Joel 2:12 - Kaqchiquel Bible

¹² Jak'a ri Jehová nubij chiwe chi kan k'a yixtikir na nitzolej-pe ik'u'x rik'in. Nubij chi kixmewayin, kixoq' y kixbison richin nik'ut chi rix nitzolej ik'u'x rik'in.

Joel 2:12 Iomraidhean Croise

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

2 Crón 30:6

Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

2 Crón 6:27

wi keri', rat kan xke'awak'axaj k'a pe chila' chikaj y xtakuy ta rumak ri atinamit Israel, y xtak'ut ta k'a ri utzilej bey ri akuchi k'o chi yebiyin-wi, y xtaya' ta chik k'a pe ri job pa ruwi' re ruwach'ulew ri xkichinaj ri atinamit pan aq'a' rat.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Wuj Richin ri Isaías 22:12

Chupan ri q'ij ri' ri Jehová k'iytisanel richin ronojel xkixroyoj rix richin xkixoq', y richin xkixk'oje' pa bis. K'o chi xtik'uq-el ri rusumal-iwi', y xtikusaj-el tzieq richin bis.

Wuj Richin ri Isaías 58:4

Ri q'ij toq yixmewayin, xa niq'axaj rik'in oyowalen y ch'ayonik. Y kan yixsokon rik'in ri iq'a'. Rix man ruk'amon ta chi chaq keri' niben chupan ri q'ij richin meway, y niwoyobej chi yin yixinwak'axaj.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Wuj Richin ri Jeremías 4:1

Yin Jehová kere' ninbij: Rix nuwinaq israelita, wi ta niwajo' nitzolin-pe ik'u'x, titzolin k'a pe ik'u'x wik'in yin. Tiwelesaj k'a el chi'ikojol ri wachibel ri kan man utz ta nintz'et y kan man tijech'ej chik el iwi' wik'in yin.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Dn 9:3

Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Os 12:7

Ri Dios nubij: Ri aj-Israel kan e achi'el k'a jun k'ayinel ri nukusaj etabel ri man tz'aqet ta. Kan ja ri eleq' ri niqa' chikiwech.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Wuj Richin ri Zacarías 7:3

Xebech'on kik'in ri e sacerdote ri ek'o chupan ri rachoch ri Jehová, y chuqa' kik'in ri e q'alajirisey ruch'abel. Y xkik'utuj: ¿Ruk'amon kami yojoq' y yojmewayin chupan ri ro' ik', achi'el ri qabanon-pe k'a re wakami?, xecha'.

Wuj Richin ri Zacarías 7:5

chi tinbij k'a chike konojel ri winaqi' y chuqa' chike ri sacerdote chi juna' chi juna' chupan ri oxk'al lajuj juna', rije' xemewayin y xejilon chupan ri ro' y ri ruwuq ik'. Jak'a rije' xa man richin ta xkiya' ruq'ij-ruk'ojlen ri Jehová.

Wuj Richin ri Malaquías 1:9

Tik'utuj k'a utzil chuwe yin Jehová ri in k'iytisanel richin ronojel chi tinjoyowaj iwech. Jak'a wi rix ye'isuj ri chikopi' ri' chinuwech yin, man tiwoyobej chi yin nink'ul chiwech rik'in kikoten.

Hechos 26:20

Roma ri' kan xinchop k'a rutzijoxik nabey chike ri winaqi' ri ek'o pa Damasco; k'ari' chike ri ek'o pa Jerusalem y chike k'a chuqa' ri ek'o pa ronojel tinamit pa Judea, y k'ari' chike k'a ri winaqi' ri man e judío ta, chi nej chi naqaj. Chike konojel k'a xinbij chi titzolej-pe kik'u'x rik'in ri Dios y tijalatej ri kik'aslen. Chuqa' xinbij chike chi kan tikiq'alajirisaj-ki' rik'in ri kibanobal chi e jalatajineq chik.

Wuj Kichin ri To'onela' 2:4

Toq ri ángel richin ri Jehová xubij ronojel re' chike ri e rijatzul ri Israel, jari' toq xesik'in-q'anej chi oq'ej.

Wuj Kichin ri To'onela' 20:26

Y roma ri' konojel ri aj-labal israelita y konojel ri winaqi' xebe chik jun bey pa rachoch ri Jehová, y xetz'uye' y xe'oq' chuwech, y man xewa' ta ri jun q'ij ri' k'a toq xok na ri aq'a'; y xkisuj kamelabel ri niporox chijun y chuqa' xkisuj sipanik richin nikiq'alajirisaj chi junan kiwech rik'in rija'.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.

1 Sam 7:6

Kan xkimol k'a ki' chiri' pa Mispá. Xkelesaj ya', y xkitix pan ulew chuwech ri Jehová richin jun sipanik. Kan man xewa' ta ri q'ij ri' richin chi konojel xkik'ut chi kan qitzij xtzolej-pe kik'u'x y xkibij: Kan qitzij na wi oj makuwineq chuwech ri Jehová, xecha'. Y ja ri Samuel xq'aton-tzij pa kiwi' ri israelita chiri'.