' chuka' nimban yen chiva yex. Y mare' nojel tiempo quixc'ue' viq'uin y siempre yixinjo'.

Kaqchikel Western Solola

⁹ Can achi'el c'a yirajo' ri Nata', can queri' chuka' yixinwajo' riyin. Can quixc'oje' c'a jurayil chupan re ajowanic re'.

San Juan 15:9 Iomraidhean Croise

San Juan 15:11

Ronojel k'a ri nubin chik chiwe kan richin chi ri kikoten ri k'o wik'in yin, keri' chuqa' xtik'oje' iwik'in rix, y richin chuqa' chi nitz'aqet ri kikoten pa taq iwánima.

San Juan 15:13

Ri utzilej rubanik richin nik'ut ri ajowabel ja ri kan niya' ri ik'aslen pa kik'exel ri kan e iwachibil.

San Juan 17:26

Kan nuq'alajirisan-wi k'a ri abi' chikiwech, y kan k'a xtinq'alajirisaj na k'a más, richin keri' ri ajowabel ri achoq ik'in in awajowan-wi yin, kan ja ta k'a chuqa' ri' xtik'oje' kik'in rije'. Y yin xkik'oje' pa taq kánima rije', xcha'.

San Juan 3:35

Ri tata'ixel kan janila wi k'a nrajo' ri ruk'ajol, y pa ruq'a' rija' xujech-wi ronojel.

Efesios 3:18

Y richin ri' kan ta xtiq'ax junan chiqawech qonojel, ri janipe' rubanik ri ajowabel ri k'o rik'in ri Cristo: Janipe' ruwech, raqen, rujotolen y janipe' rupan.

1 Juan 2:28

Y wakami rix walk'ual, kan jun k'a tibana' rik'in ri Jesucristo, richin chi man xtixibij ta iwi' chuwech toq xtapon ri q'ij toq xtipe chik jun bey y man xkixk'ix ta chuwech toq xtapon ri q'ij ri'.

Judas 1:20

Jak'a rix wach'alal ri yalan yixinwajo', kan kixk'iy k'a rik'in ri loq'olej ruch'abel ri Dios ri iniman. Y toq yixch'on rik'in ri Dios, tiya' q'ij chi ri Loq'olej Espíritu niyuqen iwichin.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.