Joel 3:9 - Kaqchiquel Bible

⁹ Titzijoj re' chike konojel winaqi' richin ronojel re ruwach'ulew. Tiya' rutzijol chi k'o jun labal. Ke'iwoyoj-pe ri achi'a' ri maneq xibinri'il chikiwech: Kixanpe rix achi'a' ri kan ix richin labal.

Joel 3:9 Iomraidhean Croise

Wuj Richin Bix Chire ri Dios 96:10

Tiqabij k'a chike ri winaqi' ri man nikitzeqelibej ta ri Jehová chi ja rija' ri niq'aton-tzij. Ja rija' ri xjikiban ri ruwach'ulew y kan man jun xtisilon richin. Kan ja rija' ri xtiq'aton-tzij pa qawi' rik'in ruchojmilal.

Wuj Richin ri Isaías 34:1

Rix winaqi' richin chijun ruwach'ulew, kan kixjel-pe richin niwak'axaj. Rix tzobaj winaqi' kan jebel tiya' ixikin. Tiwak'axaj k'a rix ri ixk'o pa taq ronojel ruwach'ulew.

Wuj Richin ri Jeremías 31:10

Chi'iwonojel rix tzobaj winaqi' ri ixk'o pa taq taq'aj ri ek'o nej, tiwak'axaj ri nuch'abel. Ri xtalun kichin ri tinamit Israel, wakami xkerumol y xkeruchajij, achi'el nuben jun yuq'unel kik'in ri rukarne'l.

Wuj Richin ri Jeremías 50:2

Tiya' k'a rutzijol chikikojol ri tzobaj winaqi' richin re ruwach'ulew y tibana' chike chi nikak'axaj; tiyaka-q'anej ri tzieq ri ruk'exewach ri iruwach'ulew y man jun tiwewaj y tibij: Rix aj-Babilonia xixch'akatej y ri i-dios Bel k'ixbitajineq, ri i-dios Marduc xwulex kan. Ri e etzelanel iwichin xkekiyojobej ri ch'aqa' chik wachibel y xkewulex kan.

Wuj Richin ri Jeremías 51:11

Ri Jehová kan nrajo' yeruk'is ri aj-Babilonia y xuben chike ri rey richin ri ruwach'ulew Media, chi xeyakatej chikij ri aj-Babilonia richin yekik'is. Jare' ri rutojbalil ri nuya' rija' roma xkiqasaj ruq'ij ri rachoch y roma ri' nubij chike ri aj-Media chi tikichojmirisaj ri rute-ch'ab y tikichapa' jebel ri kitobal.

Wuj Richin ri Jeremías 51:27

Ri Jehová nubij chike ri ch'aqa' chik ruwach'ulew: Tijotoba' k'a ri tzieq retal richin oyowal; tixupuj k'a ri trompeta richin niya' rutzijol chike ri winaqi'. Y tinaba-iwi' rix winaqi' richin re ruwach'ulew. Kixyakatej k'a chikij ri aj-Babilonia. Ke'ibeyaka-pe ri q'atbel taq tzij richin ri ruwach'ulew Ararat, ri Miní y ri Asquenaz. Tikanoj jun achin ri más k'o ruq'ij richin nok aj-raqen kichin ri aj-labal. Kan ke'ik'uaj k'a ri achi'a' ri e beneq chikij kiej, ri e achi'el kajlabal ri sak'.

Wuj Richin ri Jeremías 6:4

Jak'a wakami ri e etzelanel iwichin nikibij-qa chikiwech rije': Tiqanaba-qi' richin nibeqabana' oyowal kik'in ri aj-Jerusalem. Wi yojapon ri nimaq'a', tiqachapa' oyowal pa nik'aj-q'ij, jak'a wi yojapon k'a tiqaq'ij, tiqachapa' oyowal ri chi'aq'a', yecha'.

Ez 38:17

Yin Jehová ninbij: Chawij k'a rat in ch'owineq-pe ri ojer kan toq yech'on pa nubi' ri e q'alajirisey nuch'abel ri ek'o chiri' pan Israel. Rije' kan xkiya' k'a rutzijol ri ojer kan chi xtinben chawe richin no'achapa-el ri nutinamit Israel.

Ez 38:7

Tabana' achojmil rat y konojel ri ek'o awik'in y chi'iwonojel rix xkixk'oje' chuxe' nutzij yin.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

Wuj Richin ri Hageo 2:7

Rija' xtuben chike konojel winaqi' chi xkebaybot. Jari' k'a toq rije' xtikik'en-pe ronojel ri kibeyomel re wawe', roma richin rija' ronojel ri saqipueq y ri q'anapueq. Y ri ruk'ojlen ri Dios xtunojisaj ri k'ak'a' rachoch. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Zacarías 14:2

Jak'a pa nabey yin xkenmol konojel ri winaqi' richin ri ruwach'ulew richin xtikiben labal kik'in ri aj-Jerusalem. Kan xtich'akatej k'a, y xke'eleq'ex k'a el ronojel ri k'o rejqalen. Ri ixoqi' kan xtiqasex k'a kiq'ij koma achi'a'. Y nik'aj chire ri tinamit xke'uk'uex-el. Jak'a ri ch'aqa' chik k'a xkek'oje' na kan ri chiri', xcha' ri Dios.

Wuj Richin ri Zacarías 14:3

Chirij ri', ri Jehová xtuben labal kik'in ri ch'aqa' chik ruwach'ulew.