Joel 3:6 - Kaqchiquel Bible

⁶ Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.

Joel 3:6 Iomraidhean Croise

Ez 27:13

Chuqa' ri winaqi' aj-Grecia, ri aj-Tubal y ri aj-Mésec yepe richin ye'oloq'on-el rik'in. Y ri nikitojbej kan chire ja ri winaqi' ri e ximil pa samaj kik'in y samajibel ri e banon rik'in q'enq'oj-pueq.

Joel 3:3

Y kan xekiya' pan etz'anen ri nuwinaq richin xekik'uaj; chuqa' kan xekik'ayij-el ri taq ak'uala' chi alaboni' chi xtani'. Y ri méro xkikusaj richin xek'oje' kik'in ixoqi' ri man utz ta kik'aslen, richin chuqa' xkiloq' vino chire richin xkiqum.

Joel 3:8

Y kan xkenk'ayij k'a ri iwalk'ual chike ri aj-Judá, y rije' xkekik'ayij chik chike ri winaqi' sabeo, ri ek'o janila nej. Yin Jehová ri yibin.

Wuj Richin ri Zacarías 9:13

Xkixinkusaj k'a rix aj-Judá y rix aj-Israel, richin xkenya' pa tijoj-poqonal ri aj-Grecia. Rix aj-Judá ix achi'el ri nuk'aqbal-ch'ab, y rix aj-Israel ix achi'el jun ch'ab. Rix aj-Sión kan ix achi'el nu-espada, richin xkench'ek ri aj-Grecia.

Deut 28:32

Kan chiwech rix xkejach-el ri iwalk'ual pa kiq'a' ch'aqa' chik winaqi' ri man e iwinaq ta, y jantape' k'a xtiwajo' xtitz'et chik kiwech, jak'a man jun chik xkixtikir xtiben richin xketzolej ta chik pe iwik'in.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.