San Juan 15:14 - Kaqchiquel Bible

¹⁴ Wi niben ronojel ri ninbij chiwe, rix kan ix wachibil-wi.

Tuilleadh tionndaidhean

Kaqchikel Santo Domingo (Xenacoj)

¹⁴ Y rix, rix wachibꞌil si ndibꞌen ri nibꞌij chiwa.

Kaqchikel Santa Maria de Jesus

¹⁴ Y ixreꞌ can ix nu-amigos, xa ntiꞌan nojiel ri niꞌej inreꞌ chiva.

Kaqchikel Central Guatemala

¹⁴ Y rix can ix nu-amigos, vi niben ronojel ri ninbij chive chi tibana'.

Re C'ac'a Testamento pa Kach'abal

¹⁴ Y yex can yix nu-amigos, vo xa niban ronojel re nimbij chiva che tibana'.

Kaqchikel Western Solola

¹⁴ Y riyix can yix nu'amigos, wi niben ronojel ri nbij chiwe ri c'o chi niben.

San Juan 15:14 Iomraidhean Croise

1 Rey 4:5

Ri Azarías y ri Zabud ri e ruk'ajol ri Natán xek'oje' chuqa' chupan ri q'atbel-tzij richin ri Salomón. Ri Azarías xok aj-raqen kichin ri q'atoy taq tzij y ri Zabud ja rija' ri xk'oje' más naqaj chire ri rey, y xok rupixabanel.

2 Rey 18:6

roma rija' kan xutzeqelibej ri Jehová, y kan man xuch'er ta kan ri' rik'in. Xa kan xutaqej ronojel ri pixa' ri xuya' ri Jehová chire ri Moisés.

2 Crón 20:7

Dios qichin roj, rat xatelesan-el kichin ri winaqi' ri xek'oje' chuwech re ruwach'ulew re' richin xaya' kan jantape' chire ri Abraham, ri junan awech rik'in y kan awachibil, y chuqa' xaya' chiqe roj ri oj rijatzul kan rija'.

Ex 7:6

Ri Moisés y ri Aarón kan xkiben k'a ronojel ri xubij ri Jehová chike.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin ri Isaías 41:8

Jak'a rix israelita ix nusamajela' yin. Rix ix rijatzul kan ri Jacob ri kan xincha'. Rix ix rijatzul kan ri Abraham ri xok wachibil.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.

Ez 12:7

Yin kan xinben k'a ronojel ri xubij ri Jehová chuwe. Ja ri tiqaq'ij xinben-qa ri rutzil ri xtink'uaj-el, kan achi'el nuben jun wineq ri nuk'uex-el k'a juk'an chik. Y ri chi'aq'a' xinteq'uj ri tz'aq akuchi yinel-wi-el y xink'uaj-el chuwi-nutele'n ri nik'atzin chuwe. Y xinben ronojel re' chikiwech konojel ri nuwinaq.

San Mateo 12:50

Roma kan konojel k'a ri yebanon ri rurayibel ri nata' ri k'o chila' chikaj, jari' ri nte', wana' y ri wach'alal, xcha' ri Jesús.

San Lucas 12:4

Wachibil yin: Man tixibij-iwi' chikiwech ri xaxe ok ri ch'akulaj ri yetikir nikikamisaj, roma chirij ri' man jun chik yetikir nikiben.

San Juan 13:17

Rix kan xiwetamaj k'a kan ronojel re'. Y kan jebel k'a ruwa-iq'ij wi keri' xtiben.

San Juan 14:15

Wi rix yiniwajo', kan ninimaj ri pixa' ri yenbij chiwe.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

San Juan 14:28

Xa kan iwak'axan wik'in chi nubin chi yin kan xkibe-wi, jak'a yipe chik iwik'in. Y wi rix yalan ta yiniwajo', nikikot ta ri iwánima, roma yin kan rik'in k'a ri nata' yitzolin-wi-el, roma rija' kan más wi k'a ruq'ij ke chinuwech yin.

San Juan 2:5

Ri María xubij k'a chike jujun aj-ik'a' ri ek'o chiri': Wi ri Jesús k'o ri xtubij chiwe, kan tibana' k'a apo, xcha'.

Santiago 2:23

Y rik'in ri' chuqa' xbanatej ri nubij chupan ri ruch'abel ri Dios ri tz'ibatel kan, chi ri Abraham kan xukuquba' ruk'u'x rik'in ri Dios; y roma ri' ri Dios xuben chire chi man jun rumak xk'ulun chuwech. Y chuqa' xbix chire chi junan kiwech rik'in ri Dios.

1 Juan 5:3

Y wi kan niqajo' ri Dios, k'o chi niqataqej ri nubij chiqe. Re' xa man k'ayew ta richin niqaben.

Wuj Richin ri Rut 3:6

Y ri Rut xbe k'a y kan xuben k'a ronojel ri rubin-el ri ralite' chire.