San Juan 15:6 - Kaqchiquel Bible

⁶ Wi rix man itunun ta iwi' wik'in, xa xkixelesex-el. Wi keri' xa ix achi'el jun ruq'a' ri juwi-uva ri xa chaqi'j chik ri yebemol-pe richin yek'aq pa q'aq'.

Tuilleadh tionndaidhean

Kaqchikel Santo Domingo (Xenacoj)

⁶ Ri ma jumul ta xe jun rubꞌanun wikꞌin ndelesex e saqil, ndibꞌan chare achel ri ruqꞌaꞌ teq uva ri ma ngewachin ta, ngechoy, ngechaqiꞌj qa, y ngemol chin ngetorix pa qꞌaqꞌ y ngekꞌat.

Kaqchikel Santa Maria de Jesus

⁶ Ri man nicꞌujieꞌ ta viqꞌuin, xtuꞌon incheꞌl ri rukꞌaꞌ ri uva ri man niquiyaꞌ ta quivach. Ncaꞌlasas-el, y antok i-chakeꞌj chic, ncaꞌbꞌamuol-pa y ncaꞌcꞌak pa kꞌakꞌ, y chireꞌ ncaꞌcꞌat-ve.

Kaqchikel Central Guatemala

⁶ Ri xa can man nic'oje' ta c'a viq'uin, xtuc'ulvachij c'a achi'el nuc'ulvachij ri ruk'a' uva xa man nivachin ta. Nelesex-el roma man nivachin ta, y tok chaki'j chic, rachibilan ch'aka' chic yebemol-pe, yec'ak pa k'ak', y chiri' yec'at-vi.

Re C'ac'a Testamento pa Kach'abal

⁶ Re anchique man nic'ue-ta viq'uin, xtuc'alvachij ancha'l niquic'alvachij re ruk'a' tak uva re xa man ye'vachin-ta. Ye'lisas-a roma man ye'vachin-ta, y tak je chake'j chic, ye'bemol-pa, ye'torix pa k'ak', y chire' ye'c'at-va.

Kaqchikel Western Solola

⁶ Ri xa ma nic'oje' ta c'a wuq'ui jurayil, xtuc'ulwachij c'a achi'el nuc'ulwachij ri ruk'a' uva ri xa ma niwachin ta. Ye'elesex el ruma ma yewachin ta, y tek ye chaki'j chic, yebemol pe, y yec'ak pa k'ak', y chiri' yec'at wi.

San Juan 15:6 Iomraidhean Croise

2 Sam 23:7

Xa kan rik'in k'a kum o jun chik ch'ich' ri xkek'uq-el. Chirij ri' xa xkeporox jumul akuchi e punul-wi kan, xcha'.

Wuj Richin ri Achin Job 15:30

Kan man k'a xtikolotej ta chuwech ri kamik. Xa junan k'a xtuk'uluwachij kik'in ri ruq'a' taq che', ri kan k'o chi ye'apon pa q'aq'. Rik'in ri ruxla' ri Dios, xtibe achi'el nibe ri rusi'j ri che' roma ri kaq'iq'.

Wuj Richin Bix Chire ri Dios 80:15

Katanpe richin yojakol roj ri kan oj achi'el tiko'n ri ja rat xatiko-qa, ri kan xajikiba' chi kan awichin rat.

Wuj Richin ri Isaías 14:19

Jak'a rat xa kan xkak'aq kan nej chire ri muqbel ri'. Xkak'aq kan achi'el niban chire ri q'ayis ri man nik'atzin ta. Xkamuq kan kik'in ri ch'aqa' chik kaminaqi' ri e kamisan chi espada. Keri' xkamuq kan chupan jun jul ri janila chi abej k'o.

Wuj Richin ri Isaías 27:10

Ri tinamit ri jebel e tz'apen-kij chi tz'aq xa xketole' kan, achi'el toq nimalix kan jun jay, y nuben achi'el jun tz'iran ruwach'ulew ri e maneq winaqi' chupan. Ri chiri' xtok k'a ri akuchi xkeyuq'ux-wi ri awej ri akuchi nelesex-el ronojel kixaq ri che'.

Ez 17:9

Jak'a yin Jehová ninbij chi re juwi-uva re' kan man utz ta xuben. Y roma ri' ri nabey kot xtuk'uq-el ri ruxe' y chuqa' xtuwux-el ri ruwech, richin xtichaqi'j-qa. Y re' man xtrajo' ta janila uchuq'a' ni k'iy winaqi' richin xtik'uqutej-el ri ruxe'.

San Mateo 13:41

Toq xtapon k'a ri q'ij ri', yin ri xiqaqa-pe achi'el wineq chi'ikojol, xkenteq k'a ri nu-ángel chikimolik konojel ri yebanon etzelal y nikiben chike ch'aqa' chik chi yetzaq.

San Mateo 27:5

K'ari' rija' xutorij kan ri méro ri chiri' pa rachoch ri Dios, y xel-pe chiri' richin xberujitz'aj-ri'.

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

San Mateo 7:19

Y ronojel k'a che' ri man nikiya' ta utzilej taq kiwech, yeqasex y k'ari' yek'aq pa q'aq'.

San Juan 15:2

Roma toq ri juwi-uva ri ek'o ruq'a' ri xa man nikiya' ta kiwech, ye'elesex-el. Jak'a ri ruq'a' ri kan nikiya' kiwech, yejosq'ix jebel, richin más yewachin.

Hebreos 10:27

Y xaxe chik k'a koyoben-apo ri nimalej q'atoj-tzij ri peteneq y chuqa' kan koyoben chik apo toq xke'apon chupan ri nimalej q'aq' ri akuchi xkebeqaqa-wi ri ye'etzelan richin ri Dios.

2 Pedro 2:20

Stape' rije' kan e kolotajineq chik k'a pe chupan ri etzelal richin ri ruwach'ulew, toq xkikuquba' kik'u'x rik'in ri ajaw Jesucristo, jak'a wi ta nikisuq' chik ki' jun bey chupan ri achike k'aslen ri e eleneq-wi-pe, roma ri' ri kik'aslen más k'ayew nuben ke chuwech ri xkiben toq k'a man jani tikinimaj ri Jesucristo.

1 Juan 2:19

Xek'oje' chiqakojol, jak'a xa xe'el-el roma man e qachibil ta. Wi ta e qachibil, ek'o ta qik'in wakami. Xe'el k'a el qik'in, xaxe richin chi xeq'alajin chi kan man ek'o ta qik'in.

Apocalipsis 20:15

Y kan chupan k'a chuqa' re q'aq' re' xek'aq-wi konojel ri winaqi' ri man tz'ibatel ta kibi' chupan ri wuj richin k'aslen.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.