San Juan 13:5 - Kaqchiquel Bible

⁵ K'ari' xuya-qa ya' chupan jun k'ojelibel y xuchop ruch'ajik ri kaqen chikijujunal ri rutijoxela', y nusula' k'a ri kaqen rik'in ri toalla ri'.

Tuilleadh tionndaidhean

Kaqchikel Santo Domingo (Xenacoj)

⁵ Y xuyaꞌ qa yaꞌ chupan jun bꞌambꞌel y xutzꞌen ruchꞌajik kaqen ri ru-discípulos, y xerusulaꞌ rikꞌin ri toalla ruximon chirupan.

Kaqchikel Santa Maria de Jesus

⁵ Y xuyaꞌ jeꞌ yaꞌ chupan jun vacal y xutzꞌom ruchꞌajic ri cakan ri ru-discípulos, y nusuꞌ ri cakan cha ri tualla ri ruximuon chupan.

Kaqchikel Central Guatemala

⁵ C'ari' xuya' chuka' ya' chupan jun palangana y xuchop ruch'ajic ri caken chiquijujunal ri rutijoxela', y nusula' c'a ri caken riq'uin ri toalla ri ruximon xe-rupan.

Re C'ac'a Testamento pa Kach'abal

⁵ C'are' xuya' chuka' ya' chupan jun palangana y che ja'jun che ja'jun yoj re yoj ru-discípulos xutz'am ruch'ajic kakan, y nusula' re kakan riq'uin re toalla re ruximon xe-rupan.

Kaqchikel Western Solola

⁵ C'ac'ari' xuya' chuka' ya' chupan jun palangana y xuchop ruch'ajic ri caken chiquijujunal ri rudiscípulos y nusula' c'a ri caken riq'ui ri toalla ri ruximon xerupan.

San Juan 13:5 Iomraidhean Croise

Wuj Richin ri Rutikeribel 18:4

wi rix niwajo' yin ninteq ruk'amik ya' richin nich'ej ri iwaqen y yixuxlan na el juba' chuxe' re jun che' re'.

Wuj Richin ri Rutikeribel 19:2

Y rija' xubij chike: Wakami k'a nink'utuj utzil chiwe richin yixbe chuwij pa wachoch richin yixuxlan y nich'ej iwaqen. Y chiri' niq'axaj-wi ri aq'a' y chua'q nimaq'a' xtichop chik k'a el ri ibey, xcha' chike. Y rije' xkibij: Ni, pa bey yojk'oje-wi kan re junaq'a' re', xecha'.

Wuj Richin ri Rutikeribel 43:24

K'ari' ri samajel xerukusaj-apo pa rachoch ri José y xuya' kiya' ch'ajbel kaqen y kiway ri kibur.

2 Rey 3:11

Jak'a ri Josafat xubij: ¿Maneq kami wawe' jun q'alajirisey ruch'abel ri Jehová, richin niqak'ulubej, y ja rija' ri xtiq'axan ri qatzij?, xcha'. Y jun k'a chike ri aj-raqen rik'in ri Joram xubij chi chiri' k'o ri Eliseo, ruk'ajol ri Savat, ri xto'on richin ri Elías.

Wuj Richin Bix Chire ri Dios 51:2

Kinach'ajch'ojirisaj chire ri itzel nubanobal. Kan kinajosq'ij chire ri numak.

Ex 29:4

Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Wuj Richin ri Isaías 1:16

Tijosq'ij-iwi', tich'ajch'ojirisaj k'a iwi'. Man chik tiben ri itzel taq banobel chinuwech yin, y kan tiya' kan ronojel ruwech etzelal.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Wuj Richin ri Chojmirisabelri'il 14:8

Ri wineq ri nuch'ajch'ojirisaj-ri' k'o chi nuch'ej rutziaq, natin y xtujos-el ronojel ri rusumal, y k'ari' nich'ajch'ojir. Y k'ari' utz napon chik akuchi k'o-wi-qa ri tinamit, stape' man nok ta pa rachoch wuqu' q'ij.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

San Lucas 7:38

Re ixoq re' xapon k'a rik'in ri Jesús, y xpa'e' k'a qa chiraqen; janila k'a noq' y xulukuba-qa-ri' chiri'. Y ri ruya'al taq runaq'-ruwech re ixoq re' yeqaqa-qa chirij raqen ri Jesús. K'ari' xerusu' ri raqen rik'in ri rusumal taq ruwi', yerutz'ubala' y xuya' ri jubulej aq'om chirij.

San Lucas 7:44

Ri Jesús rutzuliben ri ixoq toq xubij chire ri Simón: ¿Natz'et re ixoq re'? Yin toq xinok-pe re wawe' pan awachoch, man xaya' ta nuya' ch'ajibel-waqen. Jak'a re ixoq re' xeruch'ej re waqen rik'in ri ruya'al taq runaq'-ruwech, y xeruchaqirisaj rik'in ri rusumal taq ruwi'.

San Juan 13:10

Jak'a ri Jesús xubij chire: Ri atiwineq chik, xaxe k'a ri raqen ri ruk'amon chi nuch'ej roma ri poqolaj. Jak'a chi'iwonojel rix kan ix ch'ajch'oj chik, stape' k'a k'o jun ri man ch'ajch'oj ta, xcha'.

San Juan 13:6

Jak'a toq xapon rik'in ri Simón Pedro richin nuch'ej ri raqen, ri Pedro xubij chire ri Jesús: Wajaw, ¿kan nach'ej chuqa' waqen yin?, xcha'.

San Juan 13:8

Jak'a ri Pedro xubij: Man xtinya' ta q'ij chi xtach'ej re waqen, xcha'. K'ari' ri Jesús xubij: Wi man ninch'ej ta ri awaqen, man at nutijoxel ta chik, xcha'.

San Juan 19:34

Man rik'in ri' jun chike rije' xuju' ri rutza'n ri rukum pa ruk'alk'a'x ri Jesús, y kan jari' k'a toq xbe'el-pe kik' y ya'.

Hechos 22:16

¿Utz kami abanon chi kela' atk'o-qa y ri q'ij junanin beneq? Kabiyin k'a richin niqasex ya' pan awi', y tanimaj rubi' ri ajaw Jesús, richin nikuyutej ri amak, xcha' chuwe.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

1 Juan 5:6

Toq ri Jesucristo xpe wawe' chuwech re ruwach'ulew, xqasex ya' pa ruwi', y chuqa' xbiyin rukik'el toq xken chuwech ri cruz. Man xaxe ta xqasex ya' pa ruwi', xa kan xbiyin k'a chuqa' ri rukik'el. Y re' ja ri Loq'olej Espíritu ri niq'alajirisan ri qitzij, roma kan xaxe ri qitzij ri nubij.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.

Wuj Kichin ri To'onela' 19:21

Y xeruk'uaj k'a pa rachoch, y xuya' kiway ri bur. Y rije' xkich'ej ri kaqen, k'ari' xewa-xe'uk'ya'.

1 Sam 25:41

K'ari' rija' xulukuba-qa-ri' k'a pan ulew y xubij: Jare' ink'o yin ri in rusamajel ri David, richin ninch'ej kaqen ri rusamajela' rija', wi keri' nrajo', xcha' ri Abigail.