Joel 2:7 - Kaqchiquel Bible

⁷ Ri sak' ri' e achi'el ri achi'a' ri maneq xibinri'il chikiwech, keri' ye'anin rije'. Achi'el ri aj-labal yejote' pa ruwi' ri tz'aq. Chikijujunal yebiyin pa kicholajen, y man xkesach ta chire ri kibey.

Joel 2:7 Iomraidhean Croise

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

2 Sam 5:8

Richin xech'akatej ri aj-Jebús, ri David xubij k'a chi richin yetikir yekikamisaj, k'o chi ye'ok-el chupan ri rubey ya' ri napon pa tinamit. Y chuqa' xubij chi wakami xtutz'et wi qitzij chi ri e moyi' y ri e jetz' xketikir xtikipaba-ki', roma rija' kan yeretzelaj-wi ri winaqi' ri'. Chiri' k'a peteneq-wi ri ch'abel ri nibix chi ri moyi' y ri e jetz' man ruk'amon ta ye'ok chupan ri rachoch ri Dios.

1 Crón 12:36

Chupan ri tzobaj richin kan ri Aser xe'apon e 40,000 aj-labal.

Wuj Richin ri Achin Job 16:14

Kan jantape' in ruya'on-pe pa tijoj-poqonal. Kan jantape' yakatajineq chuwij, achi'el nuben jun achin richin oyowal.

Wuj Richin Bix Chire ri Dios 19:5

y ri q'ij, ri pa taq nimaq'a' nel-pe achi'el jun achijlonel toq niyakatej-q'anej y nel-pe pa rachoch, kan nikikot achi'el jun ri maneq xibinri'il chuwech y nuchop-el binen.

Wuj Richin Etamabel-Tzij 30:27

Ri rox, ja ri sak', roma stape' xa maneq jun rey ri uk'uayon ta kichin, man rik'in ri', kan pa taq tzobaj kik'ualon-ki' toq yebe.

Wuj Richin ri Jeremías 5:10

Roma ri' ninya' q'ij chike ri e etzelanel iwichin richin yixkik'is, achi'el toq nijoq'-el ri ruq'a' ri uva ri xemayamo' yan qa, roma re' man e wichin ta yin. Jak'a man ye'ik'is ta el ronojel.

Joel 2:8

Man jun ri nunim ta kan ri rachibil, jak'a chikijujunal choj yebe chupan ri kibey. Stape' yeq'ijux rik'in jun kamisabel, rije' man ye'el ta kan chupan ri kicholajen.

Joel 2:9

Rik'in uchuq'a' ye'ok chupan ri tinamit, yebiyin pa ruwi' ri tz'aq, ye'ok-q'anej pa taq jay. Chuqa' ye'ok pa taq ventana achi'el nikiben ri eleq'oma'.