Joel 2:15 - Kaqchiquel Bible

¹⁵ Tixupuj k'a ri trompeta ri chiri' pa juyu' Sión. Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta.

Joel 2:15 Iomraidhean Croise

1 Rey 21:12

Rije' xkitaluj k'a rutzijol chike konojel winaqi' y man xewa' ta k'a y toq xkimol-ki' xkiya' ri Nabot chikiwech konojel ri winaqi'.

1 Rey 21:9

Y ri wuj ri xeruteq kere' nubij: Titaluj rutzijol chike konojel ri winaqi' chi k'o jun q'ij richin man yixwa' ta, y tibij chike chi chupan ri q'ij ri', niben jun molojri'il y niya' ri Nabot chikiwech ri winaqi'.

2 Rey 10:20

K'ari' ri Jehú xuch'er jun q'ij richin molojri'il richin niya'ox ruq'ij ri Baal.

Wuj Richin ri Isaías 1:13

Man tik'en-pe sipanik chuwe ri xa man jun rejqalen. Ri pom kan man niqa' ta chik chinuwech, chuqa' toq ninimaq'ijuj ri k'ak'a' ik', ri q'ij richin uxlanen, y ri q'ij richin molojri'il. Kan man ninkoch' ta chik ri itzel taq ibanobal toq nimol-iwi' richin yixnimaq'ijun.

Joel 1:14

Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta. Ke'imolo' ri e rijita'q taq achi'a' ri k'o kiq'ij; tiya' rutzijol chi k'o jun molojri'il chupan ri rachoch ri Jehová ri qa-Dios, tik'utuj chire richin yojruto'.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Wuj Richin ri Q'axanri'il 10:3

Toq chi e ka'i' trompeta yexupux, konojel k'a ri awinaq k'o chi nikimol-apo-ki' chawech rat, ri chiri' chuchi' ri wachoch richin molojri'il.