San Juan 12:5 - Kaqchiquel Bible

⁵ Re jubulej aq'om re' rajel jun juna' samaj. ¿Achike k'a roma toq man xk'ayix ta, y re méro re' xtalux ta chike ri winaqi' ri man jun k'o kik'in?, xcha'.

Tuilleadh tionndaidhean

Kaqchikel Santo Domingo (Xenacoj)

⁵ ¿Achike roma ma xkꞌayix ta re jubꞌulej aqꞌon reꞌ? Porque xa ta xkꞌayix, xyoꞌox ta rajel 300 qꞌij rusamaj jun achi chuwech, y ri méra riꞌ, xjach ta chake ri wineq maneq ok kichajin.

Kaqchikel Santa Maria de Jesus

⁵ ¿Karruma man xcꞌayix ta ri jubꞌul akꞌuon reꞌ? Xa ta xcꞌayix, xyoꞌx ta trescientos denarios; y ri rajal xjach ta chica ri i-puobra, xchaꞌ.

Kaqchikel Central Guatemala

⁵ ¿Achique roma tok xa man xc'ayix ta re jubulej ak'on re'? Re ak'on re' xa xbe ta chi oxi' ciento quetzales, y re mero re' xtalux ta chique ri vinek ri man jun c'o quiq'uin, xcha'.

Re C'ac'a Testamento pa Kach'abal

⁵ ¿Anchique roma tak man xc'ayex-ta re ak'om? Re ak'om re' xa xba-ta che oxe' ciento denarios, y re mero xjach-ta chiquivach re vinak re camas je meba', xcha'.

Kaqchikel Western Solola

⁵ ¿Achique c'a ruma tek xa ma xc'ayix ta re jubulaj ak'om re'? Re ak'om re' xa xbe ta chi oxi' ciento denarios, y ri puek ri' xya'ox (xya') ta chique ri pobres, xcha'.

San Juan 12:5 Iomraidhean Croise

Wuj Richin ri Esdras 4:14

Y roma kan yojsamej awik'in, kan man ruk'amon ta k'a chi choj yeqatzu' ri nikiben. Y roma ri' niqateq-el rubixik chawe,

Ex 5:17

Jak'a ri rey xubij: Rix ix q'ori', ja', kan janila ix q'ori'. Roma ri' nibila' chi nibesuju' kamelabel chire ri Jehová.

Ex 5:8

Y man tiqasaj ri rajlabal ri xan. Xa tikibana' achi'el ri kibanon-pe ronojel q'ij. Roma xa yalan kiq'oral, roma ri' yesik'in richin nibekisuju' kamelabel chire ri ki-Dios.

Am 8:5

Rix nibij: ¿Janipe' k'a nik'is richin ninimaq'ijux ri k'ak'a' ik', richin niqak'ayij ri qa-trigo? ¿Janipe' k'a nik'is ri q'ij richin uxlanen, richin niqak'ayij ri jalajoj ruwech ixin? Tiqakusaj pajbel ri man e tz'aqet ta. Tiqajotoba' rajel ronojel. Tiqakusaj etabel ri man e tz'aqet ta.

San Mateo 18:28

Jak'a ri samajel ri', toq xberuk'ulu' k'a pe jun chik samajel, ri ruqajon xaxe ti juba' méro rik'in, stape' xa kan ti juba' ok ruk'as, rija' xa kan xuchop chuqul y xubij chire chi tutojo' ronojel ri ruqajon chire.

San Mateo 20:2

Rija' xeril k'a ri rusamajela', y xubij chike chi yerutoj achi'el ri k'o chi nikich'ek jun q'ij;*f28* k'ari' k'a xeruteq pa rusamaj.

San Lucas 12:33

Tik'ayila' k'a ri k'o iwik'in y tiyala' chike ri winaqi' ri man jun k'o kik'in. Wi keri' niben, xtik'oje' jun iyakonabal chila' chikaj ri man jun bey xtiq'ey, y xtik'oje' chuqa' ibeyomel ri man jun bey xtik'is. Chila' chikaj man jun eleq'om, ni man jun chuqa' jut ri nichikopirisan.

San Lucas 18:22

Toq ri Jesús xrak'axaj re', xubij: K'a k'o jun ri man abanon ta. Tabek'ayij k'a kan ronojel ri k'o awik'in y ri rajel tataluj chikiwech ri winaqi' ri man jun k'o kik'in, richin keri' nik'oje' abeyomel chila' chikaj. K'ari' katanpe richin kinatzeqelibej, xcha' chire.

San Lucas 6:41

Achi'el jun chiwe rix ri k'o ta jun ti q'ayis pa runaq'-ruwech. Y k'o jun ri q'atel jun che' pa runaq'-ruwech. ¿Achike roma ri jun ri q'atel ri che' pa runaq'-ruwech nuk'ut ri ti q'ayis ri k'o pa runaq'-ruwech ri jun chik, y man nrelesaj ta el ri k'o pa runaq'-ruwech rija'?

San Juan 12:4

K'o k'a jun chike ri tijoxela' ri rubini'an Judas Iscariote, ri tijoxel ri xtik'ayin richin ri Jesús. Rija' xubij:

San Juan 12:6

Toq rija' keri' xubij, man roma ta k'a chi kan janila yerajo' ri winaqi' ri man jun k'o kik'in. Xa kan roma k'a eleq'om y chi ja rija' ri yakol-méro kichin ri tijoxela' y k'o k'a nrelesala-el.

San Juan 13:29

Ek'o xech'obo chi xtaq-el roma ri Jesús chuloq'ik ronojel ri nik'atzin chike chupan ri nimaq'ij ri'. Y ek'o chik ch'aqa' xech'obo chi xtaq-el richin k'o tiberuyala' kan chike ri winaqi' ri man jun k'o kik'in, roma rije' kan ketaman-wi chi ja ri Judas ri yakol méro.

San Juan 6:7

K'ari' ri Felipe xubij chire ri Jesús: K'o chi yojsamej waqxaqi' ik' richin yojtikir yeqatzuq re winaqi' re', stape' xa juba' ta ok ri niqaya' chike, xcha'.