San Juan 1:14 - Kaqchiquel Bible

¹⁴ Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Tuilleadh tionndaidhean

Kaqchikel Santo Domingo (Xenacoj)

¹⁴ Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

Kaqchikel Santa Maria de Jesus

¹⁴ Y ri Chꞌabꞌal xalka choch-ulief y xuoc vinak incheꞌl ojreꞌ. Jajaꞌ xcꞌujieꞌ chikacajol y xkatzꞌat chi joꞌc jajaꞌ ri Rucꞌajuol ri Dios, ruma can xkatzꞌat ri namalaj ru-gloria. Y jajaꞌ nojnak riqꞌuin ri ketzij y nojnak riqꞌuin ri ru-favor ri Dios.

Kaqchikel Central Guatemala

¹⁴ Y ri Cristo ri Ch'abel xoka' c'a chuvech re ruvach'ulef y can xoc c'a chuka' achi'el roj vinek. Y can xkatz'et c'a chi xaxe vi rija' ri Ruc'ajol ri Dios, roma can c'o ruk'ij-ruc'ojlen. Y can nojinek c'a riq'uin ri kitzij y janíla chuka' ri rutzil.

Re C'ac'a Testamento pa Kach'abal

¹⁴ Y re Cristo re Ch'abal re nisekresan chin re Dios, xbeka chach re ruch'ulef y can xoc chuka' ancha'l yoj re yoj vinak. Y xkatz'at che can xe-va reja' re Ruc'ajol re Dios, roma c'o ruk'ij y camas otz runa'oj kaq'uin y can xe-va re katzij ch'abal c'o riq'uin.

Kaqchikel Western Solola

¹⁴ Y ri Ch'abel, ya ri Cristo, ri xoka c'a chuwech re ruwach'ulef y can xoc c'a winek achi'el riyoj. Y can xkatz'et c'a chi xaxu (xaxe) wi Riya' ri Ruc'ajol ri Dios, ruma can xkatz'et chi c'o ruk'ij ruc'ojlen. Y Riya' can nojnek c'a riq'ui utzil y chuka' riq'ui ri kitzij.

San Juan 1:14 Iomraidhean Croise

Wuj Richin Bix Chire ri Dios 2:7

Yin kan xtinya' rutzijol ri ruch'obonik ri Dios. Ri Jehová kere' rubin chuwe: Rat at nuk'ajol y yin in atata'.

Wuj Richin Bix Chire ri Dios 45:2

Rat rey, ja rat ri más at jebel ok chikikojol ri achi'a'; Kan jebel k'a ri ye'abij; Roma ri' ri Dios at rurtisan richin jantape'.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Wuj Richin ri Isaías 40:5

K'ari' k'a ri Jehová xtuk'ut ri ruruwaq'ijaj, y kan konojel winaqi' xtikitz'et junan, xticha'. Keri' xubij ri Jehová.

Wuj Richin ri Isaías 53:2

Ri rusamajel ri Jehová man jebel ta xk'iy, xa achi'el ok jun che' o jun q'ayis ri nibebos-pe pa chaqi'j ulew. Man jebel ta ok ri rubanik, chuqa' ri nitzu'un; richin roj xqatzeqelibej ta.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Ez 37:27

richin kan xkik'ase' k'a chikikojol. Yin xkinok k'a ki-Dios y rije' xke'ok nutinamit.

San Mateo 1:16

Y re Jacob re' xralk'ualaj k'a ri José ri xok rachijil ri María. Y re María re' jare' ri rute' ri Jesús ri Cristo.

San Lucas 2:11

wakami chiri' pa Belén, ri rutinamit kan ri rey David, xalex ri ikolonel, y rija' ja ri Cristo ri iwajaw.

San Lucas 2:7

y xralaj k'a ri nabey ti ral chupan jun jay kichin chikopi', roma man xkil ta chik jun jay akuchi ta xek'oje-wi kan. Ri María xubolqotij chupan jun k'ul, y xuliba-qa chupan jun kachabal chikopi' ri k'o chiri'.

San Lucas 9:32

Ri Pedro y ri e rachibil jebel yewer. Chaq k'ate' xek'astej y xkitz'et k'a ri saqil ri k'o chirij ri Jesús. Xekitz'et chuqa' ri e ka'i' chik achi'a' ri ek'o rik'in.

San Juan 1:1

Toq xtiker k'a pe ronojel, kan k'o chik pe ri nibix ch'abel chire. Rija' kan k'o k'a rik'in ri Dios, y kan Dios wi chuqa'.

San Juan 11:40

Jak'a ri Jesús xubij chire: Yin kan nubin chik k'a chawe chi wi xtakuquba' ak'u'x wik'in, kan xtatz'et k'a ri ruk'ojlen ri Dios, xcha'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 14:9

Jak'a ri Jesús xubij chire: Felipe, ¿man jani awetaman nuwech? Yin, kan k'o yan k'a juna' kik'oje-pe iwik'in. Ri tz'eteyon wichin yin, rutz'eton k'a chuqa' ri nata'. ¿Achike k'a roma toq rat nabij chi nink'ut ri nata' chiwech?

San Juan 17:22

Yin kan xinya' yan k'a kiq'ij achi'el ri aya'on-pe rat chuwe yin, richin keri' xa jun ta k'a xtikiben, achi'el qabanon roj junan qawech.

San Juan 17:24

Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

San Juan 18:37

Jak'a ri Pilato xubij chire ri Jesús: ¿Kan at rey wi k'a rat?, xcha'. Ri Jesús jari' k'a toq xubij chire: Ja', keri'. Yin kan in rey wi achi'el ri xabij.*f22* Kan richin wi k'a ri' toq xiqaqa-pe achi'el wineq chuwech re ruwach'ulew; richin chi ninq'alajirisaj ri qitzij chikiwech ri winaqi'. Y konojel k'a ri yeniman y e richin chik ri qitzij, kan nikiben-wi k'a ri ninbij yin chike, xcha'.

San Juan 2:11

Ja ri chiri' pa Caná richin Galilea, ri Jesús xuben ri nabey meyel banobel y re' kan xuk'ut k'a chi rija' kan k'o-wi ruq'ij-ruk'ojlen. Y ri e rutijoxela' kan xkikuquba' k'a kik'u'x rik'in.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

San Juan 3:18

Ri wineq ri nukuquba' ruk'u'x rik'in, man xtiqaqa ta ruk'ayewal pa ruwi'. Jak'a ri wineq ri man nukuquba' ta ruk'u'x rik'in, kan xq'at yan tzij pa ruwi' y xtiqaqa ruk'ayewal pa ruwi', roma xa kan man xukuquba' ta ruk'u'x rik'in ri juney ruk'ajol ri Dios.

San Juan 6:51

Ja yin k'a ri qitzij wey aj-chikajil ri niya'on k'aslen. Y xabachike ri xketijo k'a re wey re', xkek'ase' richin jantape'. Ri wey k'a ri xtinya' yin chike kan jak'a ri nuch'akul. Kan xkinapon-wi k'a pa kamik richin chi nuk'en-pe k'aslen chike ri winaqi' ri ek'o chuwech re ruwach'ulew, xcha'.

San Juan 8:32

Xtiwetamaj k'a chuqa' achike ri' ri qitzij, y ri' xtuben chiwe chi yixtotej, xcha'.

Hechos 13:33

Re wakami xa kan k'a ja re chiqawech roj ri oj kijatzul kan, ri xbanatej ri rusujun kan. Rija' xuben k'a chi xbek'astej-pe ri Jesús, kan achi'el wi ri nubij chupan ri ruka'n bix chupan ri Wuj Richin Bix chire ri Dios: Yin ninq'alajirisaj chi rat at nuk'ajol, y yin in atata', nicha'.*f26*

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Romanos 9:5

Rije' chuqa' e kijatzul kan ri Abraham, ri Isaac y ri Jacob. Y toq ri Cristo xpe wawe' chuwech re ruwach'ulew, rija' chuqa' xok kijatzul ri e oxi' ri'. Ri Dios ri k'o pa ruwi' ronojel, kan ta k'o ruq'ij richin jantape'. Kan keri' wi.

1 Corintios 15:47

Ri nabey achin, kan richin wi re ruwach'ulew, roma rik'in ulew xban-wi. Jak'a ri jun chik, kan aj-chikajil.

2 Corintios 12:9

Jak'a ri ajaw xubij chuwe: Rat xaxe k'a kakikot rik'in ri wutzil y man jun chik ri xtik'atzin ta chawe. Toq maneq chik awuchuq'a' nana' rat, yin kan xkik'oje' awik'in y ninya' ri uchuq'a' ri nik'atzin chawe, xcha' chuwe. Roma ri' yin janila yikikot roma ri e nuk'uluwachilon ri xa nikik'ut chi maneq wuchuq'a'. Y rik'in ri' kan niqaqa-wi k'a pe ri ruchuq'a' ri Cristo pa nuwi'.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Colosenses 1:19

Kan rurayibel wi k'a ri Tata'ixel; chi rik'in ri K'ajolaxel nik'oje-wi ronojel ri rubanik rija'.

Colosenses 2:3

ri achoq ik'in ewatel-wi ronojel ri utzilej etamabel y na'oj.

Colosenses 2:9

Ronojel ri rubanikil ri Dios, rik'in ri Cristo nilitej-wi.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Hebreos 1:5

¿Achike ta k'a chike ri ángel ri rubin ta ri Dios?*f1* Rat at nuk'ajol y yin in atata': O rubin ta pa ruwi': Yin xkinok achi'el jun tata'aj chire rija', y rija' xtok achi'el nuk'ajol.

Hebreos 10:5

Roma ri', ri Cristo toq k'o chi nipe yan wawe' chuwech re ruwach'ulew, xubij chire ri Dios:*f23* Rat man nawajo' ta ri jalajoj kiwech sipanik. Jak'a rat xaya' nuch'akul achi'el richin ri wineq.

Hebreos 2:11

Konojel xa jun kitata'. Ri Jesús kan loq'olej-wi, y nuben chike ri ralk'ual ri Dios chi ye'ok loq'olej; roma ri' man nik'ix ta nubij rach'alal chike.

Hebreos 5:5

Keri' chuqa' ri Cristo, man ruyon ta rija' xok nimalej sacerdote richin xk'oje' ruq'ij, xa kan k'a ja na ri Dios ri xcha'on richin. Roma ri Dios xubij chire:*f15* Rat at Nuk'ajol y yin in atata'.

1 Juan 4:14

Y roj kan qatz'eton ri Ruk'ajol ri Dios, y roma ri' niqatzijoj chike konojel winaqi' chi kan qitzij wi chi ri Dios xuteq-pe ri Ruk'ajol richin xojrukol chupan ri qamak.

1 Juan 4:9

Y ri Dios xuk'ut chiqawech chi kan najowan, roma ri' xuteq-pe ri juney Ruk'ajol chuwech re ruwach'ulew richin xuya' k'ak'a' k'aslen chiqe.

2 Juan 1:7

E k'iy k'a q'olonela' yebiyaj chuwech re ruwach'ulew ri yebin chi ri Jesucristo toq xpe wawe' chuwech re ruwach'ulew, man xok ta wineq achi'el roj. Ri nibin keri' chirij ri Jesucristo, jari' k'a ri q'olonel ri netzelan richin ri Cristo.

Apocalipsis 19:13

Ri rutziaq ri rukusan, k'o kik' chirij. Y rija' kan k'o chik k'a jun rubi', y ri' ja ri Ruch'abel ri Dios.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.