Joel 2:21 - Kaqchiquel Bible

²¹ Roma ri' kakikot rat, ulew richin tiko'n; kan kak'ases k'a y man taxibij-awi', roma ri Jehová kan xtiberubana' nima'q taq banobel.

Joel 2:21 Iomraidhean Croise

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

Wuj Richin Bix Chire ri Dios 71:19

Nimalej Dios, ri ruchojmilal ri naben kan napon k'a chila' chikaj. ¡Kan abanon k'a nima'q taq banobel! ¿Achike ta chik k'a jun k'o achi'el rat?

Wuj Richin Bix Chire ri Dios 98:8

Xtik'oje' k'a janila kikoten, achi'el ri raqen taq ya' kan yewajin, y ri nima'q taq juyu' kan nikik'ut k'a chi yekikot.

Wuj Richin ri Isaías 35:1

Kan xtikikot k'a ri tz'iran ruwach'ulew, y ri ruwach'ulew ri kan janila chaqi'j kan xtikotz'ijan, y roma ri' janila k'a xtikikot.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Isaías 44:23

Roma ri' kan jajun ri kaj tibixan richin nuya' nuq'ij, roma yin kan xinya' kolotajik. Kan jajun ri ruwach'ulew tibixan rik'in kikoten, chuqa' ri juyu', ri k'echelaj y ronojel che' ri ek'o, roma kan xixinkol rix israelita, y kan xink'ut ri nimalej wuchuq'a' pan iwi', xcha' ri Dios.

Wuj Richin ri Isaías 54:4

Man tixibij-iwi' roma kan man jun bey chik xtiqasex iq'ij, ni man xkixk'ixbitej ta chik. Kan xtimestaj ri k'ix ri xiq'axaj toq man jani k'o k'iy ijuna'. Chuqa' kan xtimestaj toq xqasex iq'ij toq xixmalix kan koma ri iwachijil,

Wuj Richin ri Isaías 55:12

Keri' k'a rix kan xkixel-pe ri chiri' pa Babilonia rik'in janila kikoten. Kan rik'in uxlanibel-k'u'x xkixtzolin-pe chupan ri itinamit. Toq xkixq'ax pa kiwi' ri juyu' y ri ruwi' taq juyu', kan janila kikoten xtik'oje', achi'el ri juyu' y ri ruwi' taq juyu' xkebixan chiwech, y konojel ri che' ri ek'o pa juyu' kan xtikipaq'apa' ri kiq'a'.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Os 2:21

Chupan ri q'ij ri' yin kan xkich'on k'a rik'in ri kaj; ri kaj kan xtuya' k'a pe ri urtisanik pa ruwi' ri ruwach'ulew.

Joel 2:20

Y xkenwelesaj k'a el ri aj-labal ri yepe pa xaman y xkenteq-el pa tz'iran ruwach'ulew ri akuchi tolan-tolan-wi. Xtinben chi xkejiq' ri e ik'owineq chikiwech chupan ri Tzayi-Choy, y ri e ruk'isibel kan xkejiq' chupan ri palou. Y kan xkeq'ey y kan xtutaluj-ri' ri kichuwirinen, xticha' ri Jehová. Kan qitzij na wi chi ri Jehová chupan ri q'ij ri' xtuben ri nima'q taq banobel ri'.

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.

Wuj Richin ri Zacarías 8:15

Jak'a xinch'ob yan chi chiwech-apo xtinben utz iwik'in rix aj-Jerusalem y kik'in ri winaqi' aj-Judá. Roma ri' man k'a tixibij-iwi'.

Deut 4:32

Tik'utuj k'a chirij ri ojer kan, kan k'a ja toq ri Dios xutz'uk-pe ri achin chuwech re ruwach'ulew. Kixbiyin k'a, k'a pa rutikeribel y k'a pa ruk'isibel chire ri ruwach'ulew richin nik'utuj wi k'o jun bey k'uluwachitajineq re nimalej banobel re'.

1 Sam 12:16

Tiwoyobej k'a re wakami, y titz'eta' re jun nimalej banobel richin retal ri xtuben ri Jehová chiwech rix.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.