Joel 3:11 - Kaqchiquel Bible

¹¹ Kan chi'anin tikimolo-pe-ki' konojel winaqi' richin re ruwach'ulew; timolo-pe-iwi' rix ri ixk'o-pe naqaj, y kan ja ri Jehová ri xtibanon labal.

Joel 3:11 Iomraidhean Croise

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Wuj Richin ri Isaías 10:34

Stape' rije' janila e k'iy, achi'el kajlabal ri che' ri ek'o pa k'echelaj, kan yeruk'is-el konojel. Stape' janila e nima'q, achi'el ri tiox-che' ri ek'o pa Líbano, xketzaq pa ruq'a' ri Jehová k'iytisanel richin ronojel.

Wuj Richin ri Isaías 13:3

Ri Jehová xeroyoj ri achi'a' ri maneq xibinri'il chikiwech, y xumol kichi' ri aj-labal ri kan e ruch'aron chire re samaj re'. Xeroyoj achi'a' ri kan yekikot toq ri Dios nich'akon.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Wuj Richin ri Miqueas 4:12

Jak'a ri yebin keri' xa man ketaman ta ri ruch'obonik ri Jehová, man niq'ax ta chikiwech ri nrajo' nuben rija'. Roma ri Jehová xkerumol k'a re winaqi' re' achi'el nimol ri boraj trigo richin nich'ay.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

Apocalipsis 19:14

Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.