Joel 2:14 - Kaqchiquel Bible

¹⁴ Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Joel 2:14 Iomraidhean Croise

2 Sam 12:22

Y rija' xubij: Toq k'a k'es na ri ak'ual, yin man xiwa' ta y janila xinoq' y xinbij chi rik'in ta juba' ri Dios nujoyowaj nuwech richin man niken ta el ri ak'ual.

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

2 Rey 19:4

Tabana' utzil kach'on k'a rik'in ri Jehová pa qawi' ri juba' chik ri ojk'o kan. Rik'in juba' ri Jehová ri qa-Dios xrak'axaj ri ch'abel ri xerubila' ri aj-raqen pa kiwi' ri aj-labal aj-Asiria, ri itzel xch'on chirij ri k'aslik Dios. Y ja ta ri Jehová xtiya'on- pe ruk'ayewal pa ruwi', xecha'.

Ex 32:30

Ri jun chik q'ij ri Moisés xubij chike ri ch'aqa' chik ruwinaq: Rix kan jun nimalej mak ri xiben. Wakami k'a xkijote-q'anej pa ruwi' ri juyu' rik'in ri Jehová y xtink'utuj utzil chire richin xtukuy ta ri imak, xcha' ri Moisés.

Wuj Richin ri Isaías 65:8

Yin Jehová ri yibin. Toq ri uva ri man jani kewux, y janila kiya'al, ri winaqi' man nikajo' ta nikichoy ri juwi-uva, roma k'a nikiwux na kan ri uva. Keri' chuqa' xtinben yin roma ri wajowabal pa kiwi' ri nusamajela': Y roma ri' man xkenk'is ta el konojel.

Wuj Richin ri Jeremías 18:8

Jak'a wi rije' xa xtikijel ri kich'obonik y xa xtikiya' kan ri itzel taq kibanobal, yin man xtinteq ta chik pe ri ruk'ayewal pa kiwi'.

Wuj Richin ri Jeremías 26:13

Wakami k'a, tichojmirisaj ri ik'aslen y ri ibanobal. Wi ninimaj ri rutzij ri Jehová ri qa-Dios, rija' man xtuteq ta k'a pe ri ruk'ayewal pan iwi' achi'el ri rubin chiwe.

Wuj Richin ri Jeremías 26:3

Rik'in juba' xtikinimaj atzij y nikiya' kan ri itzel taq kibanobal. Y wi keri', man xtinya' ta rutojbalil-mak pa kiwi'.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 1:16

Roma kan xqatz'et rik'in runaq' taq qawech toq xelesex ri qaway. Ronojel ri kikoten ri k'o chupan ri rachoch ri qa-Dios kan xk'is.

Joel 1:9

Chuqa' ke'oq' ri sacerdote richin ri Jehová, roma man jun chik sipanik napon pa rachoch ri Dios. Maneq chik sipanik richin jalajoj ruwech ixin, ni ta ri vino.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

Wuj Richin ri Jonás 1:6

Jari' toq ri rajaw ri barco xqaqa-qa rik'in y xubij chire: ¿Achike roma toq yawer rat? Kayakatej y tak'utuj chire ri a-dios; rik'in juba' nujoyowaj qawech y man yojken ta, xcha'.

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.

Wuj Richin ri Sofonías 2:3

Chi'iwonojel rix ri iqasan-iwi', tikanoj k'a ri Jehová; rix ri kan iniman-pe rutzij. Kan jantape' k'a tikanoj ri ruchojmilal, tikanoj ri qasanri'il. Rik'in juba' keri' xkixkolotej ta kan chupan ri q'ij richin ri royowal.

Wuj Richin ri Hageo 2:19

Stape' man jun chik k'o chupan ri ik'ujay, y man jani yewachin-pe ri juwi-uva, ri wíkix, ri granado y ri olivo, jak'a re wakami rija' nutikeriba' nuya' chik urtisanik pan iwi', xcha' ri Hageo.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.