Joel 1:4 - Kaqchiquel Bible

⁴ Ri xkiya' kan ri jut, xkitej-el ri kokoj taq sak'; ri xkiya' kan ri kokoj taq sak', xkitej-el ri nima'q taq sak'; y ri xkiya' kan ri nima'q taq sak' xkitej-el ri janila chi sak'.

Joel 1:4 Iomraidhean Croise

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

2 Crón 6:28

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri e etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

2 Crón 7:13

Toq rix ri ix nutinamit xkixmakun chinuwech, yin xtintz'apej ri kaj richin man nuben ta chik job, o xkenteq-pe sak' pa taq tzobaj richin nikik'is ri tiko'n o xtinteq-pe jun nima-yabil pan iwi'.

Wuj Richin Bix Chire ri Dios 105:34

Xaxe xch'on ri Jehová, kan jari' xepe sak' pa ruk'iyal. Kan janila k'a chi chikopi' ri xek'oje' chirij ri tiko'n, kan man e ajlatel ta chik.

Wuj Richin Bix Chire ri Dios 78:46

Xuben chi ri jut xkik'is ri kitiko'n kan ronojel k'a ri ruwech ri kitiko'n xuya' chike ri sak'.

Ex 10:4

Roma wi man xtaya' ta q'ij richin nel-el, ri chua'q, yin xkenteq-pe sak' chijun re aruwach'ulew.

Ex 10:5

Y ri chikopi' ri' kan xtikiq'equmarisaj ri ruwi' chijun ruwach'ulew, y kan man xtiq'alajin ta pe ri ulew. Y ri chikopi' ri' xtikik'is rutijik ronojel ri tiko'n, ri xkolotej kan pa ruq'a' ri saqboch y xtikik'is chuqa' ronojel ri ruxaq che' ri xebejotayin yan pe.

Wuj Richin ri Isaías 33:4

Y ri janila chi qawinaq xke'el-el chusik'ik ri kibeyomel achi'el nikimol-ki' ri sak' chirij ri tiko'n. Y xtikik'uaj-el ronojel ri kan kichin rije'.

Wuj Richin ri Jeremías 51:14

Roma ri' ri Jehová ri k'o ronojel uchuq'a' pa ruq'a' kan nuya' rutzij pa rubi' rija', chi xtuben chi xke'apon e k'iy achi'a' e etzelanel iwichin, ri man jun nitikir ye'ajlan, roma kan janila e k'iy, kan achi'el ri kajlabal ri sak'. Y rije' xtikireq k'a kichi' richin ch'akonik, xkecha'.

Wuj Richin ri Jeremías 51:27

Ri Jehová nubij chike ri ch'aqa' chik ruwach'ulew: Tijotoba' k'a ri tzieq retal richin oyowal; tixupuj k'a ri trompeta richin niya' rutzijol chike ri winaqi'. Y tinaba-iwi' rix winaqi' richin re ruwach'ulew. Kixyakatej k'a chikij ri aj-Babilonia. Ke'ibeyaka-pe ri q'atbel taq tzij richin ri ruwach'ulew Ararat, ri Miní y ri Asquenaz. Tikanoj jun achin ri más k'o ruq'ij richin nok aj-raqen kichin ri aj-labal. Kan ke'ik'uaj k'a ri achi'a' ri e beneq chikij kiej, ri e achi'el kajlabal ri sak'.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Am 4:9

Xinya' nimalej taq kaq'iq' pa ruwi' ri itiko'n richin xechaqi'j-qa. Xinteq k'a pe yabil richin nik'is ri i-uva y ri itiko'n ri ek'o pa qejoj. Chuqa' ri sak' xekitej ri iwíkix y ri olivo. Man rik'in ri' man xtzolej ta pe ik'u'x wik'in. Yin Jehová ri yibin.

Am 7:1

Ri Dios xuk'ut chinuwech pa jun achik' re xtintzijoj chiwe wakami: Rija' kan yerunaba' k'a sak' richin yebebos-pe pa taq tiko'n. Y re' xbanatej toq xelesex yan el ri nabey tiko'n ri richin ri rey, toq k'a man jani tapon ri q'ij richin nik'ol ri ch'aqa' chik tiko'n.

Wuj Richin ri Malaquías 3:11

Xkenwelesaj k'a el ri xketijo ri itiko'n richin man jun bey chik xtikik'is chiwech. Chuqa' xtinben chi man xketzaq ta el ri kiwech ri i-uva pa ruq'ijul.

Deut 28:38

Xtibanala-qa janila tiko'n y juba' ok xtuya' kan chiwe, roma ri sak' xtikik'is-el.

Deut 28:42

Ronojel k'a che' y ronojel ri itiko'n ri k'o chupan ri iwulew kan xkek'is koma ri sak'.