San Juan 15:11 - Kaqchiquel Bible

¹¹ Ronojel k'a ri nubin chik chiwe kan richin chi ri kikoten ri k'o wik'in yin, keri' chuqa' xtik'oje' iwik'in rix, y richin chuqa' chi nitz'aqet ri kikoten pa taq iwánima.

Tuilleadh tionndaidhean

Kaqchikel Santo Domingo (Xenacoj)

¹¹ Nojel re nubꞌiꞌin chiwa, chin ngixkikot achel ngikikot riyin, y keriꞌ tzꞌaqet ngixkikot.

Kaqchikel Santa Maria de Jesus

¹¹ Y nojiel ri nuꞌeꞌn chic chiva, richin cꞌa chi nquixquicuot, can incheꞌl nquiquicuot inreꞌ, y chi quireꞌ siempre nquixquicuot.

Kaqchikel Central Guatemala

¹¹ Y ronojel c'a ri nubin chic chive, can richin c'a chi tic'oje' quicoten ri pa tak ivánima, can achi'el ri quicoten ri c'o viq'uin yin. Y can tz'aket ta c'a chuka' ri quicoten xtic'oje' pan ivánima.

Re C'ac'a Testamento pa Kach'abal

¹¹ Y ronojel re nbin chic chiva, can chin che yixqui'cot pa tak ivánma, can ancha'l yinqui'cot yen pa vánma. Y re ivánma camas-ta xtiqui'cot.

Kaqchikel Western Solola

¹¹ Y ronojel c'a ri nbin chic chiwe, can riche (rixin) c'a chi tiquicot ri iwánima, can achi'el ri quicoten ri c'o wuq'ui riyin. Y can tz'aket ta c'a chuka' ri quicoten xtic'oje' pa tak iwánima.

San Juan 15:11 Iomraidhean Croise

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

San Lucas 15:23

Tibek'ama' k'a pe chuqa' ri ti wákix tiojirisan, y tikamisaj-qa. Tiqabana' k'a jun nimaq'ij y qojwa'.

San Lucas 15:32

Jak'a re achaq' re' kan kamineq chik chinuwech yin, y wakami achi'el k'astajineq chik pe chinuwech. Rusachon k'a el ri', y wakami xoqaqa chik qik'in. Roma ri' k'o k'a chi k'o nimaq'ij y kikoten pa taq qánima, xcha' ri tata'aj ri', xcha' ri Jesús.

San Lucas 15:5

Toq niberila-pe ri karne'l, kan rik'in k'a kikoten nuya-pe chuwi-rutele'n, y nitzolin.

San Lucas 15:9

Toq nril, yeroyoj ri e rachibil y ri e rachk'uljay y nubij k'a chike: Kixkikot k'a wik'in, roma ri méro sachineq, xinwil yan, nicha' ri ixoq.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

San Juan 17:13

Yin kan ja yan k'a re' yitzolin awik'in, jak'a k'a yik'oje' na el juba' chuwech re ruwach'ulew, ninbij ronojel re' richin chi ri yinkitzeqelibej yin, tz'aqet ta ri kikoten ri nik'oje' kan pa taq kánima, achi'el ri kikoten ri k'o wik'in yin.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

Romanos 15:13

Ri Dios nuben k'a chiwe chi jantape' kuqul-apo ik'u'x rik'in. Y ri nurayibel yin chiwe rix, chi rija' nunojisaj ta ri iwánima rik'in ronojel kikoten y uxlanen roma ri kuqubabel-ik'u'x. Richin keri' xkixruto' ta rik'in ri ruchuq'a' ri Loq'olej Espíritu, richin chi kan kuqul ik'u'x niwoyobej ri rutzil ri Dios.

2 Corintios 1:24

Rix man k'a tich'ob chi yin y ri e wachibil jari' ri ojk'o pan iwi' richin niqabij chiwe ri achike ruk'amon chi ninimaj. Pa ruk'exel ri' rix kan kuqul chik ik'u'x rik'in ri Cristo. Roj xaxe k'a yixqato', richin chi k'o ta más kikoten pa taq iwánima.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Filipenses 1:25

Y roma ri' wetaman chi k'a man jani xkinel-el chuwech re ruwach'ulew. Xa kan k'a xkik'oje' k'a iwik'in, richin yixk'iy y yixkikot chi'iwonojel ri ikuquban ik'u'x rik'in ri Cristo.

1 Tesalonicenses 5:16

Jantape' tikikot ri iwánima.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

1 Juan 1:4

Ronojel k'a re' niqatz'ibaj-el chiwe richin chi nitz'aqet ri qakikoten.

2 Juan 1:12

K'o k'iy ri ninwajo' ninbij chiwe. Jak'a man ninwajo' ta chi xa chupan re wuj re' nintz'ibaj-wi-el. Kan ninrayij chi yinapon na iwik'in richin k'ari' ninbij chiwe, richin keri' kan xqojkikot.