Joel 1:6 - Kaqchiquel Bible

⁶ Xepe ri janila chi sak'; xepe achi'el jun tinamit winaqi' ri janila kuchuq'a', y man tikirel ta richin xe'ajlex. Ri key kan e ch'ut e ch'ut achi'el key ri koj.

Joel 1:6 Iomraidhean Croise

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Wuj Richin Etamabel-Tzij 30:14

Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan; y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.

Wuj Richin ri Isaías 32:13

Chuqa' kixoq' pa ruwi' ri ulew, roma kan xkenoj k'ix chupan. Kixoq' pa kiwi' ri jay akuchi janila yekikot ri winaqi', y chijun ri tinamit ri yenimaq'ijun.

Wuj Richin ri Isaías 8:8

keri' xtikiben toq xke'apon pa tinamit Judá. Xtikinojisaj chijun ri ruwach'ulew, y kan xkeruk'is, xcha'. Y ri winaqi' aj-Judá xkibij: Jak'a ri Dios kan k'o qik'in. Rija' xqojrukuch roj y chuqa' ri qaruwach'ulew, achi'el nuben jun aj-xik' chikop ri rurik'on ri ruxik' richin yerukuch ri taq ral.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.