Joel 2:19 - Kaqchiquel Bible

¹⁹ Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Joel 2:19 Iomraidhean Croise

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Ez 34:29

Kan xtinya' jebelej ulew richin tiko'n chike richin chi man jun bey chik xtikitej wayjal. Chuqa' man xkeya'ox ta chik pa tijoj-poqonal koma ri ch'aqa' chik ruwach'ulew.

Ez 36:15

Yin man xtinya' ta q'ij richin nak'axatej chik ri itzel ch'abel kichin ch'aqa' chik winaqi' richin ri ch'aqa' chik ruwach'ulew y chuqa' man xtinya' ta q'ij chi maneq chik winaqi' chupan ri kiruwach'ulew, xcha'.

Ez 36:29

Kan xkixinkol k'a chuwech banobel ri nibanon chiwe chi yixok man ch'ajch'oj ta. Y chuqa' xtinya' pa ruk'iyal ri jalajoj ruwech ixin chiwe richin man jun bey chik xtitej wayjal.

Ez 36:30

Kan xtinben k'a chi janila xkewachin ri jalajoj ruwech che' y kan xtiwachin k'a ri ulew, richin man jun bey chik xtiqasex iq'ij chikikojol ri ch'aqa' chik winaqi' roma wayjal.

Ez 39:29

Kan man jun bey chik k'a xkenmalij kan, roma xtinya' k'a ri loq'olej nu-Espíritu pa kiwi' richin nik'oje' kik'in. Yin Jehová ri ink'o pa ruwi' ronojel ri yibin, xcha'.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Os 2:21

Chupan ri q'ij ri' yin kan xkich'on k'a rik'in ri kaj; ri kaj kan xtuya' k'a pe ri urtisanik pa ruwi' ri ruwach'ulew.

Os 2:22

Ri ruwach'ulew kan xtiberuwachij k'a pe ri trigo, ri vino y ri aceite. Ri taq'aj Jezreel kan xtibewachin k'a jebel.

Joel 1:10

Ri ruwach'ulew xa kan xtole' kan; ri ulew k'o pa bis roma ri trigo xk'is-el ruwech, chuqa' ri tzeqaj uva kan xechaqi'j-qa, keri' chuqa' ri olivo xemayamo-qa.

Joel 2:24

Ri akuchi nich'ay-wi ri trigo, kan xtinoj chik jun bey, y ri kik'ojelibal ri vino y ri aceite kan xtipulin chik.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Deut 11:14

rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Wuj Richin ri Rut 1:6

Y k'o k'a jun q'ij xapon rutzijol rik'in ri Noemí ri chiri' pa Moab, chi ri Jehová xujoyowaj ruwech ri rutinamit Israel y kan xrelesaj yan ri wayjal pa ruwi'. Roma ri' rija' kan jari' xuben chi nitzolej pa ruwach'ulew Judá y nel-el chiri' pa Moab yerachibilaj-el ri e ka'i' rali'.