Joel 3:19 - Kaqchiquel Bible

¹⁹ Jak'a ri ruwach'ulew Egipto kan xtitole' kan, y ri Edom kan xtibe'ok jun tz'iran ruwach'ulew; roma kan xekikamisaj ri aj-Judá, y chupan ri kiruwach'ulew xbiyin kikik'el ri xa man jun kimak.

Joel 3:19 Iomraidhean Croise

Wuj Richin Bix Chire ri Dios 137:7

Nimalej Jehová, ke'oqaqa chi'ak'u'x ri winaqi' aj-Edom, ri janila xekikot toq xch'akatej ri Jerusalem, toq xkibij: ¡Tiwulaj kan jumul, tiwulaj kan jumul ri ruxe' ri chapayon richin!, xecha'.

Wuj Richin ri Isaías 11:14

Chi e ka'i' tinamit xkeyakatej-el chikij ri aj-Filistea ri ek'o pa qajbel-q'ij. Chuqa' xtiqelesaj ri kibeyomel ri tzobaj winaqi' ri ek'o pa relebel-q'ij. Xqojyakatej chikij ri edomita y ri moabita. Y ri amonita kan xkek'oje' chuxe' ri qatzij roj.

Wuj Richin ri Isaías 11:15

Ri Jehová kan xtuchaqirisaj ri Kaqa-Palou richin xtujeq kibey ri xketzolin-pe. Kan rik'in jun k'aten kaq'iq' xtichaqer ri raqen-ya' Éufrates, richin xkek'oje' xaxe wuqu' taq ruq'a' ri raqen-ya' ri', richin ri xketzolin-pe xketikir xkeq'ax chikaqen chupan.

Wuj Richin ri Jeremías 49:17

Ri wululen ri xtipe chirij ri iruwach'ulew Edom kan janila nim y roma ri' konojel k'a winaqi' ri xkeq'ax-el chiri' kan xtikik'en rukiy toq xtikitz'et ri rutojbalil ri qajineq pan iwi'. Y xketze'en chiwij.

Wuj Richin ri Jeremías 51:35

Tiqaqa k'a ri ruk'ayewal pa kiwi' ri aj-Babilonia roma ronojel ri xkiben qik'in. Tiqaqa k'a rutojbalil pa kiwi' rije' roma ri qawinaq ri xekikamisaj, xecha'.

Wuj Richin ri K'uxla'anik 4:21

Wakami kixkikot rix winaqi' aj-Edom. Kixnimaq'ijun k'a rix ri ixk'o pa ruwach'ulew Us, roma xa kan xtapon na k'a ri iq'ij. Xtiqaqa k'a ri ruk'ayewal pan iwi' rix, y xkixbiyin k'a achi'el nuben jun q'abarel. Y ri e etzelanel iwichin xtikelesaj k'a ri itziaq richin niya' ik'ix.

Wuj Richin ri Abdías 1:1

Yin Abdías xink'ul k'a jun rutzijol rik'in ri Jehová Dios pa ruwi' ri ruwach'ulew Edom. Kere' nubij: Xak'axatej jun rutzijol richin ri Dios; jun uk'uey rutzijol xtaq-el kik'in ri ajawaren, y nubij: Qojyakatej chikij ri aj-Edom richin niqaben labal kik'in, nicha'.

Wuj Richin ri Habacuc 2:17

Rat kan xe'achoy ronojel che' ri ek'o chiri' pa juyu' Líbano, jak'a re wakami ja rat ri xkachoy-el. Rat xakamisan kichin ri taq chikopi' ri ek'o chiri', jak'a re wakami ja rat ri xkaken. Ronojel re' xtiqaqa pan awi' roma ri kamik ri xe'abanala', roma ri eleq' ri xe'abanala' pa taq tinamit y ri wululen ri xe'aya' pa taq ruwach'ulew.

Wuj Richin ri Zacarías 10:10

Roma ja yin ri xkik'amo-pe kichin k'a kela' pa ruwach'ulew Egipto. Xkenk'en-pe ri ek'o pan Asiria, y xkenk'uaj k'a pa ruwach'ulew Galaad y pa Líbano. Kan e janila chi winaqi', y kan man xkeruben ta k'a ri ruwach'ulew.

2 Tesalonicenses 1:6

Y yalan choj ri xtuben ri Dios toq xtuya' tijoj-poqonal pa kiwi' ri winaqi' ri yebanon chiwe chi rix nitej poqon.