Joel 3:4 - Kaqchiquel Bible

⁴ Wakami rix ri aj-Tiro, ri aj-Sidón y chijun ruwach'ulew Filistea, ¿achike k'a niwajo' chuwe yin? ¿Niwajo' niben ruk'exel chuwe yin? Wi niwajo' niben ruk'exel chuwe yin, yin chuqa' xtinya' ruk'exel pan iwi' rix.

Joel 3:4 Iomraidhean Croise

2 Crón 21:16

K'ari' ri Jehová xuben chike ri winaqi' aj-Filistea y ri winaqi' e árabe, ri ek'o-apo chikinaqaj ri aj-Cus chi xkiben oyowal rik'in ri Joram.

Wuj Richin ri Isaías 14:29

Man kixkikot k'a rix aj-Filistea, stape' ri rey Acaz xa xken achi'el jun q'ajineq che'. Roma ri q'ajineq che' ri' xa xtok jun kumetz kamisanel, y ri chiwech-apo ri kumetz ri' kan xtok-el jun ruwech kumetz ri k'o ruxik'.

Wuj Richin ri Isaías 34:8

Ja q'ij ri' toq ri Jehová xtuya' rutojbalil pa kiwi'; ja q'ij ri' toq xkeruto' ri winaqi' aj-Sión.

Wuj Richin ri Isaías 59:18

Xa kan chikijujunal xtuya' rutojbalil pa kiwi' achi'el ri kibanobal. Kan xtiyakatej royowal chikij ri e etzelanel richin, y kan xtuya' ruk'ayewal pa kiwi', stape' ek'o nej chuchi' ri palou.

Wuj Richin ri Jeremías 47:1

Jare' ri rutzijol ri xuya' ri Jehová chuwe pa kiwi' ri aj-Filistea, toq ri aj-Egipto man jani tikichop chi oyowal ri tinamit Gaza.

Wuj Richin ri Jeremías 47:4

Xtapon ri q'ij richin xkixk'is rix aj-Filistea y man xkixtikir ta chik xke'ito' ri aj-Tiro y ri aj-Sidón, roma yin Jehová xkik'ison iwichin rix ri xixpe richin xo'ito-iwi' pa ruwach'ulew Creta.

Wuj Richin ri Jeremías 51:6

Y rix winaqi' israelita, kixanimej-el pa Babilonia. Tukolo-ri' ri nitikir, richin chi man yixken roma kimak rije'. Jare' xapon ri q'ij richin ninya' ri rutojbalil pa kiwi' rije' achi'el ri ruk'amon.

Joel 2:10

Chikiwech rije' nibaybot ri ruwach'ulew; chuqa' nik'ark'ot ri kaj. Ri q'ij y ri ik' yeq'equmatej, y ri ch'umila' man yeyik'lun ta chik.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

San Mateo 11:21

Kan toq'ex k'a iwech rix aj-Corazín; kan toq'ex k'a iwech rix ri aj-Betsaida, roma xa ja ta ri pa taq tinamit Tiro y Sidón xebanatej-wi ri meyel taq banobel ri', ri winaqi' aj chiri' kan xtzolej yan ta pe kik'u'x y kikusalon ta chik kitziaq richin bis, y kiyalon ta chik chaj chikij, richin nikik'ut ri bis.

San Mateo 11:22

Roma ri' ninbij chi toq xtapon ri q'ij richin nibanatej ri q'atoj-tzij, ri ruk'ayewal ri xtapon pan iwi' rix kan xtik'o k'a ruwi' ke chuwech ri xtiqaqa pa kiwi' ri aj-Tiro y ri aj-Sidón.

San Lucas 10:13

¡Toq'ex iwech rix aj-Corazín y rix aj-Betsaida! Roma xa ta ja ri pa taq tinamit Tiro y Sidón xeban-wi re meyel banobel ri xeban iwik'in rix, ri winaqi' aj chiri' xtzolej yan ta pe kik'u'x rik'in ri Dios. Kikusalon ta chik kitziaq richin bis, y kiyalon ta chik chaj chikij, retal chi yebison roma janila ri kimak ri e kibanalon.

San Lucas 10:14

Jak'a chupan ri q'ij toq xtibanatej ri q'atoj-tzij, ja rix ri ixk'o pa Corazín y pa Betsaida ri más ruk'ayewal xtiqaqa pan iwi', ke chikiwech ri aj-Tiro y ri aj-Sidón.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Hechos 9:4

Ri Saulo kan jari' xtzaq pan ulew, y xrak'axaj chi k'o jun ri nich'on-pe chire, y xubij: Saulo, Saulo, ¿achike roma toq achapon ch'a'oj chuwij yin?, xcha'.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

2 Tesalonicenses 1:6

Y yalan choj ri xtuben ri Dios toq xtuya' tijoj-poqonal pa kiwi' ri winaqi' ri yebanon chiwe chi rix nitej poqon.

Wuj Kichin ri To'onela' 11:12

Ri Jefté kan jari' xeruteq achi'a' e uk'uey rutzijol rik'in ri rey kichin ri winaqi' amonita y xubij-el: ¿Achike roma rat xape wawe' y nawajo' naben oyowal wik'in yin y kik'in ri nuwinaq re ojk'o chuwech re ruwach'ulew re'?, xcha-el.