Joel 2:1 - Kaqchiquel Bible

¹ Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 2:1 Iomraidhean Croise

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 87:1

Ri Jehová kan xujikiba' k'a ri tinamit Sión pa ruwi' ri juyu' ri kan ch'aron.

Ex 10:14

Y ri janila chi sak' ri' xe'oqaqa pa ruwi' chijun ri ruwach'ulew Egipto. Kan xeqaqa k'a pa ronojel ulew chijun ri ruwach'ulew ri'. Kan man jun bey k'a k'uluwachitajineq ta keri', ni man jun bey chuqa' chik xtibanatej.

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Wuj Richin ri Isaías 13:9

Xtipe k'a ri q'ij richin xtuq'et-tzij ri Jehová, q'ij richin nimalej ruk'ayewal, q'ij richin nimalej royowal. Kan xtuben tz'iran chire ri ruwach'ulew, y kan xkeruk'is konojel aj-maki' ri ek'o chiri'.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 66:5

Kan tiwak'axaj ri nuch'abel yin Jehová, rix ri kan iya'on nuq'ij. Kan ek'o iwach'alal ri kan itzel nikina' chiwe, roma rix in itzeqeliben yin. Rije' nikibij chiwe chi yin nink'ut ri nuk'ojlen, y chi rije' nikajo' richin yixkitz'et rik'in kikoten. Man rik'in ri' rije' xkek'ixbitej, nicha' ri Dios.

Wuj Richin ri Jeremías 16:10

Toq xtaya' re rutzijol re' chike, rije' xtikik'utuj chawe ri achike roma yin xinya' ri ruk'ayewal ri' pa kiwi'. Xtikik'utuj k'a ri achike itzel kibanon y achike mak kibanon chinuwech.

Wuj Richin ri Jeremías 16:7

Man jun k'a xtik'amon-pe q'utun richin yekiq'ejela' ri ek'o pa bis. Chuqa' man jun xtik'amon-pe vino, stape' kan ja ri te'ej o ri tata'aj ri niken.

Wuj Richin ri Jeremías 4:5

Tiya' k'a rutzijol pa tinamit Jerusalem y pa ruwach'ulew Judá. Tixupuj k'a ri trompeta richin niya' rutzijol chupan ri ruwach'ulew. ¡Kan kow k'a tiraqa' ichi'! y tibij: ¡Tiqamolo-qi' y qojok chiri' pa tinamit richin tobel!

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Ez 12:23

Jak'a rat tabij chike ri nuch'abel. Yin kan xtinben k'a chi man xtikamulux ta chik re jun k'ambel-tzij re' ri chiri' pan Israel. Pa ruk'exel re', ri q'ij xnaqajub yan pe richin nibebanatej ronojel ri xink'ut chawech.

Ez 21:12

Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Ez 30:3

Noqaqa yan k'a ri q'ij wichin yin, ri Jehová. Y ri q'ij ri' kan muqul. Kan ruk'amon-pe xibinri'il chike ri winaqi' richin ch'aqa' chik ruwach'ulew.

Ez 33:3

Y wi ri chajinel ri' nutz'et chi peteneq ri oyowal, kan jari' nuxupuj ri trompeta richin nuya' rutzijol chiwe.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

Ez 7:10

Ri q'ij richin wululen kan xoqaqa yan, roma kan xoqaqa yan ri retal, achi'el ri q'ayis yebebos-pe richin nikik'ut chi noqaqa yan ruq'ijul ri job.

Ez 7:12

Xoqaqa k'a ri q'ij y xoqaqa k'a ri ramaj toq ri k'ayinel man nikikot ta rik'in ri ruk'ayij y ri loq'onel man nibison ta richin nuya' kan ruméro, roma ninbenya' yan ri rutojbalil pa kiwi' konojel.

Dn 6:26

Yin ri in rey ninya' k'a pan iwi' chi'iwonojel re jun pixa' re': Kan konojel k'a ri winaqi' ri ek'o chupan ri wajawaren kan tikiqasaj k'a ki' chuwech ri ru-Dios ri Daniel; Roma ri Dios ri' kan jari' ri k'aslik Dios; ja rija' ri Dios richin tibe-q'ij tibe-seq. Ri rajawaren kan man jun k'a xtiwulan richin; ri ruq'atbal-tzij kan man k'isel ta k'a.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Dn 9:20

Y yin kan yinajin k'a chi ch'owen rik'in ri nu-Dios, richin xinchol chuwech ronojel ri qamak roj israelita. Kan yinoq' k'a chuwech rija', richin xink'utuj utzil chire pa ruwi' ri tinamit Jerusalem.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Joel 2:15

Tixupuj k'a ri trompeta ri chiri' pa juyu' Sión. Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Am 5:18

Toq'ex kiwech ri winaqi' ri nikirayij yan ri nupeten. ¿Achike kami roma rix niwajo' richin yipe yan ta? Ri q'ij ri' iwoyoben richin xtik'oje' ta saqil, jak'a xaxe q'equ'm ri xtik'oje'.

Am 8:2

Y ri Dios xuk'utuj chuwe ri achike nintz'et. Y yin xinbij chire chi nintz'et jun chakech ruwech che' ri jebel e cheq', e cheq' chik. Y ri Dios xubij chuwe: Achi'el re ruwech che' re', ri utz chik richin yewux y nimol kichi', keri' chuqa' ri winaqi' israelita ruk'amon chik chi yemol y ye'uk'uex-el. Y roma ri' yin kan man jun bey chik xtinkuy ri kimak.

Wuj Richin ri Abdías 1:15

Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.

Wuj Richin ri Sofonías 1:14

Kan naqaj chik k'o-wi ri q'ij richin royowal ri Jehová. Naqaj chik y kan xtibebanatej yan. Kan man tikirel ta nak'axex ri koq'ej ri winaqi'. Bis-bis ri kiraqoj-chi'ij ri aj-labal.

Wuj Richin ri Sofonías 1:16

y q'ij richin yeq'ajan-pe ri trompeta y raqoj-chi'ij, richin nichapatej oyowal pa taq tinamit ri sutin-kij rik'in tz'aq, y pa kiwi' ri nimalej taq torre richin tobel.

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.

Wuj Richin ri Sofonías 3:11

Chupan k'a ri q'ij ri', rix nuwinaq kan man xkixk'ixbitej ta chik roma ri imak ri e ibanalon chinuwech yin. Roma kan xkenwelesaj-el chi'ikojol konojel ri kinimirisan-ki'. Y rix kan man jun bey chik k'a xtinimirisaj-iwi' wawe' pa Jerusalem.

Wuj Richin ri Zacarías 14:1

Noqaqa yan jun q'ij wichin yin Jehová toq ronojel ri xtik'en-pe chuwi-kiq'a' ri e etzelanel iwichin xtitalutej chiwech qa rix.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Wuj Richin ri Q'axanri'il 10:2

Tabana' k'a ka'i' trompeta rik'in saqipueq y rik'in bajibel nachojmirisaj-wi. Y re' xtik'atzin richin xke'amol ri awinaq ri chiri' ri akuchi ixk'o-wi-qa y chuqa' richin toq nichop chik el bey.

Wuj Richin ri Q'axanri'il 10:3

Toq chi e ka'i' trompeta yexupux, konojel k'a ri awinaq k'o chi nikimol-apo-ki' chawech rat, ri chiri' chuchi' ri wachoch richin molojri'il.

1 Corintios 14:8

O ri nixupun ri trompeta richin yerumol ri aj-labal, wi xaxe nuxupuj ri trompeta y xa man jun rubeyal, ¿nikimol kami ki' ri aj-labal?

Filipenses 2:12

Roma ri', rix ri yalan yixinwajo', ninbij k'a chiwe chi jantape' tinimaj tzij, achi'el ibanon-pe toq xik'oje' iwik'in. Kan keri' chuqa' tibana' wakami, stape' man ink'o ta iwik'in. Rik'in qasanri'il, titija' iq'ij richin nisamajij ri ik'aslen rik'in ri Dios k'a toq xtitz'aqatisaj na.

1 Tesalonicenses 5:2

Roma rix jebel iwetaman chi man jun etamayon janipe' xtipe. Roma rija' toq xtipe, xtuben achi'el nuben jun eleq'om toq napon pa jun jay ri chi'aq'a'.

Santiago 5:8

Y keri' chuqa' tibana' rix. Kixkoch'on. Kan tikuquba' ik'u'x rik'in ri Dios, roma chi'anin xtapon ri q'ij toq xtipe chik jun bey ri qajaw.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.