Joel 2:13 - Kaqchiquel Bible

¹³ Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

Joel 2:13 Iomraidhean Croise

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

1 Rey 21:27

Toq ri Acab xrak'axaj ri ch'abel ri xubij ri Elías, xuretz ri rutziaq chirij y xukusaj jun tzieq richin bis y kan man xwa' ta, y kan rik'in ri rutziaq ri' nikotz'e-qa; xuqasaj-ri' y kan janila k'a nibison ri nitzu'un.

2 Rey 22:11

Y toq ri Josías xrak'axaj ri nubij ri wuj richin ri pixa', xuretz ri rutziaq chirij roma bis.

2 Rey 22:19

Ri awánima xok ch'uch'uj y xaqasaj-awi' chinuwech toq xawak'axaj ri nubij ri wuj chirij re tinamit re' y chikij ri winaqi' ri ek'o chupan. Rat kan janila xabison toq xawak'axaj chi kan man jun chik wineq xtik'oje' kan y ri ruwach'ulew kan xtik'is. Kan xaretz ri atziaq chawij y xatoq' chinuwech, y yin kan xatinwak'axaj.

2 Rey 5:7

Toq ri rey richin Israel xusik'ij re wuj re', kan xuretz k'a ri rutziaq chirij, y xubij: ¡Yin, man in Dios ta richin ninya' ruk'aslen re achin re', ni richin ninwelesaj ruk'aslen. ¿Achike k'a roma wik'in yin xuteq-pe richin chi nink'ach'ojirisaj-el chire ri ruyabil? Titz'eta' na pe, ri rey richin Siria kere' xuben xaxe roma nrajo' chi niyakatej-pe chiqij, xcha'.

2 Rey 6:30

Toq ri rey xrak'axaj ri xubij ri ixoq, xuretz ri rutziaq chirij richin xuk'ut chi kan janila itzel xuna', y keri' rubanon xq'ax pa ruwi' ri tz'aq. Y ri winaqi' richin ri tinamit xkitz'et chi ri rey rukusan tzieq richin bis.

2 Crón 6:27

wi keri', rat kan xke'awak'axaj k'a pe chila' chikaj y xtakuy ta rumak ri atinamit Israel, y xtak'ut ta k'a ri utzilej bey ri akuchi k'o chi yebiyin-wi, y xtaya' ta chik k'a pe ri job pa ruwi' re ruwach'ulew ri xkichinaj ri atinamit pan aq'a' rat.

Wuj Richin ri Nehemías 9:17

Rije' man xkajo' ta xatkak'axaj y man xoqaqa ta chikik'u'x ri meyel taq banobel ri xaben kik'in rije'. Y roma xkikowirisaj ri kánima, xkikanoj jun uk'uey kibey richin yetzolin chik kan pan ilinri'il chiri' pan Egipto. Jak'a rat at Dios ri nakuy ri mak, y man chi'anin ta k'a nipe awoyowal y kan janila najoyowaj kiwech y janila k'a ajowabel k'o awik'in y nim k'a ri awánima y roma ri' man xe'amalij ta kan,

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Wuj Richin Bix Chire ri Dios 103:8

Ri Jehová kan joyowanel y koch'onel-wi. Kan man chi'anin ta nipe royowal, y kan janila nim ri rujoyowanik.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 34:18

Ri Jehová kan naqaj k'o chike ri niq'axon kánima richin nrelesaj ri q'axo'n ri'. Chuqa' kan yeruto' ri man jun chik oyobenri'il k'o kik'in.

Wuj Richin Bix Chire ri Dios 51:17

Ri sipanik ri niqa' chawech, kan ja ri jun ri ruqasan-ri'. Ri nibison y ruqasan-ri' chawech, kan man nawetzelaj ta rat nimalej Dios.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin ri Isaías 58:5

Man keri' ta rubanik ri meway ri niqa' chinuwech yin. Man keri' ta ri rubanik ri q'ij toq rix niqasaj-iwi' chinuwech. Man ninwajo' ta chi rix nilukuba-iwi' chinuwech, achi'el nuben jun q'ayis pop nipa'e' chik el jun bey toq xik'o yan qa ri kaq'iq'. Niben ich'at qiriqoj y yixkotz'e' pa chaj, y xa chire ri' nibij q'ij richin meway. ¿Kan niqa' kami chinuwech yin re'?

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

Wuj Richin ri Jeremías 42:10

Wi rix xkixk'oje-qa chupan re ruwach'ulew re', yin xtinpaba' chik q'anej y man jun bey chik xtinwulaj. Kan xkixinya' wawe' y man xkixinwelesaj ta el roma kan janila yibison roma kere' xinben chiwe.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.

Wuj Richin ri Jonás 4:2

Y xch'on rik'in ri Jehová y xubij: ¡Kan xinbij na wi yin toq k'a ink'o na pa nuruwach'ulew, chi kere' naben! Y roma ri' xinanimej richin ta xibe pa Tarsis. Keri' xinben roma wetaman chi at jun Dios koch'onel y joyowanel. Y roma ri awajowabal, kan stape' nabij chi naya' ta jun ruk'ayewal, xa najel chik ri ach'obonik.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

Efesios 2:4

Jak'a ri Dios yalan nim ri ajowabel ri k'o rik'in, roma ri' xojrajo' y xujoyowaj qawech.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.