San Juan 14:21 - Kaqchiquel Bible

²¹ Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

Tuilleadh tionndaidhean

Kaqchikel Santo Domingo (Xenacoj)

²¹ Ri wineq ri kꞌo ri nu-mandamientos pa ránima y ndubꞌen ri ndikibꞌij ri mandamientos riꞌ, kin ngirajoꞌ, y ri ngirajoꞌ, ndojowex roma ri Nataꞌ. Y riyin chuqaꞌ niwojoꞌ y niqꞌalajrisaj wiꞌ chuwech.

Kaqchikel Santa Maria de Jesus

²¹ Ri cꞌo ri nuchꞌabꞌal pa ránima y ncaꞌruꞌon nojiel ri mandamientos ri ncaꞌnꞌej, can nquirajoꞌ. Y ri nquirajoꞌ inreꞌ, can xtajoꞌx ruma ri Nataꞌ, y inreꞌ jeꞌ can xtinvajoꞌ y xtincꞌut-viꞌ choch, xchaꞌ ri Jesús.

Kaqchikel Central Guatemala

²¹ Ri can c'o ri nuch'abel pa ránima y can yerutakej ronojel ri pixa' ri yenbij, can yirajo-vi. Y ri can najovan vichin yin, can xtajovex c'a roma ri Nata', y yin chuka' can xtinvajo' y xtink'alajirisaj-vi' chuvech, xcha' ri Jesús.

Re C'ac'a Testamento pa Kach'abal

²¹ Re c'o re nuch'abal pa ránma y can nuban re nubij ronojel re nu-mandamientos, can yinrajo-va. Y re nijovan vichin yen, can xtijovax roma re Nata', y yen chuka' can xtinjo' y xtinc'ut-vi' chach, xcha' re Jesús.

Kaqchikel Western Solola

²¹ Ri can c'o ri nuch'abel pa ránima y can yeruben wi ronojel ri pixa' ri yenbij, can yirajo' wi c'a ri'. Y ri can yirajo' riyin, can xtajowex c'a ruma ri Nata', y riyin chuka' can xtinwajo' y xtink'alajsaj wi' chuwech, xcha' ri Jesús.

San Juan 14:21 Iomraidhean Croise

2 Rey 18:6

roma rija' kan xutzeqelibej ri Jehová, y kan man xuch'er ta kan ri' rik'in. Xa kan xutaqej ronojel ri pixa' ri xuya' ri Jehová chire ri Moisés.

Wuj Richin Bix Chire ri Dios 35:27

Jak'a ri nikajo' chi yin yich'akon ta, kan kebixan y kekikot; tikibij chi rat Jehová ruk'amon ninimirisex aq'ij, roma nawajo' chi ri asamajela' nik'oje' uxlanen kik'in.

Ex 33:18

Xeri' ri Moisés xuk'utuj k'a chire ri Dios: Wakami k'a taya' q'ij chuwe richin chi yitikir ta nintz'et ri ak'ojlemal, xcha' ri Moisés.

Wuj Richin Etamabel-Tzij 8:17

Yin yenwajo' ri ye'ajowan wichin; y ri kan nikicha' kik'u'x richin yinkikanoj, kan chi'anin yinbekila-pe.

Wuj Richin ri Jeremías 31:31

Yin Jehová ninbij chi kan xtapon k'a jun q'ij chi xtinbenbana' k'a jun k'ak'a' jikibel-tzij kik'in konojel ri winaqi' israelita y ri aj-Judá.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

San Juan 14:15

Wi rix yiniwajo', kan ninimaj ri pixa' ri yenbij chiwe.

San Juan 14:18

Yin man xkixinmalij ta kan stape' xkibe, roma xa kan xkipe chik iwik'in.

San Juan 15:14

Wi niben ronojel ri ninbij chiwe, rix kan ix wachibil-wi.

San Juan 16:14

Rija' kan xtuya' k'a nuq'ij-nuk'ojlen yin roma nuk'ul ri nutzijol yin y k'ari' xtuq'alajirisaj chiwech.

San Juan 16:27

Ri nata' nuya' chuqa' chiwe ri nik'utuj, roma yixrajo'. Rija' yixrajo', roma rix yiniwajo' yin y ninimaj chi yin rik'in rija' in peteneq-wi.

San Juan 17:23

Yin kan xintun-wi' kik'in rije', y rat kan atunun-awi' wik'in yin, richin keri' rije' kan jun ta k'a xtikiben. Y koma rije' xtetamex ta k'a koma ri winaqi' ri k'a kikuquban na kik'u'x rik'in re ruwach'ulew, chi yin ja rat, nata' Dios, ri xataqo-pe wichin.

Hechos 22:18

chupan ri achik' ri' ri qajaw Jesucristo xuk'ut-ri' chinuwech, y xubij k'a chuwe: Anineq katel-el wawe' pa Jerusalem, roma ri winaqi' ri ek'o wawe' man xtikinimaj ta ri xtaq'alajirisaj chuwij yin, xcha' chuwe.

2 Corintios 12:8

Y yin oxi' yan k'a bey nuk'utun utzil chire ri ajaw chi trelesaj-el ri nibanon chuwe chi nintej poqon.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Deut 11:13

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen,

Deut 7:13

Kan xkixrajo' y kan xtuya' urtisanik pan iwi' y kan xkixruwinaqirisaj y chuqa' kan xtuya' ruq'a' pa kiwi' ri iwalk'ual y pa ruwi' ri jalajoj ruwech ixin, ri vino, ri aceite, pa kiwi' ri kal ri wákix y ri karne'l, ri xkek'oje' iwik'in chiri' chupan ri ruwach'ulew ri sujun kan chike ri qati't-qamama'.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,

2 Timoteo 4:22

Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.

1 Juan 2:5

Jak'a wi niqataqej ri nubij ri Dios, kan qitzij chi kan niqajo-wi rija'. Y rik'in ri' qetaman chi jun qabanon rik'in.

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.

1 Juan 5:3

Y wi kan niqajo' ri Dios, k'o chi niqataqej ri nubij chiqe. Re' xa man k'ayew ta richin niqaben.

2 Juan 1:6

Wi niqajowala-qi', qetaman chi ja ri yerubij ri Dios ri yeqaben. Y rix iwetaman chi keri' nubij, roma xiwak'axaj yan pe toq xikuquba' ik'u'x rik'in ri Dios.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.