San Juan 15:16 - Kaqchiquel Bible

¹⁶ Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

Tuilleadh tionndaidhean

Kaqchikel Santo Domingo (Xenacoj)

¹⁶ Ma rix ta ri xixchaꞌon wichin, ja riyin ri xichaꞌon iwichin, y xixinchaꞌ chin ngixinteq chubꞌanik ri nusamaj chin más ngekꞌiyer ri ngetaqin wichin, y chin jumul ndikiyaꞌ kánima wikꞌin. Xixinchaꞌ chuqaꞌ, chin keriꞌ ri ndikꞌutuj chare ri Nataꞌ pa nubꞌiꞌ, rijaꞌ nduyaꞌ pe chiwa.

Kaqchikel Santa Maria de Jesus

¹⁶ Inreꞌ ri xchoꞌn ivichin ixreꞌ, y man ixreꞌ ta ri xichoꞌn vichin inreꞌ. Y inreꞌ xixchaꞌ chi nquixtak chi ntiꞌan ri nusamaj y chi otz jeꞌ ri icꞌaslien, y reꞌ richin nojiel tiempo; chi quireꞌ chica-na ri xticꞌutuj cha ri Nataꞌ pa nubꞌeꞌ inreꞌ, jajaꞌ can xtuya-pa chiva.

Kaqchikel Central Guatemala

¹⁶ Ri xcha'on ivichin rix, ja yin, y xa man ja ta rix ri xixcha'on vichin yin. Y yin xixincha' richin chi yixintek chubanic ri nusamaj y richin chuka' chi nivachin jebel ri ic'aslen, y re' can richin ta c'a jantape'; richin queri' ri achique c'a ri xtic'utuj chire ri Nata' pa nubi' yin, can xtuya-vi c'a pe chive.

Re C'ac'a Testamento pa Kach'abal

¹⁶ Re xcha'o ivichin yex, ja yen, y mana-ta yex re xixcha'o vichin yen. Y yen xixincha' chin che yixintak chubanic re nusamaj y chin chuka' che nivachin jabal re ic'aslen, y re' can chin nojel tiempo, chin quire' re andex xtic'utuj cha re Nata' pa nube' yen, can xtuya-va-pa chiva.

Kaqchikel Western Solola

¹⁶ Ri xcha'o iwuche (iwixin) riyix, yin c'a riyin, y xa ma yix ta c'a riyix ri xixcha'o wuche (wixin) riyin. Y riyin xixincha' riche (rixin) chi yixintek chubanic ri nusamaj y riche (rixin) chuka' chi ri ic'aslen niwachin, y jurayil ta c'a xtiwachin ri ic'aslen, riche (rixin) chi queri' xabachique c'a ri xtic'utuj chare ri Nata' pa nubi' riyin, can xtuya' pe chiwe.

San Juan 15:16 Iomraidhean Croise

Wuj Richin ri Rutikeribel 18:18

roma kan qitzij na wi chi ri Abraham xtibe'ok jun nimalej tata'aj richin jun nimalej tzobaj winaqi' y kan xtik'oje' k'a uchuq'a' pa kiq'a' chuwech re ruwach'ulew y roma rija' xtinya' urtisanik pa kiwi' konojel ruwach'ulew.

Wuj Richin Bix Chire ri Dios 145:4

Ri chi sol chi sol winaqi' ri yeq'ax, kan xtikinimaq'ijuj ri nima'q taq abanobal rat Jehová. Kan xtikitaluj k'a rutzijol ri meyel taq abanobal.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

Wuj Richin Etamabel-Tzij 11:30

Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen; y ri wineq ri kan k'o runa'oj, kan yeruch'ek k'aslen richin ye'ok richin ri Dios.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Wuj Richin ri Miqueas 5:7

Ri qawinaq israelita xtikitaluj-ki' chuwech ri ruwach'ulew, jak'a xtapon chik k'a ri q'ij toq xkek'iyer. Y ri Dios xtibanon ronojel re' achi'el nuteq-pe ri raxq'ab y ri job, y man wineq ta ri nibanon.

San Mateo 21:22

Kan ronojel wi k'a ri nik'utuj chire ri Dios kan xtik'ul-wi, wi nikuquba' ik'u'x chi keri', xcha'.

San Mateo 7:7

Tik'utuj k'a ri nik'atzin chiwe, y ri Dios kan xtuya' k'a pe. Tikanoj, y xtiwil ri niwajo'. Kixoyon, y kan xkixak'axex k'a pe.

San Lucas 6:13

Chupan k'a ri nimaq'a' ruka'n q'ij, rija' xeroyoj ri e tzeqelibeyon richin, y chikikojol k'a rije' xerucha' e kablajuj richin nikibini'aj e taqon roma ri Cristo.

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

San Juan 15:19

Wi rix ix junan ta kik'in ri winaqi' ri k'a kikuquban na kik'u'x rik'in re ruwach'ulew, yixkajo' ta. Jak'a wakami yixketzelaj, roma xixincha' richin man ix richin ta chik re ruwach'ulew.

San Juan 15:5

Ja yin k'a ri juwi-uva, y rix ri ruq'a'. Wi kan jantape' itunun-iwi' wik'in y yin iwik'in rix, ri ik'aslen kan xtiwachin-wi. Jak'a wi man itunun ta iwi' wik'in, man jun k'a ri xkixtikir xtiben.

San Juan 6:70

Jari' toq ri Jesús xubij: Stape' ja yin ri xicha'on iwichin rix ri ix kablajuj, jak'a kan k'o jun achi'el ri Itzel-Wineq xk'ulun chi'ikojol, xcha'.

Hechos 1:24

Xech'on k'a rik'in ri Dios y xkibij: Ajaw, rat ri natz'et ri qánima qonojel, tak'utu' k'a chiqawech achike k'a chike re ka'i' achi'a' re' ri acha'on,

Hechos 1:8

Xaxe k'a tiwetamaj, chi toq ri Loq'olej Espíritu xtiqaqa-pe pan iwi', xtik'ul k'a uchuq'a', y xkiniq'alajirisaj chikiwech ri winaqi' wawe' pa tinamit Jerusalem, ri ek'o pa ch'aqa' chik tinamit wawe' pa Judea, pa ruwach'ulew Samaria, y chikiwech konojel winaqi' pa ch'aqa' chik ruwach'ulew chi nej chi naqaj, xcha' ri Jesús.

Hechos 10:41

Man k'a chikiwech ta xabachike winaqi' xuk'ut-ri'; xa kan xaxe chiqawech roj ri kan ruch'obon-wi-pe ri Dios pa qawi' ri ojer chi niqaq'alajirisaj ri k'astajibel richin ri Jesús. Y junan k'a xojwa-xojuk'ya' rik'in rija', toq k'astajineq chik pe chikikojol ri kaminaqi'.

Hechos 22:14

Rija' xubij k'a chuqa' chuwe: Ri Dios ri kichin ri qati't-qamama' xarucha' richin nawetamaj ri rurayibel rija' y richin chuqa' xatz'et ri ajaw Jesucristo ri kan choj, y richin xawak'axaj ri ruch'abel.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

Romanos 1:13

Wach'alal, yin ninwajo' k'a chi rix niwetamaj ta chi yin k'iy k'a bey nuch'obon chi yibe ta chila' iwik'in, jak'a man in tikirineq ta in beneq. Kan nurayibel k'a yench'ek ch'aqa' chik chi'ikojol rix richin yekolotej, kan achi'el nubanon kik'in e k'iy winaqi' ri xa man e judío ta.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

Romanos 9:21

Ri banoy bojo'y nuben ri nrajo' rija' rik'in ri juk'olaj ch'abeq.*f23* Roma rik'in re ch'abeq re' nitikir ta nuben jun bojo'y ri nim rejqalen y jun ri man nim ta rejqalen.

1 Corintios 10:11

Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

Gálatas 1:15

Xa kan k'a man jani kinalex,*f1* ja yan ri' xirucha' ri Dios, y rik'in ri rutzil xiroyoj.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

Colosenses 1:23

Jak'a nik'atzin chi kan kow yixk'oje' chupan ri ikuqubabel-k'u'x rik'in ri Dios y man jun bey tich'ob richin niya' kan ri oyobenri'il ri k'o iwik'in rix roma xiwak'axaj ri utzilej ch'abel richin kolotajik, ri talutajineq chuwech chijun ruwach'ulew, ri yin chuqa' in oyon richin ninch'abalij.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

1 Timoteo 2:7

Y yin xirucha' ri Dios richin xinok jun taqon roma ri Cristo y richin xinchop rutzijoxik ri qitzij ruch'abel rija' chike ri winaqi' ri man e judío ta y richin chi yentijoj chire ri kuqubabel-k'u'x rik'in ri Cristo. Ri ninbij kan qitzij, y man nintz'uk ta.

2 Timoteo 1:11

Ri Dios xirucha' yin richin ninch'abalij re rutzijol re', xinok taqon roma ri Cristo y jun tijonel richin ri utzilej ch'abel ri'.

2 Timoteo 2:2

Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

Tito 1:5

Yin xatinya' kan pa ruwach'ulew Creta, richin nachojmirisaj ri nik'atzin chi nichojmirisex, y richin chi ronojel tinamit ri kan ek'o qach'alal, ye'acha' achi'a' chikikojol, richin ja rije' ri ye'uk'uan kichin.

Hebreos 11:4

Roma ri kuqubabel-k'u'x, ri Abel xusuj jun kamelabel más utz chire ri Dios ke chuwech ri xusuj ri Caín. Roma ri' man jun rumak xk'ulun chuwech ri Dios y kan xuk'awomaj ri rusipanik. Y stape' ri Abel xken yan, roma ri rukuqubabel-k'u'x ri xk'oje', k'a nich'on na wakami.

Santiago 3:18

Ri winaqi' yetikir k'a yek'ase' choj toq k'o uxlanibel-k'u'x. Y ri nikitej kiq'ij chi nik'oje' uxlanibel-k'u'x xtikitz'et k'a chi ri winaqi' kan utz yek'oje'.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

1 Pedro 3:2

toq xtikitz'et chi kan choj ri ik'aslen y yixniman tzij.

1 Juan 4:10

Y rik'in re' xq'alajin ri ajowabel: Chi kan ja ri Dios ri xojajowan-pe nabey, y man ja ta roj. Y roma ri janila rajowabal pa qawi', xuteq k'a pe ri Ruk'ajol richin xken qoma, richin chi nikuyutej ri qamak.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.