San Juan 12:6 - Kaqchiquel Bible

⁶ Toq rija' keri' xubij, man roma ta k'a chi kan janila yerajo' ri winaqi' ri man jun k'o kik'in. Xa kan roma k'a eleq'om y chi ja rija' ri yakol-méro kichin ri tijoxela' y k'o k'a nrelesala-el.

Tuilleadh tionndaidhean

Kaqchikel Santo Domingo (Xenacoj)

⁶ Ri Judas xubꞌij keriꞌ, ma roma ta qetzij ndupoqonaj kiwech ri wineq ri maneq ok kichajin. Rijaꞌ keriꞌ xubꞌij xa roma kin eleqꞌon wi y pa ruqꞌaꞌ rijaꞌ jachon ri méra ndikikusaj ri Jesús y ri discípulos y xa kin kꞌo ndireleqꞌaj e rikꞌin ri méra riꞌ.

Kaqchikel Santa Maria de Jesus

⁶ Jajaꞌ xuꞌej quireꞌ, pero man ruma ta altíra ncaꞌrajoꞌ ri i-puobra. Jajaꞌ quireꞌ xuꞌej ruma jajaꞌ niyaco ri miera y cꞌo ri nalakꞌaj-el. Jajaꞌ xa alakꞌuon.

Kaqchikel Central Guatemala

⁶ Tok rija' xubij queri', man roma ta c'a chi can janíla ta yerajo' ri vinek ri man jun c'o quiq'uin, y nrajo' ta yeruto', man que ta ri'. Xa roma c'a chi ja rija' ri yacol-mero y c'o c'a nrelesala-el, xa romari'. Rija' xa can nelek' c'a.

Re C'ac'a Testamento pa Kach'abal

⁶ Tak reja' xubij quire', man roma-ta che camas ye'rajo' re vinak camas je meba', y nrajo-ta ye'ruto', man quire-ta. Xa roma ja reja' re niyaco re mero y c'o mero nulek'aj, xa mare' tak quire' xubij. Reja' can jun elek'om.

Kaqchikel Western Solola

⁶ Tek riya' xubij queri', ma ruma ta c'a chi yerajo' ri pobres, y nrajo' ta yeruto', ma que ta ri'. Xa ruma c'a chi ya riya' ri yacol puek y c'o c'a nrelek'aj el, ruma chi riya' can alek'om wi.

San Juan 12:6 Iomraidhean Croise

Wuj Richin Bix Chire ri Dios 14:1

Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Wuj Richin Etamabel-Tzij 29:7

Ri wineq ri kan utz runa'oj, kan k'o rayibel rik'in chi yeruto' ri winaqi' ri man jun ok k'o kik'in; jak'a ri wineq ri xa itzel, man retaman ta wi ri winaqi' k'o nik'atzin chike.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

San Mateo 21:13

Jari' toq ri Jesús xubij k'a chike ri winaqi' ri': Chupan ri ruch'abel ri Dios ri tz'ibatel kan,*f30* nubij chi ri wachoch kan xtubini'aj: Jay richin molojri'il. Jak'a rix xa achi'el kijul eleq'oma' ibanon chire, xcha' chike.

San Lucas 8:3

Chuqa' beneq ri jun ixoq ri rubini'an Juana, rixjayil ri jun achin rubini'an Cuza. Y re achin re' jun rusamajel ri Herodes Antipas. Chuqa' beneq ri jun ixoq rubini'an Susana. Ek'o chuqa' ch'aqa' chik ixoqi' ri e beneq ri kan yekito' ri Jesús y ri rutijoxela'.

San Juan 10:13

Ri samajel ri' xa roma mero nisamej man jun k'a chire rija' wi k'o nikik'uluwachij ri karne'l.

San Juan 12:5

Re jubulej aq'om re' rajel jun juna' samaj. ¿Achike k'a roma toq man xk'ayix ta, y re méro re' xtalux ta chike ri winaqi' ri man jun k'o kik'in?, xcha'.

San Juan 13:29

Ek'o xech'obo chi xtaq-el roma ri Jesús chuloq'ik ronojel ri nik'atzin chike chupan ri nimaq'ij ri'. Y ek'o chik ch'aqa' xech'obo chi xtaq-el richin k'o tiberuyala' kan chike ri winaqi' ri man jun k'o kik'in, roma rije' kan ketaman-wi chi ja ri Judas ri yakol méro.

1 Corintios 6:10

Keri' chuqa' ri yebanon eleq', ri ye'ajowan chi ronojel kik'in ta rije' k'o-wi, ri yeq'aber, ri yeyoq'on, y ri yekamisan.

Gálatas 2:10

Xaxe k'a xkichilabej-pe chiqe chi kan ke'oqaqa chiqak'u'x ri man jun k'o kik'in ri ek'o pa Jerusalem. Y jari' ri nintej nuq'ij ninben.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

Santiago 2:2

¿Achike ta kami niben rix wi toq imolon-iwi' napon ta iwik'in jun achin beyom ri rukusan-el jun rulipq'a' banon rik'in q'anapueq, y chuqa' e rukusalon ta el jebelej taq tzieq. Y keri' chuqa' nok ta apo jun achin ri kan niq'alajin chi man jun ok k'o rik'in y e rijilej taq tzieq chik ri rutziaq?

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?