Joel 3:14 - Kaqchiquel Bible

¹⁴ Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Joel 3:14 Iomraidhean Croise

Wuj Richin Bix Chire ri Dios 37:13

Jak'a ri Dios kan nitze'en chikij, roma retaman chi xa napon jun q'ij richin nikik'ul rutojbalil.

Wuj Richin ri Isaías 13:4

Kan tiwak'axaj k'a ri raqoj-chi'ij ri najin chikikojol ri juyu', achi'el xa ta e k'iy tinamit ri kimolon-pe-ki'. Tiwak'axaj ri ch'ujerik kichin ri tzobaj taq winaqi' roma konojel ri ruwach'ulew kimolon-pe-ki'. Ja ri Jehová ri k'iytisanel richin ronojel ri nisik'in kibi' ri aj-labal richin nibekichapa' oyowal.

Wuj Richin ri Isaías 22:1

Ri Dios nuq'alajirisaj ri nibanatej pa taq'aj richin Hinom:*f5* Konojel ri winaqi' aj-Jerusalem yejote-el pa ruwi' ri kachoch richin yenimaq'ijun.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Joel 3:12

Ri Jehová nubij: Kixk'astej k'a winaqi' richin re ruwach'ulew; y kixjote-pe pa taq'aj kojol juyu' ri richin kan ri Josafat. Roma chiri' xkitz'uye-wi yin richin ninq'et-tzij pan iwi' rix. Xtinq'et-tzij pa kiwi' konojel ajawaren ri ek'o chikinaqaj.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Wuj Richin ri Sofonías 1:14

Kan naqaj chik k'o-wi ri q'ij richin royowal ri Jehová. Naqaj chik y kan xtibebanatej yan. Kan man tikirel ta nak'axex ri koq'ej ri winaqi'. Bis-bis ri kiraqoj-chi'ij ri aj-labal.

Filipenses 3:2

Kan tichajij k'a iwi' chikiwech ri nuwinaq ri xaxe nokibana' itzel taq banobel. Yin ninch'ob chi rije' achi'el ri e itzel taq tz'i'. Rije' nikibij chi richin nikolotej jun wineq, kan nik'atzin chi niqupix richin jun retal chi niq'alajin chi richin ri Dios.*f3*

2 Pedro 3:7

Y chuqa' xubij chi re ruwach'ulew y ri kaj re yeqatz'et wakami, e yakon-apo roma rija', richin ri q'ij toq xtuya-pe q'aq' pa kiwi'. Y re' e yakon-apo, k'a toq ri Dios xtuq'et-tzij y xkeruk'is konojel ri man utz ta kik'aslen chuwech rija'.