Joel 3:12 - Kaqchiquel Bible

¹² Ri Jehová nubij: Kixk'astej k'a winaqi' richin re ruwach'ulew; y kixjote-pe pa taq'aj kojol juyu' ri richin kan ri Josafat. Roma chiri' xkitz'uye-wi yin richin ninq'et-tzij pan iwi' rix. Xtinq'et-tzij pa kiwi' konojel ajawaren ri ek'o chikinaqaj.

Joel 3:12 Iomraidhean Croise

2 Crón 20:26

Chupan k'a ri rukaj q'ij xkimol-ki' konojel rije' ri chiri' chupan jun taq'aj kojol juyu' ri k'o chiri' richin xkiya' ruq'ij ri Jehová, y roma ri' xkibij Taq'aj kojol juyu' richin Beracá*f9* chire k'a re wakami roma chiri' xkil-wi urtisanik.

Wuj Richin Bix Chire ri Dios 7:6

¡Jehová, kayakatej k'a chi nuto'ik! kan rik'in k'a awoyowal, kayakatej chikij ri e etzelanel wichin. Rat kan abin chi kan naya-wi rutojbalil, kan kinato' k'a wakami.

Wuj Richin Bix Chire ri Dios 96:13

Ronojel k'a re' tiqabana' chuwech ri Jehová ri xtipe. Kan xtipe k'a richin noruq'ata-tzij pa ruwi' ri ruwach'ulew. Rik'in k'a ruchojmilal xtuq'et-tzij pa qawi' qonojel ri ojk'o chuwech re ruwach'ulew. Xtuq'et-tzij pa kiwi' ri tinamit rik'in ri ruch'abel rija'.

Wuj Richin Bix Chire ri Dios 98:9

Ronojel re' xtik'uluwachitej, roma ri Jehová kan xpe richin noruq'ata-tzij pa ruwi' ri ruwach'ulew. Xtuq'et k'a tzij rik'in ruchojmilal. Xtuq'et tzij pa kiwi' ri tinamit, y xtuya' chike ri ruk'amon.

Wuj Richin ri Isaías 2:4

Ri Jehová xtiq'aton-tzij chikikojol ri ch'aqa' chik winaqi'. Rije' man jun chik labal xtibekibana'. Roma ri' ri ki-espada xa xtikijel rubanik, y xtikiben arado chike. Chuqa' ri kikum xa xtikiben kijos chike. Man jun chik ruwach'ulew xtiyakatej chirij jun chik ruwach'ulew, ni man xketijox ta chik richin yebe pa taq labal.

Wuj Richin ri Isaías 22:1

Ri Dios nuq'alajirisaj ri nibanatej pa taq'aj richin Hinom:*f5* Konojel ri winaqi' aj-Jerusalem yejote-el pa ruwi' ri kachoch richin yenimaq'ijun.

Wuj Richin ri Isaías 3:13

Ri Jehová kan xok yan chupan ri jay richin niberuq'ata-tzij. Chuqa' kan xunaba' yan ri' richin niberuq'ata-tzij pa ruwi' ri qatinamit.

Ez 30:3

Noqaqa yan k'a ri q'ij wichin yin, ri Jehová. Y ri q'ij ri' kan muqul. Kan ruk'amon-pe xibinri'il chike ri winaqi' richin ch'aqa' chik ruwach'ulew.

Ez 39:11

Chupan ri q'ij ri', yin xtinya' chire ri Gog jun xoral richin muqbel pa jun taq'aj kojol juyu' chiri' pan Israel, pa relebel-q'ij chire ri Tzayi-Choy. Re xoral re' kan xtuq'et k'a kibey ri winaqi' ri yeq'ax chiri', roma chiri' k'a xkemuq-wi kan ri rey Gog y ri e k'iy aj-labal. Y roma ri' ri taq'aj kojol juyu' ri' xtubini'aj: Taq'aj Kojol Juyu' Richin ri Gog y ri e Aj-labal.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Wuj Richin ri Miqueas 4:3

Rija' xtuben ka' ri ruchojmilal chikikojol ri ch'aqa' chik ruwach'ulew. Ri ruwach'ulew ri ek'o janila nej y ri k'o kuchuq'a' xke'apon rik'in, richin xkeruchojmirisaj. Ri ki-espada xtikiben azadón chire, y xtikikusaj richin nisamajix ri ulew. Ri kikum xtikiben jos chire. Richin keri' maneq chik labal chikikojol ri winaqi', ni man jun xtik'utu chikiwech richin yebe pa labal.

Wuj Richin ri Zacarías 14:4

Xtipe y xtipa'e' pa ruwi' ri juyu' Olivo, ri k'o pa relebel-q'ij chire ri Jerusalem. Y ri juyu' ri' xtich'aratej; ri nik'aj chire ri juyu' nibe pa xaman y ri nik'aj chik pa xokon, y chukojol ri' xtuben k'a jun nimalej taq'aj, nitiker-el rik'in ri Jerusalem, y napon k'a pa relebel-q'ij.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.