San Juan 15:5 - Kaqchiquel Bible

⁵ Ja yin k'a ri juwi-uva, y rix ri ruq'a'. Wi kan jantape' itunun-iwi' wik'in y yin iwik'in rix, ri ik'aslen kan xtiwachin-wi. Jak'a wi man itunun ta iwi' wik'in, man jun k'a ri xkixtikir xtiben.

Tuilleadh tionndaidhean

Kaqchikel Santo Domingo (Xenacoj)

⁵ Ja riyin ri raqen ri uva, y rix ri ruqꞌaꞌ. Ri jumul xe jun rubꞌanun wikꞌin y riyin rikꞌin rijaꞌ, santienta ndiwachin ri rukꞌaslen. Porque si rix ma jumul ta xe jun ibꞌanun wikꞌin, nixta jun achike ngixtiker ndibꞌen.

Kaqchikel Santa Maria de Jesus

⁵ Inreꞌ ri mata uva, y ixreꞌ ri rukꞌaꞌ. Ri can siempre cꞌo viqꞌuin y inreꞌ riqꞌuin jajaꞌ, ri rucꞌaslien can otz. Ruma ri man cꞌo ta viqꞌuin, man jun ri xtitiquir xtuꞌon.

Kaqchikel Central Guatemala

⁵ Ja yin c'a ri uva, y rix ri ruk'a'. Ri can jantape' c'o viq'uin y yin riq'uin rija', ri ruc'aslen can xtivachin-vi. Roma ri xa man c'o ta viq'uin, man jun c'a ri xtitiquir xtuben.

Re C'ac'a Testamento pa Kach'abal

⁵ Ja yen re juvi' uva, y yex re ruk'a'. Re can nojel tiempo c'o viq'uin y yen riq'uin reja', re ruc'aslen can xtivachin-va. Roma re man c'o-ta viq'uin, man jun xtitiquir xtuban.

Kaqchikel Western Solola

⁵ Yin c'a riyin ri achi'el juwi' uva, y riyix ri ruk'a'. Ri can jurayil nic'oje' wuq'ui, y riyin riq'ui riya', ri ruc'aslen can xtiwachin wi. Ruma ri xa ma xtic'oje' ta wuq'ui, majun c'a ri xticowin ta xtuben.

San Juan 15:5 Iomraidhean Croise

Wuj Richin Etamabel-Tzij 11:30

Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen; y ri wineq ri kan k'o runa'oj, kan yeruch'ek k'aslen richin ye'ok richin ri Dios.

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

San Mateo 13:21

Jak'a roma kan man nuk'en ta qa ruxe' jebel ri ruch'abel ri Dios pa kánima, kan man niyaloj ta k'a ri kikoten kik'in. Y toq yepe k'a tijoj-poqonal y ye'etzelex roma kiniman ri ruch'abel ri Dios, xa yetzaq kan chi'anin.

San Juan 12:24

Y tiwak'axaj k'a re xtinbij chiwe re wakami, chi kan qitzij wi: Jun ti ruwech-trigo wi man nitik ta, jantape' xtuben xaxe jun ti ruwech-trigo. Jak'a wi nitik-qa y xtiq'ey-qa, pa ruk'iyal xtuya' ri ruwech.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

San Juan 5:19

Jari' toq ri Jesús xubij: Kan qitzij re ninbij chiwe, chi yin ri ruk'ajol ri Dios man yitikir ta yisamej pa nuyonil, yin xaxe ninben ri nintz'et ri nuben rija'. Roma ri' ri nuben ri nata', jari' ri ninben yin ri ruk'ajol.

San Juan 9:33

Y wi ta ri Jesús man ta rik'in ri Dios peteneq-wi, man ta xtikir xuben re meyel banobel wik'in, xcha'.

Hechos 4:12

Y kan man jun chik k'a ri nilitej ta kolotajik rik'in. Roma chuwech re ruwach'ulew xa kan man jun chik ri ya'on ta pe chiqe roj winaqi' richin yojkolotej ta, xcha' ri Pedro.

Romanos 12:5

Y keri' chuqa' roj ri oj richin chik ri Cristo. Stape' oj k'iy y man junan ta ri qasamaj, man rik'in ri' jun qabanon rik'in ri Cristo, achi'el jun ch'akulaj.

Romanos 6:22

Jak'a re wakami ri mak kan man jun chik ruq'a' chiwe; xa kan ixk'o chik pa ruq'a' ri Dios. Roma ri' toq ik'ulun chik jun k'aslen ch'ajch'oj, y pa ruk'isibel nuk'en-pe ri k'aslen ri man k'isel ta.

Romanos 7:4

Wach'alal, kan keri' chuqa' nibanatej qik'in roj. Achi'el ta kan xojken rik'in ri Cristo, toq rija' xken. Y roma ri' man ojk'o ta chik chuxe' ri pixa'; xa kan oj richin chik ri Cristo, ri xk'astej-pe. Y roma oj richin chik ri Cristo, yojtikir yojk'ase' achi'el nrajo' ri Dios.

1 Corintios 10:16

Toq niqanataj ri rukamik ri Cristo rik'in ri vino, kan niqamatioxij k'a chire ri Dios chi rik'in ri vino ri' niqak'ut chi xa jun qabanon rik'in ri Cristo roma ri rukik'el. Y keri' chuqa' toq niqatej ri wech'on kaxlan-wey, kan niqak'ut k'a chi xa jun qabanon rik'in ri Cristo roma ri ruch'akul ri kan achi'el xwech' qoma roj.

1 Corintios 12:12

Ri ruch'akul jun wineq k'iy k'a ri ruk'uan ri', jak'a xaxe jun rubanon. Y keri' chuqa' roj oj achi'el ri ruch'akul ri Cristo. Stape' oj k'iy xaxe jun qabanon.

1 Corintios 12:27

Rix wach'alal aj-Corinto kan ix okineq chik ruch'akul ri Cristo; chi'ijujunal ix richin chik ri ch'akulaj ri'.

2 Corintios 13:8

Ri niqaben roj kan xaxe k'a richin nik'iy ri qitzij y re' kan man yojtikir ta niqaq'et rutzijoxik.

2 Corintios 9:10

Ri Dios ri kan nuya' ri ija'tz chire ri tikonel y nuya' ri qaway, xtuben chi kan xtuya' y xtik'iyer chiwech ri xtitik-qa. Y keri' chuqa' rik'in ronojel ri utzilej taq ibanobal, ri Dios xtuben chi xtiq'alajin más ri ruchojmilal ri niben.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Efesios 5:9

Ri saqil ri' kan nuben-wi k'a chiwe chi niben utzil, chi niben ri choj y richin chi kan xaxe ri qitzij titzeqelibej.

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.

Filipenses 4:13

Kan ja ri Cristo niya'on wuchuq'a' richin yitikir ninq'axaj ronojel.

Filipenses 4:17

Y ri xininataj chik pe re wakami kan nikikot k'a ri wánima, jak'a man roma ta k'a chi k'o ri xiteq-pe chuwe. Ri wánima kan nikikot roma wetaman chi ri to'onik ri' kan k'o chuqa' nuk'en-pe chiwe rix.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

1 Pedro 2:4

Kan jantape' k'a kixjel-apo rik'in ri Jesucristo ri achi'el jun abej ri k'o ruk'aslen. Ri stape' man xya'ox ta rejqalen koma ri winaqi', jak'a chuwech ri Dios kan cha'on, y janila rejqalen.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.