San Juan 1:38 - Kaqchiquel Bible

³⁸ Toq ri Jesús xtzu'un kan chirij y xerutz'et, rija' xuk'utuj k'a chike: ¿Achike nikanoj?, xcha'. Y rije' xkibij: Roj niqajo' niqetamaj akuchi k'o-wi ri awachoch, rat Rabí, xecha'. Rabí xecha' k'a chire roma ri judío keri' nikibij chire jun tijonel.

Tuilleadh tionndaidhean

Kaqchikel Santo Domingo (Xenacoj)

³⁸ Ri Jesús xuyaꞌ vuelta, y atoq xerutzꞌet chi ri kaꞌiꞌ ru-discípulos ri Juan koqan e, kereꞌ xukꞌutuj razón chake: ¿Achike ndiwojoꞌ? Y rejeꞌ xkibꞌij: ¿Rabí, apeꞌ ngatuxlan? xechajeꞌ. Rejeꞌ rabí xkibꞌij chare porque keriꞌ ndikibꞌij ri israelitas chare jun tijonel.

Kaqchikel Santa Maria de Jesus

³⁸ Y antok ri Jesús xtzuꞌn can chirij y xutzꞌat chi ri icaꞌyeꞌ ru-discípulos ri Juan i-bꞌanak chirij, jajaꞌ xuꞌej chica: ¿Chica nticanuj? xchaꞌ chica. Y ijejeꞌ xquiꞌej cha ri Jesús: Rabí (ri tzij Rabí nrajoꞌ nuꞌej Maestro), ojreꞌ nakajoꞌ nakatamaj pacheꞌ atcꞌo-ve, xaꞌchaꞌ cha.

Kaqchikel Central Guatemala

³⁸ Y tok ri Jesús xtzu'un can chirij y xerutz'et ri e ca'i' rutijoxela' ri Juan chi e tzeketel-el chirij, rija' xuc'utuj c'a chique: ¿Achique nicanoj? xcha' chique. Y rije' xquibij c'a chire ri Jesús: Roj nikajo' niketamaj acuchi c'o-vi ri avachoch rat Rabí. Rije' Rabí xecha' c'a chire roma ri israelitas queri' niquibij chire jun tijonel.

Re C'ac'a Testamento pa Kach'abal

³⁸ Y tak re Jesús xtzu'un can chij, xe'rutz'at re je ca'e' achi'a' re' che je'tzakatal chij, mare' reja' xuc'utuj chique: ¿Andex nicanoj? Y reje' xquibij cha re Jesús: Yoj nakajo' nakatamaj anche' c'o-va avachoch rat Rabí. Re ch'abal Rabí ndel che tzij Maestro.

Kaqchikel Western Solola

³⁸ Y tek ri Jesús xtzu'un ca chrij y xerutz'et ri ye ca'i' rudiscípulos ri Juan chi ye tzeketel el chrij, Riya' xuc'utuj c'a chique: ¿Achique nicanoj? xcha' chique. Y riye' xquibij c'a chare ri Jesús: Rabí, riyoj nikajo' niketamaj acuchi (achique) c'o wi ri awachoch, xecha' chare. Rabí ntel chi tzij nimalaj tijonel.

San Juan 1:38 Iomraidhean Croise

1 Rey 10:8

Jebel ruwa-kiq'ij ri awinaq ri ek'o awik'in; jebel ruwa-kiq'ij ri asamajela' roma kan q'ij-q'ij nikak'axaj ri awetamabal.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Wuj Richin Etamabel-Tzij 13:20

Ri wineq kan nok k'a aj-na'oj, toq kan ja ri aj-na'oj yerachibilaj; y wi xa yerachibilaj ri xa maneq ok kina'oj, nuq'axaj k'a ruk'ayewal.

Wuj Richin Etamabel-Tzij 3:18

Ri na'oj kan achi'el k'a jun che' ri kan nuya' k'aslen chire ri nikanon richin, y xabachike k'a wineq ri kan nuben richin chire, kan jebel k'a ruwa-ruq'ij.

Wuj Richin Etamabel-Tzij 8:34

Jebel ruwa-ruq'ij ri wineq ri kan yirak'axaj; ri kan q'ij-q'ij k'o-apo chuchi' ri wachoch, ri kan royoben chi nril-el kikoten.

Wuj Richin ri K'uxla'anik 5:19

Jak'a rat Jehová, kan jantape' k'a xtaq'et-tzij. Stape' xkeq'ax k'iy sol winaqi', ri awajawaren kan richin k'a jantape'.

San Lucas 10:39

Ri Marta k'o k'a jun rach'alal rubini'an María. Y re María re' xtz'uye' k'a chiraqen-qa ri Jesús, richin keri' nrak'axaj ri ruch'abel ri Dios ri nutzijoj.

San Lucas 14:25

Janila k'a winaqi' ri e tzeqelibeyon-el richin ri Jesús. Y toq rija' xtzu'un kan chirij, xpa'e', y xuchop k'a rubixik chike:

San Lucas 15:20

Roma ri' kan xuchop na wi el bey k'a chirachoch ri rutata'. K'a nej na k'a k'o-wi ri ala' chire ri rachoch, toq ri tata'aj xutz'et, y janila k'a xujoyowaj ruwech. Roma ri' junanin xbe chuk'ulik, xuq'etej y xutz'ubaj.

San Lucas 19:5

Toq ri Jesús niq'ax k'a el ri keri', xtzu'un chikaj pa ruwi' ri che', y xubij chire: Zaqueo, chi'anin kaqaqa-pe ri chiri', roma kan ja re wakami k'o chi yibek'oje' kan chi'awachoch, xcha' chire.

San Lucas 22:61

Jari' toq ri Jesús xtzu'un-pe chirij y xutzu-pe. Ri Pedro kan jari' xoqaqa chuk'u'x ri rubin kan ri ajaw chire, chi k'a man jani tisik'in-pe ri mama' toq rija' oxi' yan bey tubij chike ri yek'utun chire, chi man retaman ta ruwech.

San Lucas 8:38

Jak'a ri achin ri xe'elesex ri itzel taq espíritu rik'in, nuk'utuj k'a utzil chire ri Jesús chi tuya' q'ij chire richin nibe rik'in. Jak'a ri Jesús xubij chire:

San Juan 1:37

Ri e ka'i' rutijoxela' ri Juan toq xkak'axaj k'a ri xubij, rije' xkitzeqelibej-el ri Jesús.

San Juan 1:39

Ri Jesús xubij k'a chike: Jo', y tibewetamaj kan, xcha'. Rije' kan xebe na wi y xbeketamaj kan ri rachoch. Y xek'oje' k'a qa rik'in ri jun q'ij ri', roma xa kan ja ri rukaj hora chik ri tiqaq'ij.

San Juan 1:49

Ri Natanael kan jari' k'a xubij: Tijonel, kan ja wi rat ri ruk'ajol ri Dios. Y kan ja rat ri rey richin re tinamit Israel, xcha'.

San Juan 12:21

Rije' xe'apon-apo rik'in ri Felipe aj-Betsaida ri k'o pa Galilea, y xkibij chi rije' nikajo' yech'on juba' rik'in ri Jesús.

San Juan 18:4

Ri Jesús kan retaman k'a achike ri peteneq chirij y achike ri xtuk'uluwachij. Roma ri' toq kan xbe k'a chikik'ulik ri e peteneq chapoy richin y xuk'utuj chike: ¿Achike k'a ri nikanoj?, xcha' chike.

San Juan 18:7

Jari' k'a toq ri Jesús xuk'utuj chik chike jun bey: ¿Achike k'a ri nikanoj?, xcha'. Y ri winaqi' ri' xkibij chik jun bey: Roj ja ri Jesús aj-Nazaret niqakanoj, xecha'.

San Juan 3:2

Y pa jun aq'a', rija' xapon rik'in ri Jesús y xubij chire: Kan niq'alajin-wi k'a chiqawech chi at jun tijonel ri taqon-pe roma ri Dios; roma ri meyel taq banobel ri ye'aben, xaxe k'a ri k'o Dios rik'in ri nitikir nibanon re', xcha'.

San Juan 3:26

Xepe k'a ri tijoxela' ri' rik'in ri Juan y xbekibij chire: Tijonel, ri jun ri xapon awik'in ri juk'an chik ruchi-ya' Jordán, ri xabij chi ja rija' ri naq'alajirisaj; xa kan konojel chik ri winaqi' ye'apon rik'in richin chi nuqasaj ya' pa kiwi', xecha'.

San Juan 4:31

Y toq man jani k'a ke'apon ri winaqi', ri tijoxela' xkibij k'a chire ri Jesús chi tutija' ruway.

San Juan 6:25

Toq re winaqi' re' xbekila' ri Jesús ri juk'an ruchi' ri choy, xkik'utuj k'a chire chi jampe' tapon chiri'.

Hechos 10:21

Y ri Pedro kan xbeqaqa-pe kik'in ri e oxi' achi'a' ri e taqon-el roma ri Cornelio, y xubij chike: Ja yin ri Pedro ri nikanoj. ¿Achike k'a roma toq ix peteneq chinukanoxik?, xcha'.

Hechos 10:29

Roma ri', kan xaxe k'a xe'apon ri achi'a' ri e itaqon-el richin yinkoyoj, kan man jun k'a xinbij chi man yipe ta; xa kan jari' xipe kik'in. Y re wakami ninwajo' k'a ninwetamaj achike roma toq xiteq woyoxik, xcha' ri Pedro.

Wuj Richin ri Rut 1:16

Jak'a ri Rut xubij chire: Man chik tak'utuj utzil chuwe richin chi yatinya' kan y ninch'er kan wi' awik'in. Roma akuchi xkabe-wi rat, chiri' xkibe-wi yin; akuchi xkabek'oje-wi rat, chiri' xkibek'oje-wi yin; ri awinaq, kan ja chuqa' ri' nuwinaq yin; y ri a-Dios, jari' chuqa' nu-Dios yin.