Joel 2:11 - Kaqchiquel Bible

¹¹ Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Joel 2:11 Iomraidhean Croise

Wuj Richin Bix Chire ri Dios 18:14

Nuk'eq k'a pe koyopa' achi'el xa ta ch'ab. Y rik'in re' xuben chi xkitaluj-el-ki' ri e yakatajineq chuwij.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

Wuj Richin ri Isaías 13:4

Kan tiwak'axaj k'a ri raqoj-chi'ij ri najin chikikojol ri juyu', achi'el xa ta e k'iy tinamit ri kimolon-pe-ki'. Tiwak'axaj ri ch'ujerik kichin ri tzobaj taq winaqi' roma konojel ri ruwach'ulew kimolon-pe-ki'. Ja ri Jehová ri k'iytisanel richin ronojel ri nisik'in kibi' ri aj-labal richin nibekichapa' oyowal.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Isaías 7:18

Kan xtibanatej k'a chupan ri q'ij ri' chi ri Jehová xtixuban richin xkeroyoj ri winaqi' aj-Egipto richin xkepe chiwij achi'el jun nima-tzobaj amolo', y chuqa' xkeroyoj ri winaqi' aj-Asiria richin xkepe achi'el jun nima-tzobaj xuruy.

Wuj Richin ri Jeremías 25:30

Chuqa' rat Jeremías xtaq'alajirisaj k'a chikij ri winaqi' ri' y xtabij k'a: Ri Jehová, kan xtisik'in k'a pe ri chila' pa jotol, xtisik'in k'a ri akuchi k'o-wi. Kan rik'in royowal xtich'on chikij ri ruwinaq, kan xtureq k'a ruchi' chikij ri ch'aqa' chik winaqi' achi'el nikiben ri achi'a' toq nikipitz' ri uva.

Wuj Richin ri Jeremías 30:7

Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.

Wuj Richin ri Jeremías 50:34

Jak'a yin ri yikolon kichin y kan k'o uchuq'a' wik'in, y nubini'an Jehová ri k'o ronojel uchuq'a' wik'in y kan pa ruchojmilal ri xtinben kik'in. Xtinya' uxlanibel-k'u'x chupan ri kiruwach'ulew, jak'a pa kiwi' ri aj-Babilonia xa xtinya' xibinri'il.

Ez 22:14

¿Xkixtikir kami xtipaba-iwi' chinuwech toq yin xkiyakatej chiwij? Yin Jehová ri yibin y kan xtinben k'a ri ninbij.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Joel 1:6

Xepe ri janila chi sak'; xepe achi'el jun tinamit winaqi' ri janila kuchuq'a', y man tikirel ta richin xe'ajlex. Ri key kan e ch'ut e ch'ut achi'el key ri koj.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.

Am 5:18

Toq'ex kiwech ri winaqi' ri nikirayij yan ri nupeten. ¿Achike kami roma rix niwajo' richin yipe yan ta? Ri q'ij ri' iwoyoben richin xtik'oje' ta saqil, jak'a xaxe q'equ'm ri xtik'oje'.

Am 5:20

Kan qitzij chi ri q'ij richin yipe xa kan jun q'ij richin q'equ'm, Re q'ij re', q'ij richin jun nimalej q'equ'm, y man richin ta saqil.

Wuj Richin ri Abdías 1:15

Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Malaquías 3:2

Ri q'ij toq xtipe ri Jehová, kan xtuben achi'el ri q'aq' ri nujosq'ij ri ch'ich' y achi'el chuqa' nich'ajch'ojirisan ri xabon. Ri q'ij ri' kan man jun xtitikir xtikoch'o.

Wuj Richin ri Q'axanri'il 24:23

Y ri Balaam xuq'alajirisaj chik k'a y xubij: Ri chiri' pa ruwach'ulew Chipre xkepe winaqi' pa nimalej taq barco, y re winaqi' re' xkekich'ek ri aj-Asiria y ri aj-Éber. Jak'a pa ruk'isibel, ri aj-Chipre xtipe wululen chikij y xkek'is. Xa tijoyowex ruwech ri wineq ri xtik'ase' toq ri Dios xtuben ronojel re',

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

Apocalipsis 18:8

Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.