Joel 2:3 - Kaqchiquel Bible

³ Rije' nikik'is ronojel ri k'o chikiwech, achi'el nuben ri q'aq' nuk'is ronojel ri q'ayis. Pa nabey, ri tiko'n kan achi'el ri qejoj ri kan nik'ases, jak'a chirij re' xa xok kan jun tz'iran ruwach'ulew, y kan man jun xtikolotej kan.

Joel 2:3 Iomraidhean Croise

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 2:8

Y ri Dios xutik-qa ruwech ri jun qejoj, ri akuchi kan rayixel ronojel ri k'o, ri k'o pa relebel-q'ij chire ri ruwach'ulew. Y chiri' xuya-wi ri achin ri xuben.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Wuj Richin Bix Chire ri Dios 97:3

Ri chuwech rija' kan ninabeyej k'a jun q'aq'. Ri q'aq' ri' kan yeruk'is k'a ri e etzelanel richin ri ek'o chunaqaj.

Ex 10:15

Kan xkinojisaj ruwi' ri ulew chijun ri ruwach'ulew, kan xq'equmatej ruwi' ri ulew koma ri sak'. Xkik'is k'a el ronojel ri kolotajineq kan pa ruq'a' ri saqboch, ri tiko'n pa taq juyu', ri kiwech ri che'. Ni xa ta juba' chik rex ri xk'oje' kan chike ri che'.

Ex 10:5

Y ri chikopi' ri' kan xtikiq'equmarisaj ri ruwi' chijun ruwach'ulew, y kan man xtiq'alajin ta pe ri ulew. Y ri chikopi' ri' xtikik'is rutijik ronojel ri tiko'n, ri xkolotej kan pa ruq'a' ri saqboch y xtikik'is chuqa' ronojel ri ruxaq che' ri xebejotayin yan pe.

Wuj Richin ri Isaías 14:17

Xtikik'utuj chuqa' wi ja rat ri xabanon chire ri ruwach'ulew richin xok kan tz'iran, y kan xawulaj kan ri tinamit, y man xaya' ta q'ij chike ri ek'o pa ximonri'il richin xebe pa taq kiruwach'ulew.

Wuj Richin ri Isaías 15:6

Ri ch'uti'n raqen-ya' richin Nimrim kan bis-bis xtuben kan. Ronojel ruwech ichaj y ronojel ruwech che' xkechaqi'j. Y kan man xkeraxer ta chik pe.

Wuj Richin ri Isaías 33:4

Y ri janila chi qawinaq xke'el-el chusik'ik ri kibeyomel achi'el nikimol-ki' ri sak' chirij ri tiko'n. Y xtikik'uaj-el ronojel ri kan kichin rije'.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Isaías 9:18

Kan qitzij na wi chi ri etzelal chi'anin nutaluj-ri', achi'el toq nitzijtej jun q'aq' pa jun li'aj-k'ix nuk'is ronojel. Chuqa' nuk'is chijun k'echelaj, y k'ari' yerusututej chikaj ri sib achi'el nuben jun sutz'.

Wuj Richin ri Isaías 9:19

Roma ri royowal ri Jehová k'iytisanel richin ronojel, kan xtik'at chijun ri ruwach'ulew; y ri q'aq' kan xtuk'is ri kitinamit. Y ri winaqi' xkek'atzin richin si'. Rije' man xtikijoyowaj ta kiwech ri kach'alal;

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Ez 36:35

Y xtibitej k'a: Re ruwach'ulew re tolan-tolan rubanon kan, re wakami kan xok k'a achi'el ri qejoj ri kan nik'ases rupan. Ri tinamit ri e wulatejineq y e maneq winaqi' chupan ri rubanon kan, re wakami ek'o chik jay, sutin chik kij chi tz'aq y ek'o chik winaqi' chuqa'.

Am 7:4

Ri Dios xuk'ut chinuwech jun chik achi'el achik' y xintz'et k'a chi xuteq-pe ruk'ayewal rik'in q'aq' pa qawi'. Y kan xuchaqirisaj ri nimalej palou ri k'o chuxe' ri ruwach'ulew y xuchop yan nuporoj ri qasanbel ulew.*f2*

Wuj Richin ri Habacuc 1:6

Roma yin kan xkenbentaqa' k'a pe ri aj-Babilonia richin nikiben labal iwik'in. Rije' kan e itzel taq winaqi'. Kan e anineq k'a richin xtikiben labal; kan xkeq'axlan k'a chupan chijun ruwach'ulew richin ye'ok kan chuwech jun chik ruwach'ulew ri xa man kichin ta rije'.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.