San Juan 1:4 - Kaqchiquel Bible

⁴ Rik'in k'a rija' k'o-wi ri k'aslen. Y re k'aslen re', jare' ri nisaqirisan ri kik'aslen ri winaqi'.

Tuilleadh tionndaidhean

Kaqchikel Santo Domingo (Xenacoj)

⁴ Rikꞌin rijaꞌ kꞌo wi ri kꞌaslen y ri kꞌaslen riꞌ, jariꞌ ri ndiyikꞌan kikꞌaslen ri wineq.

Kaqchikel Santa Maria de Jesus

⁴ Riqꞌuin jajaꞌ cꞌo-ve ri cꞌaslien. Y ri cꞌaslien reꞌ, jareꞌ ri Sakil quichin ri vinak.

Kaqchikel Central Guatemala

⁴ Riq'uin c'a rija' c'o-vi ri c'aslen. Y re c'aslen re', jac'are' ri nisakirisan quichin ri vinek.

Re C'ac'a Testamento pa Kach'abal

⁴ Riq'uin reja' c'o-va re c'aslen. Y re c'aslen re', jare' re sakil quichin re vinak.

Kaqchikel Western Solola

⁴ Riq'ui c'a Riya' c'o wi ri c'aslen. Y re c'aslen re', yac'are' ri Sakil quiche (quixin) ri winek.

San Juan 1:4 Iomraidhean Croise

Wuj Richin Bix Chire ri Dios 49:6

Ri kikuquban kik'u'x rik'in ri kibeyomel, y ri kan nikinimirisaj-ki' rik'in ronojel ri k'o kik'in,

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 4:16

Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.

San Juan 11:25

Jak'a ri Jesús xubij: Ja yin ri yiya'on kik'aslen ri kaminaqi'. Roma ri' ri nukuquba' ruk'u'x wik'in, stape' kamineq chik, kan xtik'oje' ruk'aslen.

San Juan 12:35

Jari' k'a toq ri Jesús xubij chike: Yin ri in k'amayon-pe ri saqil xa ti juba' ok xkik'oje' iwik'in. Kan chupan k'a ri saqil ri' kixbiyin-wi, roma k'a k'o na richin chi ri q'equ'm man yixruq'i' ta y man iwetaman ta akuchi nibe-wi.

San Juan 12:46

Roma yin ri saqil, xipe chuwech re ruwach'ulew richin chi achike k'a ri xtukuquba' ruk'u'x wik'in, man xtik'oje' ta kan chupan jun q'equ'm k'aslen.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 3:19

Kan konojel wi k'a ri man nikikuquba' ta kik'u'x rik'in, k'o chik ri ruk'ayewal pa kiwi', roma ri saqil kan xoqaqa-wi chuwech re ruwach'ulew, jak'a rije' xa más xkajo' ri q'equ'm chuwech ri saqil, y re' roma rije' kan xaxe-wi k'a ri itzel taq banobel ri yekibanala'.

San Juan 5:21

Kan achi'el k'a nuben ri nata' Dios toq nuya' kik'aslen ri kaminaqi' ri yeruyek-pe, kan keri' chuqa' ninben yin. Yin kan ninya' k'a chuqa' kik'aslen ri yenwajo'.

San Juan 5:26

Roma ri Dios ruya'on q'ij chuwe richin chi ninya' k'aslen, achi'el nuben rija'.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

San Juan 9:5

Re q'ij re k'a ink'o na chuwech re ruwach'ulew, ja yin ri yisaqirisan kik'aslen konojel winaqi', xcha'.

Hechos 26:23

Ja rije' ri e biyon kan chi ri Cristo xtuk'owisaj na tijoj-poqonal y xtikamisex. Jak'a rija' ri xtik'astej-el nabey chike konojel ri e kaminaqi' chik el. Roma ri' rija' kan xtuya-wi k'a saqil chiqe qonojel roj judío y ri man e judío ta, xcha'.

1 Corintios 15:45

Keri' niq'alajin chupan ri ruch'abel ri Dios,*f17* chi ri nabey Adán xban y xuk'ul ruk'aslen. Jak'a ri Cristo, ri jun chik Adán, kan aj-chikajil-wi, y kan nuya' k'aslen.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

Colosenses 3:4

Xaxe ri Cristo niya'on ri ik'aslen, y toq xtipe chik jun bey, jari' xkixq'alajin rik'in, y junan xkixbek'oje' rik'in rija' ri chila' chikaj rik'in ruq'ij-ruk'ojlen.

1 Juan 1:1

Wach'alal, k'o k'a ka'i' oxi' ch'abel ri niqajo' niqatzijoj chiwe pa ruwi' ri ch'abel ri jari' ri k'aslen. Re' kan k'o-pe toq man jani k'o ta re ruwach'ulew. Jak'a roj kan xqak'axaj, xqatz'et rik'in ri runaq' taq qawech y kan xqachop rik'in ri qaq'a'.

1 Juan 1:2

Re k'aslen re' xok'ulun-qa chiqakojol y xqatz'et. Roma ri' niqatzijoj chiwe chi kan k'o-wi-pe rik'in ri Qatata' Dios, y k'ari' xok'ulun qik'in.

1 Juan 5:11

Y jare' ri nubij ri Dios, chi nuya' chiqe ri k'aslen ri man k'isel ta, y rik'in ri Ruk'ajol niqak'ul-wi re k'aslen re'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.