Joel 2:2 - Kaqchiquel Bible

² Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Joel 2:2 Iomraidhean Croise

Wuj Richin Bix Chire ri Dios 10:6

Kan nubij k'a qa pa ránima: Yin man jun xtitzaqon wichin; stape' xtibe-q'ij xtibe-seq, man jun ruk'ayewal xtinwil, nicha-qa.

Wuj Richin Bix Chire ri Dios 97:2

Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Ex 10:14

Y ri janila chi sak' ri' xe'oqaqa pa ruwi' chijun ri ruwach'ulew Egipto. Kan xeqaqa k'a pa ronojel ulew chijun ri ruwach'ulew ri'. Kan man jun bey k'a k'uluwachitajineq ta keri', ni man jun bey chuqa' chik xtibanatej.

Ex 10:6

Xtikinojisaj k'a rupan ri awachoch rat, ri rupan ri kachoch ri aj-raqen y ri rupan ri kachoch konojel ri winaqi' aj-Egipto. Y re' kan man jun bey k'a tz'eton, koma ri ate-atata' y koma ri awati't-amama', jampe' e oqawineq re wawe', xcha'. Y toq ri Moisés xuk'is kan rubixik re', xupiskolij-el-ri' y xbe.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

Wuj Richin ri Isaías 5:30

Chupan k'a ri q'ij ri' rije' kan xkewajin k'a pe chiwij, achi'el niwajin ri palou. Ri qaruwach'ulew kan xtitz'etetej k'a chi kan achi'el xa ta pisil chupan jun nimalej q'equ'm richin q'axo'n, y ri saqil kan xtok q'equ'm.

Wuj Richin ri Isaías 8:22

K'ari' xketzu'un-qa chuwech re ruwach'ulew y xaxe chik q'axo'n y q'equ'm ri xtikitz'et. Keri' xtikina' ri nimalej q'equ'm ri xa kan xaxe bis ruk'amon-pe.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin ri Jeremías 13:6

Toq ik'owineq chik k'iy q'ij ri Jehová xubij chik chuwe chi yibe chik pa Pará richin ninbenk'ama' ri ximibel ri nuya'on kan chiri'.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Ez 34:12

Ri nuwinaq e sachineq kan chupan ri q'ij richin q'equ'm y ruk'ayewal toq xkitaluj-el-ki'. Jak'a re wakami kan xkenchajij achi'el nuben jun yuq'unel toq kan beneq ruk'u'x chikij ri rukarne'l.

Ez 38:9

Jak'a rat Gog, ri aj-labal y ri ch'aqa' chik winaqi' xkixapon kik'in ri israelita richin yixyakatej chikij, achi'el nibiyin jun kaq'iq'-job y achi'el nibiyin jun q'eqelej-sutz'.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Joel 1:6

Xepe ri janila chi sak'; xepe achi'el jun tinamit winaqi' ri janila kuchuq'a', y man tikirel ta richin xe'ajlex. Ri key kan e ch'ut e ch'ut achi'el key ri koj.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Joel 2:5

Rije' yeq'ajan yejote-pe pa ruwi' ri juyu', achi'el yeq'ajan ri carruaje richin labal. Rije' yeq'ajan y ye'anin, achi'el niq'ajan ri q'aq' toq ya'on ruxaq che' chupan. Chuqa' yeq'ajan achi'el jun nimalej tzobaj aj-labal.

Joel 3:4

Wakami rix ri aj-Tiro, ri aj-Sidón y chijun ruwach'ulew Filistea, ¿achike k'a niwajo' chuwe yin? ¿Niwajo' niben ruk'exel chuwe yin? Wi niwajo' niben ruk'exel chuwe yin, yin chuqa' xtinya' ruk'exel pan iwi' rix.

Am 4:13

Ja yin ri xibanon ri juyu'. Yin ri yiya'on-pe ri kaq'iq'. Chuqa' ja yin ri yiq'alajirisan ri nuch'obonik chiwe rix. Ja yin ri yijalo ri paq'ij rik'in ri chaq'a'. Chuqa' ja yin ri yiq'ax pa kiwi' ri nimalej taq juyu'. Y ri nubi' ja ri Jehová ri Dios ri k'o ronojel uchuq'a' wik'in, xcha'.

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.

Wuj Richin ri Zacarías 14:6

Chupan k'a ri q'ij ri', ri q'ij man xtisaqirisan ta chik, y chuqa' man xtiq'equmer ta chik. Y man xtuben ta chik tew.

San Mateo 24:21

Kan jari' toq xtik'o ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew, k'a re wakami chupan re qaq'ijul roj. Y chuqa' man jun bey chik xtik'uluwachitej.

Marcos 13:19

Chupan ri ruq'ijul ri' kan xtik'o k'a ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew jampe' ri banon kan roma ri Dios, k'a re wakami chupan re qaq'ijul roj. Y chuqa' man jun bey chik xtik'uluwachitej.

Deut 32:7

Toqaqa k'a chi'ik'u'x ri ojer kan toq xtz'ukutej-pe ri qatinamit, y kan tich'obo' k'a kij jebel ri juna' ri e q'axineq chik kan. Tik'utuj chike ri ite-itata' richin chi tikitzijoj chiwe, y chuqa' tik'utuj chike ri e rijita'q taq achi'a' ri kan k'o kiq'ij richin chi tikitzijoj chiwe.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Apocalipsis 9:2

Y toq xujeq ri siwan xel-pe janila sib, achi'el xa ta jun nimalej horno, keri' ri sib ri' xuq'equmarisaj ruwech ri q'ij y ri ruwach'ulew.